Priyanka Naidu: అప్పటి వరకూ పెళ్లి ప్రసక్తే లేదన్న ప్రియాంక నాయుడు, ‘వదినమ్మ’ ఫ్యాన్స్‌కి నిరాశ

అభిషేకం సీరియల్ ద్వారా ఫేమస్ అయిన మధుబాబు.. మంగమ్మగారి మనవడు సీరియల్‌తో నటుడిగా మంచి గుర్తింపు తెచ్చుకున్నారు. ఇక ప్రియాంక నాయుడు విషయానికి వస్తే.. వదినమ్మ సీరియల్‌లో సిరీ క్యారెక్టర్‌తో తెలుగు బుల్లితెరకు బాగా దగ్గరైంది. అయితే ఈ ఇద్దరూ గత కొంతకాలంగా ప్రేమలో ఉన్నారని, త్వరలో పెళ్లి చేసుకోబోతున్నారని.. రీసెంట్‌గా మధుబాబే అనౌన్స్ చేసిన విషయం తెలిసిందే.

‘నా లైఫ్‌లో ముఖ్యమైన ఈవెంట్‌ని అనౌన్స్ చేయడం నాకు చాలా హ్యాపీగా ఉంది. నేను త్వరలో పెళ్లి చేసుకోబోతున్నాను. మీలో చాలామంది ఊహించినట్లే నేను పెళ్లి చేసుకునేది ప్రియంక నాయుడ్నే. మథర్స్ డే రోజున మా అమ్మ నాకు గిఫ్ట్ ఇచ్చింది. నాకు సపోర్ట్ చేసిన అమ్మ నాన్నకి చాలా థ్యాంక్స్’ అంటూ తన వెడ్డింగ్ న్యూస్‌ని అందరితో పంచుకున్నాడు. కానీ నిన్న(మే 22) మాటీవీ లైవ్‌లోకి వచ్చిన ప్రియాంక నాయుడు మాత్రం... పెళ్లి గురించి అభిమానులు ప్రశ్నించగా.. సరైన క్లారిటీ ఇవ్వకుండా నిరాశనే మిగిల్చింది. అయితే లైవ్‌లో మాత్రం ఎన్నో మంచి మాటలు షేర్ చేసుకుంటూ అభిమానుల చేత సూపర్ అనిపించుకుంది.

లైవ్ స్టార్టింగ్ నుంచి చివరి వరకూ పాజిటివిటీ గురించే చెబుతూ.. వదినమ్మ సీరియల్‌లో సిరి క్యారెక్టర్ లానే.. తన క్యారెక్టర్ కూడా ఎప్పుడూ మంచి కోసమే ఆలోచిస్తుంటుందని చెప్పకనే చెప్పింది ప్రియాంక నాయుడు. ‘లాక్ డౌన్‌ సమయాన్ని వేస్ట్ చేసుకోకండి.. ఏదైనా మీకు బాగా ఇష్టమైనది నేర్చుకోండి. గతంలో మనం చాలా సార్లు సమయం ఉండట్లేదు అని ఫీల్ అయ్యాం. ఇప్పుడు సమయం ఉంది కదా.. పైగా మన వాళ్లతో గడిపేందుకు, వాళ్ల గురించి మరిన్ని విషయాలు తెలుసుకోవడానికి కూడా ఇది మంచి సమయం. నాకు అదే అనిపిస్తోంది. చాలా సంవత్సరాలు తర్వాత ఫ్యామిలీ, ఫ్రెండ్స్‌తో కాస్త ఎక్కువ సమయం మాట్లాడే వీలు దొరికింది. మీరు కూడా ఈ సమయాన్ని వేస్ట్ చేసుకోకుండా ఉపయోగించుకోండి..’ అని చెప్పుకొచ్చింది ప్రియాంక.

‘ఫేస్ బుక్‌లో కానీ, టిక్ టాక్‌లో కానీ చాలా మంది టాలెంట్ ఉన్నవాళ్లని చూస్తుంటాను నేను. టాలెంట్‌ని ఫ్రూ చేసుకునే వాళ్ల మీద విమర్శలు చేసి హేళన చెయ్యకండి.. అమ్మాయిలు, అబ్బాయిలు చాలా కష్టపడి చేస్తూ.. ప్రపంచానికి తమ టాలెంట్ తెలపాలని ప్రయత్నిస్తున్నారు. కానీ కొందరు నెగటివ్ కామెంట్స్ చేస్తూ అవమానిస్తున్నారు. ఈ సమయంలో ఇంట్లోనే ఉంటున్న ఇలాంటి సమయంలో అలాంటి కామెంట్స్ చెయ్యడం వల్ల.. ఇంకా డిప్రెషన్‌లోకి వెళ్లిపోతారు కదా.. ఫేక్ అకౌంట్స్ వచ్చేశాయి.. ఫోస్ పంపించండి.. ఛాన్స్ ఇప్పిస్తాను అంటుంటే నమ్మకండి.. పేరెంట్స్‌తో వెళ్లండి.. ఎప్పటికప్పుడు సంపాదించి తినేవాళ్లు ఉంటారు. మనీ పరంగా కాకుండా కనీసం ఫుడ్ అయినా హెల్ప్ చేస్తూ ఉండండి.’ అని సందేశం ఇచ్చింది ప్రియాంక.

దాంతో ప్రియాంక మాటలకు అభిమానులు.. ‘థ్యాంక్యూ మేడమ్ మీరు చాలా మంచి విషయాలు చెబుతున్నారు’ అంటూ కామెంట్స్ చేశారు. ఇక లాక్ డౌన్‌లో ఏం చేస్తున్నారు...? మీరు మూవీస్‌లో చెయ్యొచ్చు కదా.. అనే ప్రశ్నలకు స్పందిస్తూ.. ‘నేను కన్నడాలో 2 మూవీస్ చేశాను.. తెలుగులో ఒక మూవీ(అనగనగా ఒక దుర్గ) చేశాను. లాక్ డౌన్‌తో బెంగళూర్‌కి వెళ్లలేకపోయాను.. నేను అన్నయ్యా హైదరాబాద్‌లోనే ఉండిపోయాం. మమ్మీ వాళ్లని బాగా మిస్ అవుతున్నాను.’ అని చెప్పడంతో పాటు.. ‘నా పెళ్లి గురించి చాలా మంది అడుగుతున్నారు. లైక్ నేను అఫీషియల్‌గా అనౌన్స్ చేసినప్పుడు నా పెళ్లి గురించి నేను మాట్లాడతాను..’ అంటూ సింపుల్‌గా చెప్పడంతో అభిమానులకు కాస్త నిరాశే ఎదురైంది. ‘అయితే ప్రియాంక నాయుడు ఎప్పుడు అఫీషియల్‌గా అనౌన్స్ చేస్తుంది..? వాళ్ల ఇంట్లో ఇంకా గ్రీన్ సిగ్నల్ రాలేదా?’ అనేది ఆసక్తిగా మారింది.