నటన ఓ వరం. ఏడ్చినా, నవ్వినా.. ప్రేక్షకుడిలో కూడా అదే భావాన్ని కలిగించగలగాలి. చూసేవాళ్ల కళ్లని ఆనందంతోనో, బాధతోనో చమ్మగిల్లేలా చెయ్యగలగాలి. అదే నటనలోని గొప్పతనం. అలాంటి నటన ఎక్కడున్నా ప్రేక్షకులు గుర్తిస్తారు. నీరాజనం పట్టేస్తారు. అదే జరిగింది కాార్తీకదీపం హీరోయిన్ వంటలక్క(ప్రేమీ విశ్వనాథ్) విషయంలో.. కార్తీకదీపం సీరియల్తో ఇంటింటికీ పరిచయం అయిన వంటలక్కకి అలాంటి అభిమానులే ఉన్నారు. అందులో చాలామంది తమ అభిమానాన్ని గిఫ్ట్ రూపం అందించి తమ ప్రేమని వ్యక్తపరుస్తుంటారు. అలా వచ్చిన ఓ గిఫ్ట్ వంటలక్కకి తెగనచ్చేసిందట. ఆ కథేంటో ఇప్పుడు చూద్దాం! Read also: ‘కార్తీకదీపం’ ఫిబ్రవరి 29 ఎపిసోడ్: కథలో ఊహించని ట్విస్ట్! మౌనితతో సహా అంతా షాక్!
Samayam Telugu7 Dec 2022, 7:23 pm
నటన ఓ వరం. ఏడ్చినా, నవ్వినా.. ప్రేక్షకుడిలో కూడా అదే భావాన్ని కలిగించగలగాలి. చూసేవాళ్ల కళ్లని ఆనందంతోనో, బాధతోనో చమ్మగిల్లేలా చెయ్యగలగాలి. అదే నటనలోని గొప్పతనం. అలాంటి నటన ఎక్కడున్నా ప్రేక్షకులు గుర్తిస్తారు. నీరాజనం పట్టేస్తారు. అదే జరిగింది కాార్తీకదీపం హీరోయిన్ వంటలక్క(ప్రేమీ విశ్వనాథ్) విషయంలో.. కార్తీకదీపం సీరియల్తో ఇంటింటికీ పరిచయం అయిన వంటలక్కకి అలాంటి అభిమానులే ఉన్నారు. అందులో చాలామంది తమ అభిమానాన్ని గిఫ్ట్ రూపం అందించి తమ ప్రేమని వ్యక్తపరుస్తుంటారు. అలా వచ్చిన ఓ గిఫ్ట్ వంటలక్కకి తెగనచ్చేసిందట. ఆ కథేంటో ఇప్పుడు చూద్దాం!
భావాలని పలికించడం ఆషామాషి విషయం కాదు. పలికించే భావాలతో ప్రేక్షకుల హృదయాలని బరువెక్కించడమంటే అంత తేలికా కాదు. పరిస్థితి తగ్గట్టుగా.. పాత్రలో లీనమై.. ఎన్నోసార్లు వంటలక్క ప్రేక్షకుల చేత కన్నీళ్లు పెట్టించింది. చిలిపిగా నవ్వుతుంది. గుండెలవిసేలా ఏడుస్తుంది. ఆత్మవిశ్వాసంతో ఎదురు తిరుగుతుంది. ధీనంగా కాళ్ల మీద పడుతుంది. ఆమె పలికించే ప్రతి హావభావంల్లో జీవం ఉన్నట్లు కనిపిస్తుంది.
ఏదైనా వంటలక్క తర్వాతే..
వంటలక్క అలియాస్ దీప నటన ముందు రియాలటీ షోలు, కామెడీ షోలు, బ్లాక్బాస్టర్ హిట్ కొట్టిన సినిమాలు.. అన్నీ దిగదుడిపే అని ఎప్పటికప్పుడు రేటింగ్లు తేల్చెస్తున్నాయి. దాంతో వంటలక్క అంటే.. తెలుగు బుల్లి తెరనే కాదు.. వెండి తెరను కూడా వణికిస్తున్న ఓ సునామీ అంటున్నారు అభిమానులు. టీవీలో ఏ షో వచ్చినా.. ఏ స్టార్ హీరో మూవీ వచ్చినా వంటలక్క తర్వాతే అంటారు కార్తీకదీపం అభిమానులు. సినిమాల్లో బాహుబలి, నాన్ బాహుబలి లాగే.. సీరియల్ల్లో కార్తీకదీపం, నాన్ కార్తీకదీపం అనే క్రెడిట్ వంటలక్క నటనతోనే సాధ్యమైందనడంలో ఎలాంటి సందేహం లేదు. Read also: ‘కార్తీకదీపం’ ఫిబ్రవరి 29 ఎపిసోడ్: కథలో ఊహించని ట్విస్ట్! మౌనితతో సహా అంతా షాక్!
