Tulasi And Prem To Trace Divya In Intinti Gruhalakshmi 2023 January 21 Episode Preview
Gruhalakshmi Today జనవరి 21 ఎపిసోడ్: అయ్యో.. నా కూతురి జీవితం నాశనం చేశారే.. కార్తీక్ని పట్టేసుకున్న తులసి
Intinti Gruhalakshmi January 21 Today Episode: తులసి పుత్రిక దివ్యని నమ్మించి మోసం చేస్తారు ఆమె స్నేహితులు కార్తీక్, చేతన్లు. బర్త్ డే పార్టీకి పిలిచి ఆమెపై కన్నేస్తారు. కార్తీక్ ప్రేమ పేరుతో ఆమెను లొంగదీసుకోవడానికి ప్రయత్నిస్తాడు. మరి దివ్యని తులసి కాపాడిందో లేదో నేటి ఎపిసోడ్లో చూద్దాం.
Authored byశేఖర్ కుసుమ | Samayam Telugu21 Jan 2023, 9:36 am
బయట రోజులు బాలేవమ్మా.. ఎదిగిన పిల్లవి బయటకు వెళ్లొద్దమ్మా అని చిలక్కి చెప్పినట్టు చెప్పింది తులసి. కానీ దివ్య వినిపించుకుంటేనా?? లాస్య మాటల్ని నమ్మి.. తల్లి దగ్గర అబద్దం చెప్పి మరీ.. స్పెషల్ క్లాస్ అని చెప్పి బర్త్ డే పార్టీకి వెళ్లి చిందులు వేస్తుంది. అయితే అక్కడ ఆమె స్నేహితులు.. దివ్యపై కన్నేయడం.. మత్తుమంది ఇచ్చి ఆమెను పాడు చేయడానికి ప్రయత్నిస్తున్నారు. ఇక ఈరోజు (జనవరి 21) ఎపిసోడ్లో ఏమైందంటే.. మత్తులో ఉన్న దివ్య.. ‘రేయ్.. మీరు మాఇంటికే తీసుకుని వెళ్తున్నారా? నాకేదో డౌట్గా ఉందని అంటుంది. మీఇంటికేలే.. ఇప్పుడు ఇంటికి వెళ్లి ఏం చేస్తావ్ చెప్పు.. రాక రాక బయటకు వచ్చావ్.. కాసేపు ఎంజాయ్ చేద్దాం’ అని అంటాడు ఆమె స్నేహితుడు. ‘ఎంజాయ్ చేయడం ఏంట్రా.. ఏం మాట్లాడుతున్నారు? నాకు నచ్చదు.. నన్ను ఇంటి దగ్గర దింపుతారా లేరా? అని అంటుంది. ఎందుకు దివ్యా కంగారు పడతావ్.. మనం ఫ్రెండ్సే కదా.. ఇలాంటివి అన్నీ కామన్ అని దివ్య చేయి పట్టుకుంటాడు ఆమె స్నేహితుడు.
ఫ్రెండ్స్ మధ్య ఇవన్నీ కామన్.. రావే
దీంతో దివ్య.. మీరు నన్ను ఛీట్ చేశారు.. కారు ఆపుతారా లేదా? లేదంటే కేకలు వేసేస్తా అని అంటుంది దివ్య. దీంతో ఆమె ఫ్రెండ్.. ‘కూల్ దివ్యా.. మనం ఫ్రెండ్స్ రా’ అని అంటాడు. దివ్య గట్టిగా అరవడంతో.. వెనుక కూర్చున్న వాడు దివ్య నోరు మూసేస్తాడు. డ్రైవింగ్ చేసేవాడు.. రేయ్.. రేయ్.. మనం చేసేది కరెక్ట్ కాదనిపిస్తుందిరా.. ఆలోచించరా.. దివ్యని ఇంటి దగ్గర దింపేద్దాంరా అని అంటాడు. కానీ వాడు మాత్రం.. ‘పిరికినా కొడకా.. ముందు డ్రైవ్ చేయి.. దీని సంగతి నేను చూసుకుంటాను’ అని అంటాడు. ఆ తరువాత దివ్యని పట్టుకుని.. ఇదేం తప్పు కాదు రా..’ అని అంటాడు.
