Trinayani:'త్రినయని' ఊర మాస్ డ్యాన్స్.. రంజితమే సాంగ్‌కు దుమ్ముదులిపేసింది!

త్రినయని సీరియల్ హీరోయిన్ ఆషిక గోపాల్.. లేటెస్ట్ వీడియో తెగ వైరల్ అవుతోంది. 'రంజితమే' సాంగ్‌కు ఆషిక వేసిన స్టెప్లులు చూసి నెటిజన్ల మతిపోయింది. ఆమెలో ఇంత మంచి డ్యాన్సర్ ఉందా అటూ షాకవుతున్నారు.

Authored byఆర్ కే మురళీ కృష్ణ | Samayam Telugu 25 Feb 2023, 1:56 pm

బుల్లితెర ప్రేక్షకులకు ఆషిక గోపాల్ పదుకొణే కొత్తేం కాదు. 'కథలో రాజకుమారిగా' తెలుగు ప్రేక్షకులకు పరిచయమైన ఈ బ్యూటీ ప్రస్తుతం 'త్రినయని' సీరియల్‌తో సందడి చేస్తుంది. తన అందం, అభినయంతో బుల్లితెర ప్రేక్షకులను కట్టిపడేస్తుంది ఆషిక. ఈ మధ్య పెళ్లి పీటలు కూడా ఎక్కిన ఆషిక.. ఎప్పుడూ ఫ్యాన్స్‌తో టచ్‌లో ఉంటుంది. సోషల్ మీడియాలో తన ఫొటోలు, రీల్స్ షేర్ చేస్తుంటుంది. తాజాగా ఈ భామ షేర్ చేసిన ఓ వీడియో తెగ వైరల్ అవుతోంది.

ఊర మాస్ డ్యాన్స్

తమిళ హీరో విజయ్, రష్మిక నటించిన 'వారసుడు' సినిమాలో రంజితమే సాంగ్ ఎంత పెద్ద హిట్ అయ్యిందో అందరికీ తెలిసిందే. ఈ సాంగ్‌కు తాజాగా ఆషిక ఊర మాస్ డ్యాన్స్ వేసింది. మరో ఇద్దరు లేడీస్‌తో కలిసి ఆషిక వేసిన స్టెప్పులు.. నెటిజన్లను బాగా ఆకట్టుకున్నాయి. పాట బీటుకు ఏమాత్రం తగ్గకుండా స్టెప్పులతో దుమ్ముదులిపేసింది త్రినయని.

ఆషిక డ్యాన్స్ చూసిన నెటిజన్లు అవాక్కవుతున్నారు. ఫైర్ ఎమోజీలతో కామెంట్ బాక్స్ నిండిపోయింది. "అక్కా.. నీలో ఇంత గొప్ప డ్యాన్సర్ ఉన్నారని తెలీదు, డ్యాన్స్ కుమ్మేశావ్ అక్కా, ధమాకా సినిమాలో శ్రీలీలలా డ్యాన్స్ వేశావ్" అంటూ ఫ్యాన్స్ కామెంట్లు పెడుతున్నారు. ప్రస్తుతం త్రినయని సీరియల్ బాగానే రన్ అవుతుంది. ఈ మధ్య టీఆర్‌పీ రేటింగ్స్‌సో టాప్-5లోకి వచ్చింది త్రినయని. అయితే ఆ తరువాతి వారమే 6వ స్థానంలోకి జారుకుంది.

Read latest TV News and Movie Updates

Trinayani:'త్రినయని' ఊర మాస్ డ్యాన్స్.. రంజితమే సాంగ్‌కు దుమ్ముదులిపేసింది!

తరవాత కథనం