వైభవంగా టీవీ నటి మానస సీమంత వేడుక.. ఫొటోలు షేర్ చేసిన భర్త

తెలుగు బుల్లితెర నటీనటులు ప్రియతమ్ చరణ్, మానస భార్యాభర్తలు అనే సంగతి చాలా మందికి తెలిసిందే. ప్రేమ వివాహం చేసుకున్న ప్రియతమ్, మానస ఇప్పుడు తల్లిదండ్రులు కాబోతున్నారు. మానస ప్రస్తుతం నిండు గర్భిణి. గురువారం ఆమె సీమంతం చేసుకున్నారు. తన భార్య సీమంత వేడుకను ప్రియతమ్ వైభవంగా జరిపారు. ఈ సీమంత వేడుక ఫొటోలను ఇన్‌స్టాగ్రామ్‌లో షేర్ చేశారు.

ఈ ఫొటోలు చాలా అందంగా ఉన్నాయి. ముఖ్యంగా ప్రియతమ్, మానస జంట చూడముచ్చటగా ఉంది. మానస పట్టుచీర, బంగారు ఆభరణాల్లో మెరిసిపోతున్నారు. భార్యను అలా చూసి ప్రియతమ్ మురిసిపోతున్నారు. ఈ సీమంత వేడుకలో ప్రియతమ్, మానస కుటుంబ సభ్యులతో పాటు పలువురు టీవీ నటీనటులు పాల్గొన్నారు.

See Photos: వైభవంగా టీవీ నటి మానస సీమంత వేడుక.. అందమైన ఫొటోలు

విజయవాడలో పుట్టిన మానస తన చిన్న తనాన్ని చెన్నైలో గడిపారు. చెన్నైలోనే ప్రాథమిక విద్యను పూర్తి చేశారు. హైదరాబాద్‌లో ఎంబీబీఎస్ చదివారు. అంతేకాదు, బీఏ ఇంగ్లిష్ లిటరేచర్ కూడా చేశారు. మానస మంచి డ్యాన్సర్ కూడా. ఓంకార్ హోస్ట్ చేసిన ‘ఛాలెంజ్ 3’ రియాలిటీ షోలో మానస పాల్గొన్నారు. పాల్గొనడమే కాదు విజేతగా నిలిచారు. ఈ షోలో పాల్గొన్న తరవాత మానసకు సినిమాల్లో అవకాశాలు వచ్చాయి.

‘దేవుడు చేసిన మనుషులు’ సినిమాలో ఆమెకు పూరి జగన్నాథ్ చిన్న పాత్ర ఇచ్చారు. ఇది చిన్న పాత్రే అయినా మానస అద్భుతంగా చేశారు. ఆ తరవాత పలు సినిమాల్లో చిన్న చిన్న పాత్రలు చేశారు మానస. వెండితెర నుంచి బుల్లితెర రంగంలోకి అడుగుపెట్టిన మానస మంచి గుర్తింపు తెచ్చుకున్నారు. సహ నటుడు ప్రియతమ్ చరణ్‌ను ప్రేమించి పెళ్లి చేసుకున్నారు.

Also Read:

• అరే హౌలేగాళ్లారా? అభికే సపోర్ట్ చేస్తానని అగ్రిమెంట్ రాశానా?: రాహుల్ సిప్లిగంజ్ సెన్సేషనల్ వీడియో
• మోనాల్ స్కిన్ షోపై లాస్య కామెంట్స్.. మోనాల్ అందుకే ఆ డ్రెస్‌లు.. మాటీవీ సపోర్ట్ ఉందా అంటే!
• అభిజిత్ జైలుకి.. టికెట్ టు ఫినాలే క్యాన్సిల్.! నమ్మొచ్చా ‘బిగ్’ బాస్?