Karthika Deepam మే 11 ఎపిసోడ్: కార్తీక్‌కి షాకిచ్చిన మోనిత! ‘15 ఏళ్లుగా ఎదురు చూసి ఉన్మాదిలా..

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ Karthika Deepam సీరియల్.. నేడు(2021 మే 11)న 1036 ఎపిసోడ్‌కి ఎంటర్ అయ్యింది.

1036వ ఎపిసోడ్‌ హైలైట్స్.. karthika deepam today
శ్రావ్య, ఆదిత్యతో..‘అసలు నువ్వు ఇంట్లో ఏం జరుగుతుందో పట్టించుకోవా.. ఆవేశం వచ్చినప్పుడు ఊగిపోతావ్.. మిగిలిన సమయంలో అసలేం పట్టనట్లు ఉంటావ్.. అత్తయ్యా మావయ్య ఉన్నట్టుండి ఎక్కడికి వెళ్లినట్లు? ఎందుకు వెళ్లినట్లు? ఎప్పుడు వస్తారన్నట్టు?’ అంటూ దన మనసులోని భయాలను చెబుతూ ఉంటే.. పిల్లలు కంగారు వచ్చి.. ‘ఇంట్లో ఎవరు లేరేంటీ’ అంటారు. ‘నాన్నమ్మ తాతయ్యా ఎక్కడ?’ అని పిల్లలు అడగడంతో బిజినెస్ పని మీద ఊరు వెళ్లారు.. అని చెబుతారు ఆదిత్య వాళ్లు. ‘మరి నాన్న ఎక్కడ?’ అంటే హాస్పెటల్‌కి వెళ్లి ఉంటాడు అంటారు. ఇక మరి అమ్మ ఎక్కడికి వెళ్లింది?’ అనగానే ఆదిత్య వాళ్లు షాక్ అవుతారు.. ‘ఎవరుకీ చెప్పకుండా ఎక్కడికి వెళ్లింది?’ అని షాక్ అవుతారు. అదే మాట పిల్లలతో అనడంతో వాళ్లు ఏడవడం మొదలుపెడతారు.

సీన్ కట్ చేస్తే.. ‘నీ ప్రేమలో నిజాయితీ కనిపిండంలేదు ఉన్మాదమే కనిపిస్తోంది’ అని భారతి తిట్టిపోసిందంతా మోనిత తలుచుకుని రగిలిపోతుంది. ‘ఎస్ నా ప్రేమలో ఉన్మాదమే ఉంది. ఉన్మాదమే కాదు ఉగ్రవాదం కూడా ఉంది. అయితే దానికేంటీ? 15 ఏళ్లు ఎదురు చూసి చూసి పిచ్చిదైపోయిన ఒక మనిషి చివరికి ఉన్మాదిలానే ప్రవర్తిస్తుంది. ఎవరు ఏం అనుకుంటే నాకేంటీ? ప్రేమించింది నేను.. ఎదురు చూసింది నేను. నిరాశపడింది నేను. పిచ్చిదాన్ని అయిపోయింది నేను.. ఎస్.. ఉన్మాదిలానే ప్రవర్తిస్తాను.. అలా ప్రవర్తిస్తేనే ఆ ఇంటికి కోడల్ని కాగలుగుతా.. ఈ భారతి కాదు కదా వందమంది నీతిబోధలు చేసినా నేను మాత్రం వాళ్లిద్దరినీ కలవనివ్వను. దీపని ప్రశాంతంగా కాపురం చేసుకోనివ్వను.. నన్ను కార్తీక్ పెళ్లి చేసుకునేదాకా ఏం జరిగినా సరే.. నా ప్రేమ చావదు ఎవరు చచ్చినా సరే..’ అంటూ ఊగిపోతుంది మోనిత.

కార్తీక్ ఇంటికి వచ్చేసరికి ఆదిత్య, శ్రావ్య ‘దీప కనిపించడం లేదన్న విషయం కార్తీక్‌కి చెబుతారు. పిల్లలు బయటికి వచ్చి.. ‘డాడీ.. అమ్మ కనిపించడంలేదు’ అని ఏడవడంతో వాళ్లకి ధైర్యం చెబుతాడు. ‘ఏం భయపడకండీ అమ్మ ఎక్కడికీ వెళ్లదు సరేనా’ అంటూ పిల్లల్ని చూసుకోమని ఆదిత్య వాళ్లకి చెప్పి కార్తీక్ కారు వేసుకుని దీపని వెతికే పనిలో పడతాడు. ఇంతలో ఆదిత్య దీప తండ్రి మురళీ కృష్ణకు కాల్ చేసి దీప వచ్చిందేమో అడుగుతాడు. అక్కడికీ రాలేదు అనడంతో పిల్లలతో సహా అంతా కంగారు పడుతూ ఉంటారు.