ఏడువందల నలభైకి పైగా ఎపిసోడ్లు..
భార్య భర్తలు అపార్థాలతో.. అనుమానాలతో విడిపోవడం, వాళ్లని విడగొట్టేందుకు ఎవరో ఒకరు ప్రయత్నించడం.. నేటి తెలుగు సీరియల్స్లో రొటీన్ కథలే. కానీ, ఆ కథను నడిపించే తీరు.. అందులో పాత్రలు.. వాళ్ల వ్యక్తిత్వాల సరళి.. ఇలా ప్రతీ పాయింట్లోనూ మెరుగులు దిద్ది.. ఒక స్త్రీలో.. అందాన్ని కాకుండా ఆత్మవిశ్వాసాన్ని, ఆత్మసౌందర్యాన్ని ప్రతిబింబించేలా చేసి.. తెలుగు ప్రేక్షకుల అభిమాన్ని చూరగొన్న ‘కార్తీకదీపం’ సీరియల్ ఇప్పటికి దిగ్విజయంగా 740 పైగా ఎపిసోడ్లను పూర్తి చేసుకుంది. Read also: ‘ఆమెకథ’ ఎపిసోడ్ : మళ్లీ పద్మినీతో రొమాన్స్!? ఊసరవెళ్లిలా గౌతమ్..?
ఉన్నత వ్యక్తిత్వానికో రూపం..
ఏ తప్పు చెయ్యని ఓ స్త్రీ మూర్తి.. భర్త నిందలను తట్టుకోలేక.. శ్రీశ్రీ కవిత్వంలా ఉద్యమించి.. అత్తింటి నుంచి అడుగు బయటపెడుతుంది. ఏ ఆత్మవిశ్వాసంతో అయితే అడుగు బయట పెడుతుందో అదే ఆత్మవిశ్వాసంతో ఎవరి దగ్గరా ఒక రూపాయి సాయం పొందకుండా నిలబడుతుంది. ఉన్నతమైన వ్యక్తిత్వం అంటే ఇది అనే ఓ రూపాన్ని కళ్లకు కట్టే పాత్ర ఈ దీప పాత్ర. దానిలో ప్రేమీ విశ్వనాథ్ ఎంతగా జీవిస్తుందంటే.. ఆమెని దీపగానే ప్రేక్షకులు గుర్తించేంతగా నటిస్తుంది. Read also: ‘కోయిలమ్మ’ ఎపిసోడ్ : చిన్నీ చేతుల్లో విడాకుల పత్రాలు! శాశ్వతంగా తెగిపోనున్న బంధం!
అందుకే అంత అభిమానం..
తెలుగు బుల్లి తెరలో ఎన్నో కథలు.. ఎంతో మంది హీరోయిన్స్.. అందరూ అందగత్తెలే. అయినా దీపే ఎందుకు క్లిక్ అయ్యిందంటే దానికి కారణం లేకపోలేదు. ‘ఒకరికి చెడు చెయ్యని స్వచ్ఛమైన మనసు, తన తప్పు లేకుండా మాటపడని వ్యక్తిత్వం, నిస్సహాయతని గుర్తు చేసే అంతులేని దు:ఖం, సమస్యనుంచి ఎలా బయటపడాలో దిక్కుతోచని అయోమయం.. ఇలా ఎన్నో కష్టాలున్నా.. అప్పుడప్పుడూ ఆనందం. ఆ ఆనందంలోంచి వచ్చే ఓ వెర్రి నవ్వు’ ఇవే దీపని తెలుగు బుల్లి తెరకు దగ్గర చేశాయి. ప్రేక్షకుల ఆదరణకు కారణమయ్యాయి. Read also: సినిమాల్లోకి వంటలక్క.. షూటింగ్ లొకేషన్లో దీపక్క హల్ చల్..
ఆమె కొంటెగా చూస్తే..
