Guppedantha Manasu జూలై 22 ఎపిసోడ్: వసు మాటలకి రిషి ఆవేశం.. శిరీష్ సపోర్ట్!

బుల్లితెర ప్రేక్షకుల్ని ఎంతగానో ఆకట్టుకుంటున్న ‘గుప్పెడంత మనసు’ సీరియల్.. నేడు(2021 జూలై 22)న 195 ఎపిసోడ్‌కి ఎంటర్ అయ్యింది.

195వ ఎపిసోడ్‌ హైలైట్స్..
దొంగ దొరికాడు అని వసు, జగతి, మహేంద్రలను ఇంటికి పిలిపించిన శిరీష్.. దొంగ ఎవరో చెప్పమంటే మాత్రం.. ‘ఇంకా కొందరు రావాలి’ అని ఆగుతాడు. కాసేపటికి రాజీవ్ రావడంతో.. ‘రాజీవ్ గారు.. దొంగ దొరకాడండీ.. వీళ్లందరికంటే ముందు మీకే చూపించాలని ఆగాను.. చూడండి’ అంటూ సీసీ టీవీ రికార్డ్స్ చూపిస్తాడు. రాజీవ్ షాక్ అవుతాడు. అదే వీడియోని వసు, మాధవి చూసి షాక్ అవుతారు. జగతి, మహేంద్ర చూస్తున్నప్పుడు మెళ్లగా జారుకునే పనిలో పడతాడు రాజీవ్. అయితే గుమ్మం దగ్గరకు వెళ్లే సరికి రిషి ఎదురుగా వచ్చి.. ‘ఏంటి పారిపోదాం అనుకుంటున్నావా.. నడు లోనికి’ అని తోస్తాడు. దాంతో వసు రాజీవ్‌ని అసహ్యంగా చూస్తూ.. ‘నువ్వు ఈ పని చేశావా బావా.. ఆ డబ్బు నీకే కదే ఇస్తాను.. ఎందుకు ఇలా చేశావ్’ అంటూ అసహ్యంగా చూస్తుంది.

రిషి ఆవేశంగా.. ‘శిరీష్ బాగా పట్టుకున్నారు.. అరెస్ట్‌ చేసి లోపల వెయ్యండి వీడ్ని’ ఫైర్ అవుతాడు. అప్పుడే రాజీవ్ వసుతో.. ‘వసు.. నన్ను అరెస్ట్ చెయొద్దు.. నాకు మీ అక్కకి ఒక బాబు కూడా ఉన్నాడు.. మీ నాన్న పరువు గురించి కూడా ఆలోచించు’ అంటూ ఎమోషనల్‌గా వసుని బతిమలాడాడు. కాళ్లు కూడా పట్టుకోబోతాడు. రిషి మాత్రం ఊరుకోడు. వసుధరా తనని క్షమించొద్దు అంటాడు. వసు అదే అయోమయంలో ఉండగా కానిస్టేబుల్స్ వచ్చి రాజీవ్‌ని తీసుకునిపోతారు.

ఇక సాయంత్రం వసు రెస్టారెంట్‌లో వెయిటర్‌గా పని చేస్తున్నప్పుడు.. రిషీ అక్కడికి వెళ్తాడు. కాఫీ తెమ్మని చెబితే.. టైమ్ పడుతుంది అంటుంది వసు. ఇంతలో శిరీష్ వచ్చి.. ‘హాయ్ సార్.. నేను ఇక్కడ కూర్చోవచ్చా.. నన్ను వసు కాల్ చేసి రమ్మంది’ అంటాడు. అప్పుడు మిస్టర్ ఇగో బయటికి వస్తాడు. ‘నన్ను వెయిట్ చెయ్యమంది.. తనని మాత్రం కాల్ చేసి మరీ పిలిచింది’ అనుకుంటాడు మనసులో. ఇక వసు వచ్చి.. ‘శిరీష్ నీతో మాట్లాడాలని పిలిచాను.. మా బావ మీద కేస్ వాపస్ తీసుకోవాలని నిర్ణయించుకున్నాను’ అంటుంది ఇద్దరికి మధ్యలో కుర్చీ వేసుకుని కూర్చుని. ఆ మాటలకు రిషీ ఆవేశంగా పైకి లేచి వాట్ అంటాడు. చుట్టు ఉన్నవాళ్లు తిరిగి చూడటంతో సారీ చెప్పి కూర్చుంటాడు.

‘తనని పూర్తిగా చెప్పనివ్వండి సార్’ అంటాడు శిరీష్ వసుకి సపోర్ట్ చేస్తూ.. ‘సార్ ప్రపంచంలో అన్నింటికంటే పెద్ద శిక్ష క్షమించడమే సార్.. అయినా మా బావ అరెస్ట్ అయితే మా నాన్న పరువు పోయిందని భావించి తను ఏం అయిపోతారో అనే భయం నన్ను వేదిస్తోంది’ అంటూ తన మనసులోని మాట ఇద్దరి ముందు బయటపెడుతుంది వసు. ఇక కమింగ్ అప్‌లో.. రిషి వసుకి కవర్‌లో మనీ పెట్టి ఇస్తాడు. ‘ఏంటిసార్ ఇది’ అంటే ట్యూషన్ ఫీజ్ అంటాడు. లెక్కపెట్టుకోమంటే.. వసు లెక్కించకుండా అవసరం లేదు అంటుంది. ‘అలా ఎలా కుదురుద్ది.. ఏదో అంటారు కదా.. ధనం మూలం ఇదం జగత్ అని..’ అంటాడు కార్తీక్. వసు నవ్వుతుంది. ‘ఎందుకు నవ్వుతున్నావ్’ అని రిషీ అనడంతో.. ‘అంత భారీ డైలాగ్ చెబితే నవ్వు వచ్చింది’ అంటుంది వసు నవ్వుతూ.

ఇక సీన్ కట్ చేస్తే.. వసు, జగతి, మహేంద్ర ఫణేంద్ర క్యాబిన్‌లో ఉంటారు. ‘సార్ ఈ బర్త్‌డేలు అవీ కాలేజ్‌లో బాగుండవు’ అంటుంది జగతి ఇబ్బందిగా. ‘మేడమ్ ఒప్పుకోండి మేడమ్’ అంటుంది వసు. ఇంతలో రిషి వచ్చి.. ‘ఏం పెదనాన్నా మీకు ఓకేనా’ అంటాడు. దాంతో మహేంద్ర ముఖంలో ఆనందం కనిపించడంతో పాటు.. ఫణేంద్ర.. ‘మాకు మాకు ఓకే’ అంటాడు. ‘మహేంద్ర సార్ కూడా ఓకే చెప్పారు సార్’ అంటుంది వసు. ‘అర్థమైంది పెదనాన్నా’ అంటాడు కాస్త కోపంగా చూస్తూ రిషి. అంతా షాక్ అవుతారు. మరి జగతి బర్త్‌డే కాలేజ్‌లో జరుగుతుందా లేదా అనేది ఆసక్తిగా మారింది. మరిన్ని వివరాలు తరువాయి భాగంలో చూద్దాం! Guppedantha Manasu కొనసాగుతోంది.