దివ్యని వెతుక్కుంటూ వచ్చిన తులసి, ప్రేమ్
దీంతో దివ్య.. ‘నమ్మించి మోసం చేస్తారా? మనం ఫ్రెండ్స్ కదరా.. ప్లీజ్ నన్ను వదిలేయరా’ అని వేడుకుంటుంది. కానీ వాడు మాత్రం.. దివ్య మాట్లాడకుండా నోరు నొక్కేస్తాడు. ఇక తులసి, ప్రేమ్లు దివ్యని వెతుక్కుంటూ.. పార్టీ జరిగిన గెస్ట్ హౌస్ దగ్గరకు వస్తారు. పార్టీ అవ్వగానే ఎవరి ఇంటికి వాళ్లు వెళ్లిపోయారని.. లోపల ఎవరూ లేరని చెప్తాడు వాచ్మెన్. దీంతో ప్రేమ్.. దివ్య ఫొటో తీసి చూపిస్తాడు. ఈ అమ్మాయిని చూశావా? అని అడుగుతాడు. ‘చూశాను సార్.. అందరికంటే చివరిగా వెళ్లింది ఈమెనే.. మత్తులో కూడా ఉంది. ఇద్దరు అబ్బాయిలు దివ్యని ఎక్కించుకుని తీసుకుని వెళ్లారు’ అని అంటాడు.
వాచ్మెన్పై తులసి చిందులు.. దిమ్మతిరిగే ఆన్సర్
ఆ మాటతో తులసి.. తీసుకుని వెళ్లిన ఆ ఇద్దరు అబ్బాయిలు ఎవరు? ఆ కారు నెంబర్ చూశావా? అని అడుగుతుంది. ఏమో నాకు తెలియదు.. చూడలేదు.. అని వాచ్మెన్ చెప్పడంతో.. ‘మరి ఏం చేస్తున్నావ్.. చూడకుండా.. నీ డ్యూటీ ఏంటో నీకు తెలియదా?’ అంటూ తులసి వాచ్మెన్పై చిందులు తొక్కుతుంది. వాచ్ మెన్ విధినిర్వహణపై క్లాస్ పీకుతుంది. దీంతో వాచ్ మెన్.. దిమ్మతిరిగే ఆన్సర్ ఇచ్చి తులసి నోరు మూయిస్తాడు. ‘వచ్చిన వాళ్లంతా.. మా చిన్నమ్మ గారి ఫ్రెండ్స్.. వాళ్ల కార్ నెంబర్లు.. బైక్ నెంబర్లతో నాకేం పని’? అని అంటాడు. దెబ్బకి నోరు మూసేస్తుంది తులసి.
స్టేషన్లో కంప్లైంట్ ఇవ్వొద్దురా..
ఇంతలో నందు వచ్చి.. ఏమైంది? ఏమంటున్నాడు అని అడుగుతాడు. దీంతో తులసి.. ‘అందరికంటే చివరిగా వెళ్లింది దివ్యేనట.. మత్తులో ఉందని ఇద్దరు అబ్బాయిలు కారులో ఎక్కించుకుని వెళ్లారని చెప్తున్నాడు.. నాకేదో కంగారుగా ఉందని తులసి అంటుంది. పోలీస్ స్టేషన్కి వెళ్లి కంప్లైంట్ ఇద్దాం అని ప్రేమ్ అంటే.. ‘ఇంకేమైనా ఉందా?? స్టేషన్లో కంప్లైంట్ ఇస్తే మీడియాలో దివ్య ఫొటో వచ్చేస్తుంది. ఎవడికి వచ్చినట్టు వాడు రాసేస్తాడు. పెళ్లి కావాల్సిన దాని బతుకు నాశనం అవుతుంది’ అని అంటుంది తులసి.
తల బాదుకున్న తులసి.. ఆడపిల్లకే ఎందుకురా ఈ కష్టాలు?