కష్టాన్ని గుండెల్లో దాచుకుని పైకి ఏ బాధ లేనట్లుగా నవ్వాలన్నా, సంతోషాన్ని కళ్లలోనే చూపిస్తూ.. మనసారా వ్యక్తం చేయాలన్నా, కోపాన్ని ఉక్రోషాన్నీ కనురెప్పలతోనే ఎదుట వాళ్లని నిలదియ్యాలన్నా.. మన దీపక్క తర్వాతే ఎవరైనా అంటారు ఆమె నటన చూసినవారు. అందాన్ని ఆరాధించేవాళ్లకి ఆమె రూపం ఓ వికృతం. కానీ.. ఆమె రంగు నలుపైనా.. ఆమె నవ్వు భలే గమ్మత్తుగా ఉంటుంది. ఆమె కోపంతో ఎక్కుపెట్టే కనుబొమ్మల తీరు భలే అందంగా అనిపిస్తుంది. ఆమె చిలిపిగా నవ్వుతూ, కొంటెగా చూస్తే.. ప్రేక్షకుడి పెదవులపైకి తెలియకుండానే నవ్వుని తెప్పిస్తుందంటే.. ఆమె నటన ఎంత గొప్పగా ఉంటుందో అర్థం చేసుకోవచ్చు.
కథ పరంగా..
కార్తీక దీపం సీరియల్లో హీరోయిన్(ప్రేమి విశ్వనాథ్) దీప క్యారెక్టర్ చాలా ప్రత్యేకం. తను ఏ తప్పు చెయ్యకుండానే.. ‘నీ కడుపులో ఉన్న బిడ్డకు నేను తండ్రిని కాదు’ అన్నాడు భర్త. తప్పు చెయ్యని ఆడదానికి అది మరణం కంటే పెద్ద శిక్ష. అందుకే విప్లవ నారిలా మారి.. ‘నీతోనా నేను ఇంతకాలం కలిసి కాపురం చేసింది?’ అంటూ ఛీ కొట్టి బయటికి వచ్చేస్తుంది దీప. అయితే తన భర్త కార్తీక్.. అలా మారడానికి కారణం ఉందని తెలుసుకుని.. అతడిది తప్పు లేదని అర్థం చేసుకుని.. తిరిగి అతడికి దగ్గరవ్వాలని ప్రయత్నిస్తోంది.
కథలో.. అసలు ఏం జరిగిందంటే..
కార్తీక్ వ్యక్తిత్వం చాలా మంచిది. అందాన్ని కాకుండా ఆత్మసౌందర్యాన్ని చూసే మనిషి అతడు. అందుకే.. దీప నల్లగా ఉన్నా.. ప్రేమించి పెళ్లి చేసుకుంటాడు. మొదట అతడు.. దీపని పెళ్లి చేసుకోవడం కార్తీక్ తల్లి సౌందర్యకు ఏ మాత్రం ఇష్టం ఉండదు. కార్తీక్ చదువుకునే రోజుల్లో హిమా అనే అమ్మాయిని ప్రేమిస్తాడు. మౌనితతో స్నేహం చేస్తాడు. అయితే మౌనిత కార్తీక్ని ప్రేమించి.. యాక్సిడెంట్ చేసి హిమని చంపిచేస్తుంది. అదే యాక్సిడెంట్ కారణంగా.. ‘నువ్వు పిల్లల్ని కనే అవకాశం కోల్పోయావని నమ్మిస్తుంది. ఆ సింపతీతో అతడ్ని పెళ్లి చేసుకోవచ్చని భావిస్తుంది. అయితే మౌనిత అమెరికా వెళ్లిన సమయంలో కార్తీక్ దీపని పెళ్లి చేసుకుంటాడు.
భర్త అనుమానించడానికి కారణం..
అమెరికా నుంచి తిరిగివచ్చిన మౌనిత.. కార్తీక్ దీపని పెళ్లి చేసుకున్నాడని తెలిసి.. రగిలిపోతుంది. దీపతో స్నేహం చేసి.. కార్తీక్కి పిల్లలు పుట్టరనే విషయం చెప్పకుండా పిల్లలు పుడితే నీకు మీ అత్తగారు దగ్గరవుతుందని, నేను నీ శ్రేయోభిలాషినని నమ్మిస్తుంది. (అయితే దీపని పెళ్లి చేసుకోవాలనుకున్నప్పుడే.. దీప తండ్రి మురళీ కృష్ణతో కార్తీక్ తను నమ్ముతున్న నిజాన్ని(తనకు పిల్లలు పుట్టరు అని) చెప్పి, దీపకు చెప్పమని, దీప ఒప్పుకుంటేనే పెళ్లి చేసుకుంటాను అని చెబుతాడు. అయితే మురళీ కృష్ణ దీపకు నిజం చెప్పడు. కేవలం కార్తీక్ పెళ్లి చేసుకుంటానంటున్నాడని మాత్రమే చెబుతాడు.) అది కూడా మౌనితకి కలిసి వస్తుంది.
