Guppedantha Manasu ఆగష్టు 9: ద్యావుడా! సాక్షీతో పెళ్లి రిషీ ప్లానే! వసు ప్రేమని గెలిచేందుకే ఈ పరీక్ష

గత ఎపిసోడ్‌లో సాక్షీతో పెళ్లికి నేను సిద్ధం అని కుటుంబానికి చెప్పిన రిషి.. ఈ నిర్ణయంలో మార్పు లేదని కూడా చెప్పేశాడు. పైగా జగతి కాల్ చేసి.. వసుకి విషయం చెప్పేసింది. దాంతో వసు గుండె ముక్కలైపోయింది. ఈ క్రమంలోనే నేటి కథనం ఉత్కంఠగా మారింది.

522 ఎపిసోడ్‌ హైలైట్స్..
రిషి రెస్టారెంట్‌లో వసుని కలుస్తాడు. పాపం వసు.. డైరెక్ట్‌గా సాక్షీని ఎందుకు చేసుకున్నారు అని అడగకుండానే.. మీ నిర్ణయం మార్చుకుంటే బాగుంటుంది అంటూ సలహా ఇచ్చే ప్రయత్నం చేస్తుంది. వినిపించుకోడు రిషి. అక్కడ నుంచి ఇంటికి వెళ్లిపోతాడు. ఇంట్లో వసు ఇచ్చిన గోలీలను చూస్తూ ఆలోచనలో పడతాడు. అప్పుడే మహేంద్ర వసు విషయంలో తప్పు చేస్తున్నావేమో? సాక్షీని పెళ్లి చేసుకోవడం ఏంటీ? పాపం వసుధార పెళ్లి పీటల నుంచి పారిపోయి వచ్చింది. తన లక్ష్యం కోసం ఎంతో కష్టపడుతుంది.. అంటూ ప్రతీది గుర్తు చేసే ప్రయత్నం చేస్తాడు. రిషి వినిపించుకోడు. నిర్ణయంతో మార్పులేదు అన్నట్లే ఉంటాడు. దాంతో మహేంద్ర బాధగా అక్కడ నుంచి వెనుదిరుగుతాడు.

అప్పుడే రిషి అసలు మనసులో ఉన్నది బయటపడుతుంది. మహేంద్ర బాధగా వెళ్తుంటే.. రిషి మనసులో ఇలా అనుకుంటాడు. ‘డాడ్ మీరు అనవసరంగా ఆలోచిస్తున్నారు. కంగారు పడుతున్నారేమో.. ఇది నాకు నేనుగా పెట్టుకున్న పరీక్ష.. ఇది కఠినమైనదని నాకు తెలుసు.. ఈ పరీక్షలో నేను గెలుస్తాను.. నన్ను నేను గెలిపించుకోవాలంటే.. నా ప్రేమ గెలవాలంటే.. నేను ఈ పరీక్షలో గెలవాలి..’ అనుకుంటాడు. దీని బట్టే అర్థమవుతుంది. సాక్షీతో పెళ్లి నిర్ణయం రిషి ప్లాన్‌లో భాగమే అని. తన ప్రేమని గెలిపించుకోవడానికి రిషి సాక్షీతో పెళ్లికి ఒప్పుకున్నాడు అని. అయితే దేవయాని, సాక్షీ అనుకుంటున్నట్లు రిషి వాళ్ల గుప్పెట్లోకి వెళ్లలేదు. వాళ్లనే వాళ్లకు తెలియకుండా రిషి ఆడిస్తున్నాడు.

ఇక వసు అయితే ఎప్పుడూ వెళ్లే అమ్మవారి విగ్రహం దగ్గరకు వెళ్లి.. తనమనసులో ప్రేమని.. బాధని, భయాన్ని చెప్పుకుంటూ.. ‘ఎవరు నాకు ఈ పరీక్ష పెట్టినా భయపడను.. ఇది నా మనసుకి పరీక్షో.. నా ప్రేమకు పరీక్షో తేల్చుకుంటాను.. మనస్పూర్తిగా ఈ పరీక్షని ఎదుర్కొంటాను.. ఎలా గెలవాలో నాకు తెలుసు.. రిషి సార్ నన్ను దూరం పెడుతున్నారని నేను అనుకోను.. రిషి సార్ మనసు ఎలా గెలవాలో నాకు తెలుసమ్మా’ అంటూ దన్నం పెట్టుకుంటుంది.

ఇక నేటి కథనంలో సాక్షీ.. రిషిని పలకరించడానికి మంచి చేసుకోవడానికి చాలా సార్లు ప్రయత్నిస్తుంది. ‘ఇప్పుడు కాదు.. నాకు ఇంట్రెస్ట్ లేదు..’ అంటూ ఏదొక రీజన్‌తో దూరం పెడుతుంటాడు రిషి సాక్షీని. అయితే రిషి తన రూమ్‌లో వసు ఫొటోస్ చూసుకుని బాధపడుతుంటే.. సాక్షీ వెళ్తుంది. ఆ ఫొటోస్ చూసి రగిలిపోతుంది. ‘పర్మీషన్ తీసుకుని రూమ్‌లోకి రావడం తెలియదా’ అని అరుస్తాడు రిషి. సాక్షీ కూడా రెచ్చిపోతుంది. ‘నేను చేసిన తప్పేంటీ?’ అంటూ అరుస్తుంది.

ఆ గొడవకు దేవయాని పరుగున వచ్చి.. సాక్షీని ఆపే ప్రయత్నం చేస్తుంది. ‘వెళ్లిపో సాక్షీ.. చేసింది తప్పు అయ్యి ఉండి.. మళ్లీ పెద్దమ్మకి చెబుతావా? బెదిరిస్తున్నావా నన్ను’ అంటూ రిషి చెలరేగిపోతాడు. ఉగ్రరూపంలో చడామడా తిట్టేస్తాడు. ఇక సాక్షీ కూడా రెచ్చిపోతుంటే.. దేవయాని సాక్షీని అక్కడ నుంచి లాక్కొచ్చి.. రిషి గది తలుపు వేసేస్తుంది. సరిగ్గా అప్పుడే జగతి, వసులు అటుగా వస్తారు. వసుని చూడగానే సాక్షీ రగిలిపోతుంది. ‘అసలు నిన్ను అనాలి. అసలు నువ్వు ఇక్కడికి ఎందుకొచ్చావ్? ఇదంతా నీ వల్లే జరుగుతోంది..’ అంటూ వసు మీద అరుస్తుంది సాక్షీ. జగతి, వసులకు ఏం అర్థం కాదు. ‘ఏం మాట్లాడుతున్నావ్ సాక్షీ..?’ అంటుంది వసు. ‘అంతా నీ వల్లే.. నా జీవితం అంతా సమస్యలో పడింది నీ వల్లే.. వెళ్లిపో వసుధారా..’ అంటూ అరుస్తుంది సాక్షీ. సరిగ్గా అప్పుడే రిషి తలుపు తీస్తాడు.. మరిన్ని వివరాలు తరువాయి భాగంలో చూద్దాం! Guppedantha Manasu కొనసాగుతోంది.