సరేకానీ.. మరి చెల్లి ప్రమాదంలో ఉంటే పరిస్థితి ఏంటి? అని అంటాడు ప్రేమ్.. ఆ మాటతో తులసి.. ‘అలా జరగకుండా ఉండాలని దేవుడ్ని కోరుకోవడం తప్పితే ఏం చేయలేంరా.. చూస్తూ చూస్తూ దాని జీవితాన్ని మన పరువుని బజారున పడేయలేం కదా.. ఒక్క చిన్న అబద్ధం ఎంతపని చేసిందో చూశావా? నేను ఉండి కూడా లాభం ఏముంది? అని తల బాదుకుంటుంది తులసి. ‘ఆడపిల్లకే ఎందుకురా ఈ కష్టాలు.. ఆడపిల్ల అంటే ఎందుకురా ఈ చులకన అని’ ఏడ్చేస్తుంది తులసి. అది చూసిన నందు.. ‘మనం చేయాల్సింది బాధపడటం కాదు.. దివ్యని వెతకడం’ అని తులసిని కంట్రోల్ చేస్తాడు.
లాస్యలో భయం.. భయం
ఇక దివ్యకి మత్తుమందు ఇవ్వడంతో.. ఆమెను మైకం కమ్మేస్తుంది. నన్ను ఇంటి దగ్గర దించేయండ్రా.. అరేయ్ కార్తీక్ నువ్ నా బెస్ట్ ఫ్రెండ్వి రా మోసం చేయొద్దురా.. అని వేడుకుంటుంది దివ్య. ఇక లాస్య వల్లే ఇలా అయ్యిందని.. అనసూయ గడ్డిపెడుతుంది. మిగిలిన శ్రుతి, అంకిత, పరంధామయ్యలు కూడా అందుకుంటారు. దీంతో లాస్య.. ‘దివ్య అబద్ధం చెప్పి వెళ్లి ఉంటే ఏం చేసేవారు.. నా కర్మకాలి నేను సలహా ఇచ్చాను. దివ్యని నేనేదో బలవంతంగా పార్టీకి పంపినట్టు నన్ను నిందిస్తారు ఏంటి? అని అంటుంది. ఆ మాటతో పరంధామయ్య.. దివ్యని ఏమన్నా కావాలీ.. తులసి నిన్ను వదిలిపెట్టదు’ అని హెచ్చరిస్తాడు. ఆ మాటతో లాస్యలో భయం రెట్టింపు అవుతుంది.
అయ్యో.. నా మనవరాలి జీవితం నాశనం అయిపోయిందే..
వెంటనే నందుకు ఫోన్ చేసి.. అందరి ముందు స్పీకర్ ఆన్ చేసి.. దివ్య దొరికింది కదా.. నేను చెప్పిన అడ్రస్లోనే ఉంది కదా.. మీ వాళ్లు తెగ కంగారు పడిపోతున్నారు.. అని అంటుంది. అయితే నందు.. ‘అక్కడ దివ్య లేదు.. వెతుకుతూనే ఉన్నాం’ అని అంటాడు. ఆ మాట అనసూయ వినగానే కుప్పకూలిపోతుంది.. ‘అయిపోయింది.. నా మనవరాలి జీవితం అయిపోతుంది. నాశనం అయిపోయింది’ అని ఏడ్చేస్తుంది. స్టేషన్లో కంప్లైంట్ ఇస్తే అందరికీ తెలిసిపోతుంది అని నందు అనడంతో.. నీ ఫ్రెండ్ ఉన్నాడు కదా.. అతని హెల్ప్ అన్ అఫీషియల్గా తీసుకో అని సలహా ఇస్తుంది లాస్య. గుడ్ ఐడియా అని ఎస్ఐ రామారావుకి ఫోన్ చేసి సాయం తీసుకుంటాడు నందు.
