పదేళ్ల కల.. పెళ్లి పీటలపై ‘వదినమ్మ’ నటి ప్రియాంక కంటతడి

‘వదినమ్మ’ ఫేమ్ ప్రియాంక నాయుడు తాను ప్రేమించిన అబ్బాయి, టీవీ నటుడు మధుబాబును ఇటీవల పరిణయమాడారు. తమ అందమైన పెళ్లి ఫొటోలను ఆమె ఇన్‌స్టాగ్రామ్ ద్వారా అభిమానులతో పంచుకున్నారు. ఇప్పటికే ప్రియాంక నాయుడు పోస్ట్ చేసిన ఫొటోలు ఆమె అభిమానులను, ఫాలోవర్స్‌ను విపరీతంగా ఆకట్టుకున్నాయి. అయితే, తమ పెళ్లిలో ఒక ఎమోషనల్ మూమెంట్‌ను సోమవారం ఆమె ఇన్‌స్టాగ్రామ్ ద్వారా పంచుకున్నారు.

ప్రియాంక పెళ్లి పీటలపై భావోద్వేగానికి గురయ్యారు. సుమారు పదేళ్లుగా పైగా ప్రేమించుకున్న ప్రియాంక, మధుబాబు పెద్దలను ఒప్పించి పెళ్లి చేసుకున్నారు. తమ కల నిజం ఇన్నాళ్లకు నిజం కావడంతో పెళ్లి పీటలపై ప్రియాంక భావోద్వేగానికి గురయ్యారు. కంటతడి పెట్టుకున్నారు. కెమెరాలో బంధించిన ఈ మూమెంట్‌ను ఫొటో రూపంలో అభిమానుల ముందు ఉంచారు ప్రియాంక.

Nagababu: ‘బొమ్మ అదిరింది’ దుకాణం క్లోజ్..! పత్తాలేని లౌడ్ స్పీకర్ శ్రీముఖి!
‘‘ఈ రోజు కోసం 10 ఏళ్ల క్రితమే మేం కలలు కన్నాం. అందుకే, ఈరోజు నాకు ప్రేమ, భావోద్వేగం, ఆనందం, సంతోషంతో కన్నీళ్లు ఆగలేదు. నా ప్రేమ నా జీవితం అన్నీ మధుబాబే’’ అని ప్రియాంక తన ఇన్‌స్టాగ్రామ్ పోస్ట్‌లో పేర్కొన్నారు. కాగా, తమ ప్రేమ విషయాన్ని ప్రియాంక-మధుబాబు జంట కిందటేడాది జూన్‌లో ప్రకటించింది. ఇన్‌స్టాగ్రామ్‌లో అభిమానులతో ఇంటరాక్ట్ అయిన ఈ జంట తమ రిలేషన్‌షిప్ గురించి బయటపెట్టింది.
కాగా, మధుబాబు కూడా ప్రముఖ టీవీ నటుడు. ‘మంగమ్మగారి మనవరాలు’ సీరియల్‌లో సాకేత్‌గా బుల్లితెరకు పరిచయం అయిన గుడిబోయిన మధుబాబు చాలా తక్కువ సమయంలో అభిమానులను సంపాదించుకున్నారు. ఆ తర్వాత ‘అభిషేకం’, ‘అత్తారింట్లో అక్కాచెల్లెళ్లు’, ‘రెండు రెళ్లు ఆరు’... ఇలా వరుస సీరియల్స్‌తో బుల్లితెర నటుడిగా బిజీ అయిపోయారు. మరోవైపు ‘వదినమ్మ’ సీరియల్‌తో పాపులర్ అయిన ప్రియాంక ప్రస్తుతం ‘దీపారధన’ డైలీ సీరియల్‌లో ప్రధాన పాత్ర పోషిస్తున్నారు.