Guppedantha Manasu today promo: అసలు విలన్ శైలేంద్ర రంగంలోకి దిగేసరికి.. గుప్పెడంత మనసు వేగం పెరిగింది. రేటింగ్ మళ్లీ పుంజుకుంది. ఈ క్రమంలోనే రిషిధార అభిమానులకు టెన్షన్ కూడా పెరిగింది. ఎక్కడ మళ్లీ వసు, రిషీలు దూరం అవుతారోనని కంగారు పడుతున్నారు. ఈ క్రమంలోనే రేపటి ప్రోమో రసవత్తరంగా మారిపోయింది. ఇప్పుడు ఆ హైలైట్స్ చూద్దాం. అయితే నేటి కథనంలో జగతీ, వసులకు శైలేంద్రపై ఓ అవగాహన వచ్చేసింది. దాంతో రేపటి ప్రోమో ఆసక్తికరంగా మారింది.
Authored byశేఖర్ కుసుమ | Samayam Telugu3 May 2023, 7:05 am
Guppedantha Manasu 2023 May 1 Episode: ‘గుప్పెడంత మనసు’ సీరియల్.. 2023 మే 1న 751 ఎపిసోడ్‌కి ఎంటర్ అయ్యింది. నేటి కథనంలో శైలేంద్ర భూషణ్‌ని రిషీ.. కాలేజ్‌కి తీసుకుని వెళ్తాడు. అక్కడ రిషికి దక్కుతున్న గౌరవాన్ని చూసి రగిలిపోతాడు శైలేంద్ర. పైగా నేటి కథనంలో జగతీ, వసులకు శైలేంద్ర గుణం, స్వార్థం ప్రతీదీ అర్థం కావడంతో.. ఎపిసోడ్ అదిరిపోయింది. పైగా శైలేంద్ర.. వసుకి అర్థమయ్యేలా మాటల సందర్భంలో.. ‘నా గురించి ముందు ముందు ఇంకా వివరంగా తెలుస్తుందిలే’ అని అంటాడు. మరోవైపు వసు కూడా మనసులో.. ‘ఈ శైలేంద్ర పైకి నటిస్తున్నాడంతే.. అసలు రూపం వేరే’ అని క్లారిటీగానే తనలో తాను అనుకుంటుంది. మరోవైపు జగతీ కూడా.. శైలేంద్ర గురించి భయపడుతుంది. ఆ వివరాల కోసం ఈ కింద లింక్ క్లిక్ చేయండి.
Samayam Teluguగుప్పెడంత మనసు సీరియల్
ఇక ఇప్పుడు రేపటి కమింగ్ అప్ హైలైట్స్‌లోకి వెళ్తే.. శైలేంద్ర వక్రబుద్ధితో పాటు.. రిషి స్వచ్ఛమైన మనసు.. జగతీ, వసుల ఆవేదన స్పష్టమవుతాయి. రిషి క్యాబిన్‌లోకి వెళ్లిన శైలేంద్రను.. రిషి.. తన సీట్ దగ్గరకు తీసుకుని వెళ్తూ.. ‘రా అన్నయ్యా కూర్చో..’ అంటాడు. అక్కడే మహేంద్ర, ఫణేంద్ర, జగతీ, వసులు ఉంటారు. ‘నీ చైర్‌లో కూర్చోవడం బాగోదు రిషి..’ అంటాడు శైలేంద్ర ఊరికే మాట వరసకు. ‘రా అన్నయ్యా ఫర్లేదు.. కూర్చో..’ అంటూ తన సీట్‌లో కూర్చోబెడతాడు రిషి. అది చూస్తున్న జగతీ, వసులకు ఆ సీన్ ఏ మాత్రం నచ్చదు. ‘ఈ సీట్‌లో నిన్ను చూస్తుంటే రాజులా ఉన్నావ్ అన్నయ్యా’ అంటాడు రిషి ఆ పక్కనే కూర్చుని. ‘కానీ మన సామ్రాజ్యానికి రాజు ఒక్కడే..’ అంటూ తన అసలు గుణాన్ని మాటల్లో చూపిస్తాడు శైలేంద్ర. మహేంద్ర, ఫణేంద్రలు హ్యాపీగా ఫీల్ అవుతూ చూస్తుంటే.. జగతీ, వసులు మాత్రం ఏ మాత్రం ఇష్టం లేనట్లుగా చూస్తూ నిలబడతారు.
ఇక కాసేపటికి వసు.. రిషిని ఆ కూర్చులోనే బలవంతంగా కూర్చోబెట్టి.. ‘ఈ సీట్‌లో మీరు తప్ప ఇంకెవ్వరూ కూర్చోకూడదు సార్..’ అంటుంది కోపంగా ముఖం పెట్టి. ‘ఇందులో అన్నయ్య కూర్చున్నాడని ఫీల్ అవుతున్నావా?’ అంటాడు రిషి నవ్వుతూ. వసు తల దించుకుని కోపంగా బాధగా ఉంటుంది. ‘అన్నయ్యని ఒక్క క్షణం కూర్చోబెడితేనే నువ్వు ఇంత బాధపడుతున్నావ్.. ఒకవేళ అంతకు మించి ఏమైనా జరిగితే?’ అంటూ రిషి అడిగిన ప్రశ్న వసులో మరింత కలవరాన్ని పెంచేస్తుంది. అయితే కాబోయేది అదే కాబోలు. శైలేంద్ర మొత్తం లాక్కుని.. రిషి వాళ్లని పేదవాళ్లగా గెంటేసినా గెంటేస్తాడు. అందుకు దేవయాని చేతులు కలపక మానదు. చూడాలి మరి ఏం జరగుతుందో. రిషికి ఆ పరిస్థితి రాకుండా జగతీ, వసులు అడ్డుపతారా? లేక దేవయాని, శైలేంద్రలు మంచిగా మారతారా? అనేది ఆసక్తిగా మారింది.
శేఖర్ కుసుమ సమయం తెలుగులో ప్రిన్సిపల్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ సినిమా, టీవీ రంగానికి సంబంధించిన తాజా వార్తలు, స్టోరీలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఎంటర్‌టైన్మెంట్ రంగాలకు సంబంధించి వార్తలు రాశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