కవలలే కలపాలి..
దీపకు కవలలు పుడతారు. దీప మంచితనం తెలుసుకున్న సౌందర్య.. దీప ఇంటి నుంచి బయటికి వచ్చినప్పటి నుంచి తోడగా ఉంటుంది. ఆ క్రమంలో దీప పురిటి సమయంలో కవలలు పుడితే.. ఒక బిడ్డని ఎవరికీ తెలియకుండా తీసుకొచ్చి కార్తీక్ దగ్గర అనాథపిల్లలా పెంచుతుంది. (ఆ పాపకు తను మొదట ప్రేమించిన అమ్మాయి పేరునే హిమ అని పెట్టుకుంటాడు కార్తీక్). కొన్నాళ్లకి.. కార్తీక్ దగ్గర పెరుగుతున్న హిమ తన కన్నబిడ్డ అని దీప తెలుసుకున్నట్లే.. దీప దగ్గర పెరుగుతున్న సౌర్యకి తన తండ్రి కార్తీక్ అని, సౌందర్య నాన్నమ్మ అని తెలుస్తుంది. మొత్తానికి ఇద్దరు పిల్లలు కలిసి తల్లి తండ్రులని కలిపే ప్రయత్నం చేస్తున్నారు.
అదిరిపోయే గిఫ్ట్!
కేరళకు చెందిన ప్రేమి విశ్వనాథ్కి తెలుగు అభిమానులు చాలా ఎక్కువ. దాంతో ఎప్పటికప్పుడు ‘కార్తీకదీపం’ షూటింగ్ పిక్స్.. వీడియోలు షేర్ చేస్తూ... తన ఫీలింగ్స్ పోస్ట్ చూస్తూ.. అప్పుడప్పుడూ లైవ్లోకి వస్తూ... అభిమానులు అడిగిన ప్రశ్నలకు సమాధానాలు ఇస్తూ.. సోషల్ మీడియాలో చాలా యాక్టివ్గా ఉంటారు. అందులో భాగంగానే తన అభిమానులు ఇచ్చిన గిప్ట్ గురించి సోషల్ మీడియాలో ఫోస్ట్ చేశారు. ఇంతకీ వాళ్లు ఇచ్చిన గిఫ్ట్ ఏంటో తెలుసా? దీప గెటప్లో ఉన్న ప్రేమీ ఫోటో ఫ్రేమ్.. అది చూసిన ప్రేమీ చాలా సంబరపడిపోయింది.
తెలుగు వాళ్లు అభిమానిస్తే ఇలానే ఉంటుంది..
ఆ ఫోటో ఫ్రేమ్.. ఇస్తున్నప్పుడు ఓ టిక్ టాక్ వీడియో తీసుకుని.. ‘అన్-కండీషనల్ లవ్ కమ్స్ ఓన్లీ ఫ్రమ్ అవర్ తెలుగు ఆడియన్స్’ అంటూ తన ఆనందాన్ని ఫ్యాన్స్తో షేర్ చేసుకున్నారు ప్రేమీ. నిజమే మరి తెలుగు ఆడియన్స్ లవ్ అన్-కండీషనల్ లవ్వే సుమీ! ‘ఠాగూర్’ సినిమాలో.. ప్రకాష్ రాజు అన్నట్లుగా.. ‘మేమంతా సెంట్మెంటల్ ఫూల్సే..? మా తెలుగు ప్రజలు అంత త్వరగా ఎవరి మీద అభిమానం పెంచుకోరు.. పెంచుకుంటే చివరివరకూ వదిలెట్టరు..’ అంతే కదా? సాయంత్రం టీవీలో రాబోతున్న కార్తీకదీపం స్టోరీని.. సుమారు పది గంటల ముందే.. మీ ‘సమయం’లో అందిస్తున్నాం. డైలీ ఫాలోకండి. ఇంతకీ ప్రేమీ అందుకున్న ఆ గిఫ్ట్ మీద మీరూ ఓ లుక్ వెయ్యండి. వంటలక్క అందుకున్న గిఫ్ట్ చూడటానికి ఇక్కడ క్లిక్ చెయ్యండి..
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.