సీన్ కట్ చేస్తే మోనిత కారులు వెళ్తు వెళ్తూ.. మనసులో.. ‘కార్తీక్ భారతినీ ఎందుకు సడన్‌గా రమ్మన్నాడు? అదేంటో తెలుసుకోవాలి. నేను భారతీని కలవనట్లే ఏంటో తెలియనట్లే మాట్లాడతాను’ అని మోనిత అనుకుంటూ కార్తీక్‌కి కాల్ చేస్తుంది. ‘ఎక్కడున్నావ్ కార్తీక్’ అని మోనిత అడగగానే.. ‘బయట ఉన్నాను చెప్పు’ అంటాడు కార్తీక్ విసుగ్గా.. ‘భారతినీ ఇంటికి తీసుకునిరానా? దీపతో సద్దిచెప్పమని చెబుదాం’ అంటుంది మోనిత. ‘వద్దు’ అంటాడు కార్తీక్. ‘ఎందుకు.. దీప నీ మాట వినట్లేదు కదా.. భారతి చెబితేనైనా వింటుందేమో’ అని మోనిత అనడంతో.. ‘వద్దు అన్నా కదా.. నేను తర్వాత మాట్లాతా’ అంటూ ఫోన్ పెట్టెయ్యబోతాడు. ‘సరే మనం కలుద్దామా’ అంటుంది మోనిత. ‘వద్దు.. మళ్లీ కలుద్దాం.. ఇప్పుడు నేను బయట ఉన్నాను’ అంటాడు కార్తీక్. వెంటనే మోనిత ‘అర్థమైంది..’ అంటుంది. కార్తీక్ షాక్ అవుతాడు.. ‘ఏం అర్థమైంది?’ అని కార్తీక్ అడగడంతో.. ‘మళ్లీ దీప తట్టబుట్టా సద్దుకుని వెళ్లిపోయిందా?’ అనడంతో కార్తీక్ షాకింగ్‌గా ‘నీకు ఎలా తెలుసు దీప నీకు కాల్ చేసి చెప్పిందా’ అంటాడు కంగారుగా. ‘లేదు.. ఆమె నాకెప్పుడు కాల్ చెయ్యాలి ఊహించాను.. నీ కంగారు చూస్తేనే అర్థమైంది.. నిజమా కాదా?’ అంటుంది వెటకారంగా.

‘నిజమే వెళ్లిపోయింది’ అని కార్తీక్ అనగానే.. ‘ఎందుకు వెళ్లిపోదు.. నిన్ను ఎప్పుడూ అపార్థం చేసుకుంటూనే ఉంది కదా..ఆవిడ గారు’ అంటూ ఏదేదో మాట్లాడుతుంది. ‘సెటైర్లు వేయడానికి ఇది టైమ్ కాదు.. నేను ఉంటాను’ అని కార్తీక్ కోపంగా చెప్పడంతో.. ‘ఓకే ఓకే.. ఎక్కడున్నావో చెప్పు వచ్చి కలుస్తాను’ అని మోనిత అంటున్నా వినకుండా ఫోన్ కట్ చేస్తాడు. కార్తీక్ ఓ వైపు, మురళీ కృష్ణ మరో వైపు దీపని వెతుకుతూ ఉంటారు. మొత్తానికి ఓ చోట ఇద్దరూ ఎదురు పడతారు. కార్తీక్ కారు దిగి వస్తాడు. మురళీ కృష్ణ బైక్ పక్కన పెట్టి కార్తీక్ సమాధానం కోపం ఎదురు చూస్తున్నట్లు చూస్తుంటే.. ‘మీ అమ్మాయి..ఇంట్లో లేదు’ అంటాడు కార్తీక్ ఇబ్బందిగా. ‘తెలుసు.. మా ఇంటికీ రాలేదు.. వెతకడానికి బయలుదేరారా బాబు?’ అంటాడు దీప తండ్రి వెటకారంగా. మాటల యుద్ధం మొదలవుతుంది. ‘చేసిందంతా చేసి తప్పు దాని(దీప) మీద వేయడానికి ప్రయత్నిస్తున్నారా’ అని మురళీ కృష్ణ అనడంతో.. ‘నీ కూతురిదే మూర్ఖత్వం’ అంటూ ఎదురు దెబ్బలాడతాడు కార్తీక్. మరిన్ని వివరాలు తరువాయి భాగంలో చూద్దాం! ‘కార్తీకదీపం’ Karthika Deepam కొనసాగుతోంది.
రేపటి ట్విస్ట్ karthika deepam
Karthika Deepam Serial ట్విస్ట్: వంటలక్క విశ్వరూపం! కాలుతున్న కట్టె పుల్ల చూపిస్తూ.. ‘బూడిద చేసి పారెస్తా..’వదినమ్మ vadinamma serial today episode
‘వదినమ్మ’ మే 11 ఎపిసోడ్: పాపం పసివాడు.. ఎంతపని చేశావ్ సిరి! ‘సీత మాటిస్తే తప్పదుగా.. ఇప్పుడు ఎలా?’ఇంటింటి గృహలక్ష్మి intinti gruhalakshmi serial today episode