Guppedantha Manasu డిసెంబర్ 2: రాత్రివేళ రౌడీల కంట చిక్కిన రిషిధార.. ఆధారాలతో సహా దొరికేసిన గౌతమ్

ఓ వైపు.. గౌతమ్ టెన్షన్ పడుతూ ఉంటాడు. అంకుల్ మీ వస్తువులన్నీ నా దగ్గరే ఉన్నాయి.. అవి కానీ రిషి చూస్తాడేమో.. నిజం తెలిసిపోతుందేమో అని భయంగా ఉంది అంకుల్’ అంటూ మహేంద్రతో చెబుతాడు. అంతా ఛాన్స్ లేదు గౌతమ్ భయపడొద్దు అంటూ ధైర్యం చెబుతాడు మహేంద్ర. కానీ ఈ రోజు గౌతమ్ భయమే నిజమైంది. రిషికి నిజం తెలిసిపోయింది. అసలేం జరిగిందో ఇప్పుడు చూద్దాం.

621వ ఎపిసోడ్‌ హైలైట్స్..
రిషి.. అంతా పడుకున్నాక.. వసుని బయటికి పిలుస్తాడు. ‘జగతీకి కాపలాగా ధరణీని ఉంచి.. వసుని తీసుకుని బయటికి వెళ్లిపోతాడు కారులో. కారు ఎక్కిన దగ్గర నుంచి.. ‘వసుధార నేను చాలా ఆనందంగా ఉన్నాను తెలుసా? డాడ్ ఇంటికి రావడం చాలా సంతోషంగా ఉంది. అసలు డాడ్ లేకుండా ఎలా గడిపానో ఇన్ని రోజులు’ అంటూ మహేంద్ర గురించే చెబుతూ ఉంటాడు రిషి ఆనందంగా కారు నడుపుతున్నంత సేపు.

ఇక వసు.. జగతీ గురించి మాట్లాడాలి అనుకుని.. రిషి మనసు బాధపెట్టకూడదు అనుకుని ఆగిపోతుంది. వెంటనే వసు.. కారు ఆపమంటుంది. కిందకు దిగి.. రిషి కళ్లల్లోకి చూస్తూ.. జనాలు పిచ్చివాళ్లు.. ఆనందం కోసం ఎక్కడెక్కడో వెతుకుతారు.. మనసైనవాడు కళ్లముందు ఉంటే.. అతడి కళ్లల్లోకి చూస్తే అదే ఆనందం అని చాలా మంది తెలియదు..’ అంటూ రొమాంటిక్‌గా దగ్గరవుతారు. హగ్ చేసుకుంటారు. ఇంతలో రెండు బైక్స్ మీద నలుగురు రౌడీలు(ఆకతాయిలు) ‘హలో లవ్ బర్డ్స్’ అని పిలుస్తారు. ఉలిక్కిపడిన రిషి. .వసులు.. అటుగా చూసి.. దూరంగా జరుగుతారు.

‘ఏంటి రూమ్ దొరకలేదా? రోడ్డు మీదకు వచ్చారు’ అంటూ తప్పు తప్పుగా మాట్లాడటంతో పాటు.. రిషి కోపాన్ని చూసి.. కొట్టడానికి కూడా వస్తారు. ఇక మిస్టర్ ఇగో తన ప్రతాపం చూపించి.. వాళ్లని చితకొట్టేస్తాడు. వద్దు సార్ వద్దు సార్ అంటూ వసు ఆపే ప్రయత్నం చేస్తున్నా ఆగడు. ఆ సమయంలోనే వాళ్ల చేతిలోని మందు(ఆల్కహాల్) రిషి షర్ట్ మీద పడుతుంది. ఇక వాళ్లు పోలీస్ హారన్ వినిపించడంతో పారిపోతారు. వసు.. ‘సార్ అవన్ని మనకెందుకు పదండి వెళ్దాం’ అంటూనే.. ‘సార్.. మీ షర్ట్ ఆల్కహాల్ పడి.. పాడైంది.. మీ పెద్దమ్మగారు కానీ తలుపు తీస్తే బాగుండదు.. అందుకే.. ఇక్కడ దగ్గరలోని గౌతమ్ గారి ఇంటికి వెళ్లి షర్ట్ మార్చుకుందురుగానీ..’ అంటూ సలహా ఇస్తుంది. దాంతో రిషి.. గౌతమ్ ఇంటికి కారు తిప్పుతాడు.

ఇక గౌతమ్.. రిషి ఆ రాత్రి సమయంలో వసుతో రావడం చూసి షాక్ అవుతాడు. షర్ట్ మార్చుకోవడానికి వచ్చాడని తెలిసి కూల్ అవుతాడు. కానీ రిషి.. గదిలోకి వెళ్లి.. షర్ట్ మార్చుకుని.. ఫోన్ మరిచిపోతాడు. తిరిగి రిషి ఫోన్ తెచ్చుకోవడానికి వెళ్లినప్పుడు ఓ సొరుగు ఓపెన్ అవుతుంది. అందులో మహేంద్ర వాడే వాచ్, మహేంద్ర ఇంటి నుంచి బయటికి వెళ్లే రోజు పట్టుకుని వెళ్లిన ఫొటో దొరకడంతో.. ‘అంటే ఇంతకాలం డాడ్ వాళ్లు వీడి దగ్గరే ఇక్కడే ఉన్నారా?’ అనుకుంటూ.. గౌతమ్ అని గట్టిగా అరిచేస్తూ బయటికి వస్తాడు.

‘ఏంట్రా ఇవి?’ అంటూ గౌతమ్‌ని నిలదీస్తూ.. ఇంత మోసం చేస్తావా అంటూ కడిగిపాడేస్తాడు. గౌతమ్ ఏం చెప్పినా వినడదు. వసుధారకు కూడా ఆ నిజం వాళ్ల మాటల ద్వారానే అర్థమవుతుంది. మరిన్ని వివరాలు తరువాయి భాగంలో చూద్దాం! Guppedantha Manasu కొనసాగుతోంది. (photo courtesy by star మా and disney+ hotstar)
Read more Cinema News and Telugu News, TV News