Guppedantha Manasu డిసెంబర్ 30 ఎపిసోడ్: రిషి ప్లాన్ మొత్తం రివర్స్.. ‘అనుకున్నదొకటి, జరిగేది మరొకటి’

గత ఎపిసోడ్‌లో వసుని ఇంట్లోంచి పంపించాలనే ఉద్దేశంతో.. మరోసారి జగతి మాటలనేస్తుంది. ‘నీకు గుర్తొచ్చినప్పుడు ఇక్కడి వచ్చి పోతుంటే.. దీన్ని ఇళ్లు అనరు.. నీకు ఆకలిగా ఉంటే వండుకుని తిను..’ అంటూ ఏదేదో అరిచి, గది లోపలకి వెళ్లి తలుపు పెట్టుకుంటుంది. తను కూడా చాలా బాధపడుతుంది. ఇక మరునాడు ఉదయాన్నే.. వసుకి నిజం చెప్పేసినట్లు జగతి ఊహించుకుంటుంది. చెప్పడం వల్ల వసు రిషిని నిలదీస్తుందనే భయంతో నిజం చెప్పదు.

330వ ఎపిసోడ్‌ హైలైట్స్..
‘మేడమ్ నేనేం తప్పు చేశాను మేడమ్.. చెప్పండి మేడమ్’ అంటూ వసు కాలేజ్‌కి వెళ్లే ముందు జగతిని మరోసారి కదిలిస్తుంది. కానీ జగతి ఏం చెప్పదు. ‘నన్ను కాసేపు వదిలేస్తావా?’ అంటూ బయటికి వచ్చేస్తుంది. ఇంతలో మహేంద్ర ఫోన్ రావడంతో.. లిఫ్ట్ చేసి ‘ఏంటి చెప్పు మహేంద్ర’ అంటుంది జగతి విసుగ్గా.. ‘ఏం అయ్యింది జగతి ఎందుకు ఇలా ప్రవర్తిస్తున్నారు?’ అంటూ ఆరా తీస్తాడు. దాంతో ‘ఎందుకు మహేంద్రా.. ఇలా మీరంతా కలిసి వేధిస్తున్నారు? నన్ను ఇలా ఒంటరిగా వదిలేయండి.. ప్లీజ్.. ఇక ఈ విషయం గురించి నువ్వేం అడగొద్దు.. నా ఏడుపు నన్ను ఏడవనివ్వండి.. దేవయాని అక్కయ్య నా సంతోషాలని దూరం చేసిన తర్వాత, నా బతుకు నేను ఒంటరిగా బతికినప్పుడే బాగుండేది.. ఇప్పుడు బంధాలను వెతుక్కుంటూ వచ్చిన నాటి నుంచి నాకు నరకం కనిపిస్తోంది.. నన్ను మీరంతా ఒంటరిగా వదిలిపెట్టండి మహేంద్రా ప్లీజ్’ అంటూ కన్నీళ్లతో ఫోన్ కట్ చేస్తుంది. అయితే ఆ మాటలన్నీ వసు వినేస్తుంది.

కాలేజ్‌కి వెళ్లి ఒంటరిగా కూర్చుని.. జగతి ప్రవర్తనను తలుచుకుని బాగా ఏడుస్తుంది వసు. ఇంతలో రిషి వచ్చి.. ‘ఏం జరిగింది’ అని ఆరా తీయడంతో.. ‘జగతి మేడమ్.. నేను తనతో ఉండటం ఇష్టం లేనట్లుగా ప్రవర్తిస్తున్నారు’ అని చెబుతుంది ఏడుస్తూ.. ‘అంటే మేడమ్ నేను చెప్పిన పని చేస్తున్నారని మాట’ అని రిషి మనసులో అనుకుని.. ‘మరి ఎక్కడో చోటకి.. అంటే హాస్టల్‌కి..?’ అంటాడు రిషి నసుగుతూ.. ‘ఎక్కడో ఒక చోట ఉండటం కాదు సార్ నా సమస్య..’ అంటుంది వసు బాధగా.. ‘వెళ్లిపోమని చెప్పేశారా?’ అంటాడు రిషి అనుమానంగా.. ‘అలా చెప్పినా బాగుండేది సార్.. అప్పుడైనా నా తప్పు ఏంటని అడిగేదాన్ని.. మనకు ఇష్టమైన వాళ్ల మనసు వాళ్లకన్నా మనకే ఎక్కువగా తెలుస్తుంది. అది మేడమ్ సహజత్వం కాదు సార్.. నిజానికి మేడమ్ అస్సలు అలా ఆలోచించరు’ అంటుంది వసు ఏడుస్తూ..

