Guppedantha Manasu updates: ‘ఆ కుట్ర మీదే కదా మేడమ్?’ పెద్ద అత్తకు ఫ్యూజులు ఎగిరిపాయే

Guppedantha Manasu today: వసు తన రూమ్‌లోకి వెళ్లబోతుంటే.. దేవయాని ఆపుతుంది ‘వసుధార’ అని పిలుస్తూ. వసు ఆగుతుంది. ‘ఏంటి ఈ మధ్య కొంచెం సంతోషం ఎక్కువైనట్లు అనిపిస్తోంది? అంటుంది దేవయాని. ‘అది సంతోషకరమైన విషయమే కదా మేడమ్’ అంటుంది వసు. ‘అవును బోసి మెడతో తిరుగున్నావేంటీ? ఇన్నిరోజులు మెడలో తాళి వేసుకుని తిరిగావ్.. ఇప్పడు అది తీసేసుకుని తిరుగుతున్నావ్? ఎవరైనా అడిగితే ఏం చెబుతావ్’ అంటుంది దేవయాని. ‘నేను తీసేసుకోలేదు మేడమ్.. అదే ఊడిపోయింది’ అంటుంది వసు. ‘కానీ మళ్లీ దొరికిన తర్వాత అయినా వేసుకోవాలి కదా?’ అంటుంది దేవయాని. ‘త్వరలోనే నా భర్త కట్టబోయే తాళి నా మెడలోకి రాబోతుండగా.. ఇప్పుడు నేను కట్టుకున్న తాళి ఉండకపోయినా ఫర్వాలేదు మేడమ్’ అంటుంది వసు.
Read also: ‘గుప్పెడంత మనసు’ ఏప్రిల్ 14: ‘మీ ప్రేమ పొందలేకపోవడం నా దురదృష్టం మేడమ్’ మెలిపెట్టేసిన కన్నప్రేమ

‘కానీ అప్పటి వరకూ జనాలు ఊరుకోరు కదా? వాళ్లకేం సమాధానం చెబుతావ్’ అంటుంది జగతి. ‘మీ వల్లే వేసుకోలేదు అని చెబుతాను’ మేడమ్’ అంటుంది వసు. ‘నా వల్ల వేసుకోకపోవడం ఏంటీ?’ అంటుంది దేవయాని కోపంగా. ‘అవును మేడమ్.. నిజానికి అది ఊడిపోయింది కూడా మీ వల్లే.. ఆ రోజు పీడకలలో మీరే వచ్చారు.. చాలా భయంకరంగా కనిపించారు. ఆ భయంతోనే అటు ఇటు తిరుగుతూ ఉండగా చేయి తాళికి తగిలి ఊడిపోయింది మేడమ్.. దాన్ని మీరు అవకాశంగా తీసుకుని.. నన్ను రిషి సార్ ముందు బ్యాడ్ చెయ్యాలి అనుకున్నారు’ అంటుంది వసు.

‘నేను.. నేను బ్యాడ్ చేయడం ఏంటీ?’ అంటుంది వసు. ‘రిషి దాన్ని నీ మెడలో వెయ్యాలనే నేను తన రూమ్‌లో పెట్టాను’ అంటుంది దేవయాని. ‘ఏదైనా కానీ మీరు అనుకున్నది జరగలేదు కదా.. సమయానికి ఫణేంద్ర సార్ చూసి అడిగారు కాబట్టి సరిపోయింది. లేదంటే ఆ రోజు నిజం చెప్పేవారా? అసలు నోరు తెరిచేవాళ్లా?’ అంటుంది వసు. ‘హేయ్ ఏం మాట్లాడుతున్నావ్’ అంటుంది దేవయాని. ‘నిజం మాట్లాడుతున్నా మేడమ్.. జరిగిన వాస్తవాన్ని మీకు వివరించి చెబుతున్నాను’ అంటుంది వసు. ఇంతలో రిషి అటుగా వచ్చి వాళ్ల మాటలు వింటూ ఆగిపోతాడు. ‘అసలు నేను అడిగింది ఏంటీ? నువ్వు చెబుతున్నది ఏంటీ? మెడలో తాళి లేదేంటా అని ఎవరైనా అడిగితే ఏం చెబుతావ్ అంటే అసలు ఏదేదో మాట్లాడతావేంటీ?’ అంటుంది దేవయాని.

