‘వదినమ్మ’ ఫిబ్రవరి 13 ఎపిసోడ్: డాక్టర్‌ని కలిసిన సిరి, భరత్‌.. మరోరచ్చకు దిగిన శైలు.. ఉత్కంఠగా మారిన కథనం

రఘురాంతో తల్లి రాజేశ్వరి మాట్లాడటంతో రఘురాం చాలా హ్యాపీగా ఫీల్‌ అవుతుంది. ఏడుస్తూనే తల్లి చేతుల్లో వాలి మాట్లాడినందుకు థాంక్స్‌ చెబుతాడు. రాజేశ్వరితో పాటు అక్కడున్న అంతా ఎమోషనల్‌ అవుతారు ఆ సీన్‌కి. (శైలు తప్ప). సీన్‌ కట్‌ చేస్తే భరత్‌ చాలా సీరియస్‌గా ఆలోచిస్తూ ఉంటాడు. ఇంతలో అక్కడికి వచ్చిన సిరి.. ‘ఏంది బావా సోంచాయిస్తున్నావ్‌?’ అనగానే.. భరత్‌ బాధగా.. ‘అన్న వదినమ్మల రుణం తీర్చుకోవడం కోసం సిరి.. అదిమన వల్ల అవుతుందా అని..’ అంటారు బాధగా.

సిరి.. ‘నిజంగా తీర్చుకునే అవకాశం ఉంటేతప్పకుండా తీర్చుకుందాం బావా..’ అంటుంది. దానికి భరత్‌ బాధగా.. ‘అది తీర్చుకునే అవకాశం మనకుంది సిరి.. అది మనకు ప్రాణం కంటే విలువైనదే. మరీ ముఖ్యంగా నీ చేతిలోనే ఉంటుంది సిరి’ అనడంతో ‘ఏంది బావా అది?’ అంటుంది. దాంతో భరత్‌.. ‘నీ మాతృత్వాన్ని దానం చెయ్యాలి సిరి.. మనకు పుట్టబోయే బిడ్డని అన్నయ్య వదినలకు దత్తత ఇవ్వాలి’ అంటాడు. దానికి సిరి సంతోషంగా ‘సరే బావా.. మన బిడ్డ సీతక్క పెంపకంలో పెరిగితే అంతకన్నా ఏం కావాలి బావా’ అంటూ సరేనంటుంది. భరత్‌ గుండెలపై వాలి.. ‘మరి మనం ఇద్దాం అనుకున్నా.. సీతక్క ఒప్పుకుంటుందా?’ అంటే.. ‘అందుకే ఇప్పుడే చెప్పొద్దు.. పుట్టినాక వాళ్లని ఒప్పిద్దాం.. పద నీ చెకప్‌ కోసం హాస్పెటల్‌కి వెళ్దాం’ అంటాడు భరత్‌.

ఇద్దరూ కలిసి డాక్టర్‌ దగ్గరకు వెళ్తారు. ‘మీరు ఇంకా జాగ్రత్తగా ఉండాలి. మానసిక ఒత్తిడికి లోనవుతున్నట్లు ఉన్నారు. ఇంట్లో అంతా బాగానే ఉందా..? మానసిక ఒత్తిడికి ఉండకుండా చూసుకోవాలి. బరువు ఎత్తకుండా ఉండాలి. అహ్లాదకరమైన వాతావరణం ఉండాలి.. అప్పుడు మీ కడుపులోని బిడ్డ బాగా పెరుగుతుంది. అశ్రద్ద చూపారో మీరే బాధపడాలి’ అని హెచ్చరిస్తుంది డాక్టర్‌ సిరిని చెక్‌ చేసి. దానికి సరేనంటాడు భరత్‌. ఇంటికి రాగానే సీత ప్రశ్నల మీద ప్రశ్నలు వెయ్యడంతో.. సిరి, భరత్‌లు డాక్టర్‌ చెప్పిందే చెప్పారు. దాంతో సీత భరత్‌ని ‘రేయ్‌ భరత్‌ నువ్వు ఇక షాక్‌కి మానేసి సిరి చూసుకుంటూ ఉండు’ అంటుంది.అంతా అదే మాట అనడంతో భరత్‌ సరేనంటాడు.

ఇక సిరి బరువులు ఎత్తకూడదు అనడంతో.. ఆ పనులన్నీ శైలు నువ్వు చూసుకోమ్మా అని సీత అనడంతో.. శైలు వేయి పాడేస్తే పని మనుషులు వస్తారు.. నేను ఎందుకు చెయ్యాలి అంటూ పొగరుగా మాట్లాడుతుంది. దాంతో సిరి.. ‘బావ ఇంట్లోనే ఉంటాడుగా అక్కా.. బావ చూసుకుంటాడులే.. ఎవరినీ ఇబ్బందిపెట్టొద్దు..’ అనడంతో లక్ష్మణ్‌ కలుగుజేసుకుని.. ‘ఏం కాదు.. శైలు చేస్తుంది.. అవసరం అయితే సీతక్క దగ్గర నేర్చుకునిచేస్తుందిలే’ అంటాడు. దాంతో శైలు కోపంగా ఇంట్లోకి వెళ్లిపోతుంది. కోపంగా మంచంపైన పడుకుని.. తలగడ తీసి విసిరికొడుతుంది. అది అప్పుడే వచ్చిన లక్ష్మణ్‌కి తగులుతుంది. కమింగ్‌ అప్‌లో కూడా సీతని మాటలు అంటుంది శైలు. ‘మీ ప్రేమలు గురించి నాకు తెలియదా..? నేను కడుపుతో ఉన్నప్పుడు నన్ను ఇలానే చూశారా మీరు?’ అంటూ రెచ్చిపోతుంది. మరిన్ని వివరాలు తరువాయి భాగంలో చూద్దాం.
Read also: వంటలక్కకి పోటీగా పాటలక్క.. అదే రంగు అదే రూపు అవే తిప్పలు.. రాఘవేంద్రరావు కొత్త సీరియల్‌