నీకు దండం పెడతా.. నా జీవితం నాశనం చేయకురా
ఇక దివ్య స్నేహితులు కార్తీక్.. చేతన్లు ఆమెను ఓ రూమ్లోకి తీసుకుని వెళ్లి బలవంతం చేయబోతుంటారు. ఇచ్చి పుచ్చుకోవడాలు చదువులోనే కాదు దివ్యా.. ఇలాంటప్పుడు కూడా ఉండాలి అని దివ్యని బలవంతం చేయబోతుంటాడు కార్తీక్. నీకు దండం పెడతాను రా.. నన్ను వదిలెయ్.. నా జీవితం నాశనం చేయకు’ అని వేడుకుంటుంది దివ్య. ఇక కార్తీక్.. అరిచావంటే.. నీ పరువు పోతుంది.. చిన్న విషయాన్ని పెద్దది చేయకు అని అంటాడు కార్తీక్. ‘నీకు ఇది చిన్న విషయం ఏమో.. నాకు పెద్ద విషయమే.. మా అమ్మ నన్ను చాలా పద్దతిగా పెంచింది’ అని అంటుంది. ఏ తల్లి అయినా.. బిడ్డని పద్దతిగా పెంచుతుంది. ఈ రాత్రికి ఆ పద్దతుల్ని పక్కనపెడదాం.. ప్లీజ్ రా’ అని దివ్యని పట్టుకుంటాడు కార్తీక్.
కనిపెట్టేసిన తులసి..
అది చూసిన చేతన్.. ‘రేయ్.. కార్తీక్ వదిలేద్దాం రా.. పాపం అనిపిస్తుందిరా’ అని అంటాడు. కానీ కార్తీక్ మాత్రం.. ఇలాంటి అవకాశం మళ్లీ రాదురా.. వదిలే ప్రసక్తే లేదు’ అని అంటాడు. చేతన్ మాత్రం.. దివ్యకి క్షమాపణ చెప్పి భయపడుతూ ఉంటాడు. ఇక దివ్య కోసం వెతుకున్న తులసికి అద్భుతమైన ఆలోచన వస్తుంది. దివ్య దగ్గర మొబైల్ ఉంది కదా.. అందులో gps యాప్ ఉంది కదా.. దాన్ని పట్టుకుని ట్రాక్ చేస్తే దివ్య ఎక్కడ ఉందో తెలిసిపోతుంది కదా? అని అంటుంది. దీంతో ప్రేమ్.. వావ్ అద్భుతమైన ఆలోచన అమ్మా.. ఇప్పుడే నా మొబైల్ నుంచి దివ్య లొకేషన్ని ట్రాక్ చేస్తానని అంటాడు. వెంటనే దివ్య అడ్రస్ని కనిపెట్టేస్తాడు ప్రేమ్. తులసి తీసుకుని దివ్య దగ్గరకు బయలుదేరతారు.
నిన్ను లవ్ చేసేది పెళ్లి చేసుకోవడానికి కాదే.. రా..
ఇక కార్తీక్.. దివ్యపై అఘాయిత్యం చేయడానికి మందు కొడుతూ ఉంటాడు. దివ్య పారిపోవడానికి ప్రయత్నించగా.. కార్తీక్ పట్టుకుని.. ‘నన్ను రాక్షసుడ్ని చేయకు.. రా బేబీ.. నేను నిన్ను లవ్ చేస్తున్నా.. లవ్ చేసింది పెళ్లి చేసుకోవడానికి కాదు’ అని రాక్షసుడిలా ప్రవర్తిస్తాడు. చేతన్ అడ్డుపడటంతో.. అతన్ని గది నుంచి బయటకు తోసేస్తాడు కార్తీక్. ఆ తరువాత దివ్యను మానభంగం చేయబోతాడు కార్తీక్. వద్దు కార్తీక్ వద్దు అని దివ్య అంటుంటే.. రా దివ్యా రా అని కార్తీక్ అనడాన్ని రేపటి ఎపిసోడ్లో ప్రోమోలో చూపిస్తున్నారు. ఇక తులసి, ప్రేమ్లు దివ్య ఉన్న రూమ్ దగ్గరకు వచ్చేశారు.. ఆ తరువాత ఏమైందో రేపటి ఎపిసోడ్లో చూద్దాం.
శేఖర్ కుసుమ సమయం తెలుగులో ప్రిన్సిపల్ డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ సినిమా, టీవీ రంగానికి సంబంధించిన తాజా వార్తలు, స్టోరీలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఎంటర్టైన్మెంట్ రంగాలకు సంబంధించి వార్తలు రాశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.