‘మేడమ్ తాళి వేసుకునేటప్పుడు.. ఎవరు అడుగుతారనో.. ఎవరికో భయపడి వేసుకోలేదు.. రిషి సార్ కోసం వేసుకున్నాను.. నా ప్రేమని కాపాడుకోవడం కోసం.. నా ప్రేమని గెలిపించుకోవడం కోసం వేసుకున్నాను. ఏది చేసినా మా ప్రేమ గురించి.. మా బంధం గురించి ఆలోచించి చేస్తాను కానీ.. ఎవరో అడుగుతారని ఇప్పుడు మళ్లీ వేసుకోను మేడమ్.. ఇక ఎదుటివారి జీవితాల్లోకి తొంగి చూడాలి అనుకునేవారి.. సంస్కారం లేనివాళ్లు.. అడిగితే.. వాళ్లకు ఇవ్వాల్సిన సమాధానం నేను ఇస్తాను.. అయ్యో మీరేం కంగారు పడాల్సిన పని లేదు మేడమ్’ అనేసి లోపలికి వెళ్లిపోతుంది వసు. ‘పొగరు పట్టి మాట్లాడుతుంది’ అని తిట్టుకుని దేవయాని వెళ్లిపోతుంది. వెంటనే రిషి.. వసు గదిలోకి వెళ్లి.. ‘పెద్దమ్మతో నువ్వు మాట్లాడిన మాటలు విన్నాను.. చాలా ధైర్యంగా తెగువతో మాట్లాడావ్.. కానీ పెద్దమ్మ అన్నట్లు.. తాళి ఏది అని అడిగేవాళ్లకి ఏం చెబుతావ్’ అంటాడు రిషి.

‘సార్ 99 శాతం మంది అడగరు.. మిగిలిన ఆ ఒక్క శాతం మంది బుద్ధిలేని వాళ్లు అడిగితే నేను దాన్ని బుర్రలోకి తీసుకోను.. అలాంటి వాళ్లకి సమాధానం చెప్పాల్సిన పని లేదు. మీరు నా పక్కనే ఉండగా ఆ అవసరం నాకు రాదు.. నా దృష్టిలో మనిద్దరం భార్యాభర్తలం సార్.. నేను ఎప్పుడైతే మిమ్మల్ని తలుచుకుని తాళి వేసుకున్నానో అప్పుడే మీరు నా భర్త అయ్యారు. మీరు ఎప్పుడైతే ప్రెస్ ముందు అంగీకరించారో అప్పుడే నేను మీ భార్యని అయ్యాను’ అంటుంది వసు.

అవును కాలికి దెబ్బ తగిలింది కదా.. పడుకోకుండా ఎందుకు అటు ఇటు తిరుగుతావ్’ అంటాడు రిషి. ‘నిద్ర రావట్లేదు సార్.. మనం ఈ రోజు చాలా పెద్ద సమస్యల్లోంచి బయటపడ్డాం.. తలుచుకుంటూ భయమేస్తుంది’అంటుంది వసు. ‘హా.. ఇప్పుడు నొప్పి తగ్గిందా? టాబ్లెట్ వేసుకున్నావా?’ అంటాడు రిషి మాట మారుస్తూ. ‘సార్ ఇప్పుడు మాట మార్చేస్తున్నారని నాకు అర్థమవుతుంది సార్.. అయినా సరే నేను దాని గురించే మాట్లాడతాను.. ఈ రోజు ఒక అద్భుతం జరిగింది. మా జెంటిల్ మెన్‌లో ఓవేటాడే సింహాన్ని చూశాను.. అంతే కాదు సార్ ఓ ప్రిన్స్ కూడా కనిపించాడు..’ అంటూ పొగడ్తల వర్షం కురిపిస్తుంది వసుధార. (photo courtesy by star మా and disney+ hotstar)

Read Also: ‘నాగ పంచమి’ ఏప్రిల్ 14 ఎపిసోడ్: మోక్ష గతం ఇదీ.. నాగ పంచమి నాడు పాములా మారుతున్న పంచమి

Read also: ‘గుప్పెడంత మనసు’ ఏప్రిల్ 14: ‘మీ ప్రేమ పొందలేకపోవడం నా దురదృష్టం మేడమ్’ మెలిపెట్టేసిన కన్నప్రేమ