‘అంతగా మేడమ్‌కి ఇష్టం లేనప్పుడు.. అక్కడే ఉండటం ఎందుకు మరి.. ఏదైనా హాస్టల్లో..’ అంటూ మరోసారి అంటాడు రిషి. ‘నేను హాస్టల్‌కి వెళ్లలేను.. కొన్నింటికి ప్రత్యామ్నాయమనేదే ఉండదు. నా దృష్టిలో జగతి మేడమ్ కూడా అంతే సార్.. ఆవిడ స్థానంలో నేను ఇంకొకరిని ఊహించుకోలేను సార్.. మేడమ్ మాటలు మేడమ్మే కావు సార్.. తను అలా మాట్లాడదు.. ఎవరో ఏదో అన్నారు.. అది ఎవరో చెప్పడం లేదు.. కానీ నేను తెలుసుకుంటాను..’ అంటుంది వసు. తెలుసుకుంటాను అనగానే రిషి గుండెల్లో రాయిపడినట్లు అవుతుంది.

‘ఇప్పుడు మేడమ్‌ని బాధపెట్టను అంటావ్.. హాస్టల్‌కి వెళ్లను అంటావ్ మరి ఎక్కడికి వెళ్తావ్ వసుధరా?’ అంటాడు రిషి. ‘మేడమ్‌ని విడిచి పెడితే హాస్టల్‌కి మాత్రం వెళ్లేది లేదు సార్.. ఎక్కడికి వెళ్తానో ఏమో.. నాకే తెలియదు.. నా వాళ్లు అందరినీ వదిలేసి వచ్చాను.. మేడమ్‌లోనే అందరినీ చూసుకుంటున్నాను.. మేడమ్‌కి నా వల్ల ఇబ్బంది కలుగుతుందంటే నేను అక్కడ ఉండలేను సార్.. చెప్పలేను ఎక్కడికి వెళ్తానో ఏమో..’ అంటుంది వసు.

‘మేడమ్ చెప్పినట్లు వినొచ్చు కదా వసుధరా..?’ అంటాడు రిషి. ‘వింటాను సార్.. మేడమ్ నా కోసం ప్రతిసారి రక్షణగా నిలిచారు. అలాంటి మేడమ్ మనస్పూర్తిగా చెబితే నేను వింటాను.. కానీ మేడమ్‌ని ఎవరో కట్టిపారేస్తున్నారు. నన్ను వెళ్లమంటున్నారంటే.. నాకంటే ఎక్కువగా తను నలిగిపోతున్నారని నాకు అర్థమైంది సార్.. నా కన్నా ఎక్కువగా తను బాధపడుతున్నారు.. వినిపించే మాటలు మేడమ్‌వి కావు సార్..’ అంటుంది వసు నమ్మకంగా.. ‘ఈ విషయంలో నేనేమైనా హెల్ప్ చేయగలనా?’ అంటాడు రిషి కూల్‌గా..

‘అవసరం లేదు సార్.. ఉంటే మేడమ్ దగ్గర ఉంటాను.. లేదంటే ఎక్కడికైనా వెళ్లిపోతాను.. ఎవరికీ భారం కాకుండా.. ఎవరి కంటికి కనిపించకుండా వెళ్లిపోతాను సార్.. నేను ఎక్కడికి వెళ్లినా ఎక్కడైనా బతికే ధైర్యం నాకుంది సార్..’ అంటుంది వసు. ‘ఏంటి ఈ వసుధర ఇలా మాట్లాడుతోంది..? అనుకున్నది ఒకటి జరిగేది ఒకటి అవుతోంది ఏంటీ?’ అని మనసులో భయపడతాడు రిషి. ‘నేనొక నిర్ణయానికి వచ్చాను సార్.. నా మనసు చెప్పిందే చేయబోతున్నాను’ అని రిషి ఆగమన్నా ఆగకుండా లేచి వెళ్లిపోతుంది. సీన్ కట్ చేస్తే.. వసు బ్యాగ్ సద్దుకుని, బ్యాగ్ తీసుకుని వెళ్తుంటే.. జగతి చేతులు కట్టుకుని బాధగా నిలబడి ఉండటం కథన ఆసక్తిగా మార్చింది. మరి వసు ఎక్కడికి వెళ్తుంది? అనేది తరువాయి భాగంలో చూద్దాం! Guppedantha Manasu కొనసాగుతోంది.