Trinayani Serial Hero Marriage: ప్రియురాలిని పెళ్లాడిన త్రినయిని సీరియల్ హీరో

లాక్ డౌన్ ఎఫెక్ట్‌తో సామాన్యుల దగ్గర నుంచి సెలబ్రిటీస్ వరకూ ఇదే మంచి తరుణం అనుకుంటూ పెళ్లిళ్లు చేసుకుంటున్నారు. ఈ క్రమంలోనే జీతెలుగు ప్రేక్షకుల్ని ఎంతగానో అలరిస్తున్న ‘త్రినయినీ’ సీరియల్ హీరో చందు బి గౌడ్ పెళ్లి పీటలెక్కేశారు.

కన్నడాలో ‘లక్ష్మీ బారామ్మ’ సీరియల్‌తో మంచి పేరు తెచ్చుకున్న చందు గౌడ్.. త్రినయినీ సీరియల్‌తో తెలుగు ప్రేక్షకులకు దగ్గరైన సంగతి తెలిసిందే. షాలనీ అనే మోడల్‌తో గత నాలుగేళ్లుగా ప్రేమలో ఉన్న చందు.. పెద్దల్ని ఒప్పించి షాలినీతో పెళ్లికి సిద్ధమయ్యాడు. లాక్ డౌన్ నిభందనలకు లోబడి.. కుటుంబసభ్యులు, కొందరు స్నేహితుల సమక్షంలో ఒకటయ్యారు చందు గౌడ్, షాలిని జంట. వీరి పెళ్లి ఫోటోలను షాలిని సోషల్ మీడియాలో షేర్ చేయగా.. పలువురు శుభాకాంక్షలు తెలియజేస్తున్నారు.

చందు పూర్తి పేరు చందు బి గౌడ్. పుట్టింది ధనికుల కుటుంబంలోనే. తండ్రి బైరప్ప.. బెంగళూర్‌లో పెద్ద వ్యాపారవేత్త. బైరప్ప అంటే బెంగళూర్‌లో తెలియని వారు ఉండరు. అన్నీ ఉన్నా.. తనకంటూ గుర్తింపులేదనే వెలితి.. అతడ్ని నటుడ్ని చేసింది.

మనసుకు నచ్చింది చెయ్యడంలోనే సంతృప్తి ఉంటుందని నమ్మే చందు.. తండ్రి బెంగళూర్‌లో పెద్ద వ్యాపార వేత్త అయినప్పటికీ.. తన చదువుకి తగ్గ ఉద్యోగం వచ్చినప్పటికీ అన్నింటినీ వదిలి.. నటన మీద ఉన్న ఆసక్తితో ఈ దిశగా అడుగులు వేశారు. కన్నడలో ఎన్నో సీరియల్స్‌లో చేసి మెప్పించిన చందు.. సినిమాల్లోనూ నటించారు. కొన్ని విడుదలకు సిద్ధంగా ఉన్నాయి. (త్రినయినీ సీరియల్‌లో హీరోయిన్‌గా ఆషిక గోపాల్ పదుకొనె(త్రినయినీ), హీరోగా చందు(విశాల్) ప్రేక్షకుల్ని ఎంతగానో మెప్పిస్తున్న సంగతి తెలిసిందే..)
Read also: ‘కార్తీకదీపం’ నవంబర్ 2 ఎపిసోడ్! అత్తాకోడళ్ల నిగలో మౌనిత! ‘డ్రైవర్ అంజీకి భయపడుతోందా?’