Guppedantha Manasu : గెస్ట్ హౌస్‌లో కలుసుకున్న రిషిధార! ఇక చక్రపాణీ, సుమిత్రలు.. వసుతోనే మకాం!

Guppedantha Manasu 2023 january 20 Episode: వసుకి కాల్ చేస్తుంది సుమిత్ర. సుమిత్ర పొంగిపోతూ.. చక్రపాణిలో వచ్చిన మార్పు గురించి చెబుతుంది. ‘మీరు రాజీవ్ బావతో జాగ్రత్త అమ్మా నాన్నా’ అంటుంది వసు. ఫోన్ అందుకున్న చక్రపాణి.. ‘వసు.. ఇక మీదట మేము నీతో ఉండొచ్చా అమ్మా.. మేము అక్కడికి వచ్చేస్తామమ్మా’ అంటాడు. ‘సరే నాన్నా ప్లాన్ చేస్తాను’ అని ఫోన్ పెట్టేస్తుంది వసు.

ఇక సీన్ కట్ చేస్తే.. అమ్మవారి ముందు మల్లెపూలు తీసుకోవడం గురించి.. ఇటు వసు.. అటు రిషీ.. ఇద్దరూ ఆలోచించుకుంటారు. ‘వేరే వాళ్ల భార్యగా ఉండి కూడా.. నేను కొన్న పూలు ఎందుకు తీసుకుంది తను.. తప్పు కదా?’ అంటూ మనసులోనే బాధపడతాడు రిషి. తర్వాత ఇద్దరూ వారున్న బాల్కనీల ముందు నిలబడి.. చందమామ ముందు నిలబడి ఒకరి కోసం ఒకరు మాట్లాడుకునే సీన్ నడుస్తుంది.

మరునాడు.. వసు రిషి గెస్ట్ హౌస్ రూమ్ ఉండి ఉంటాడనే నమ్మకంతో.. అక్కడికి వెళ్తుంది. ఆ రూమ్ తలుపు తీయడానికి ప్రయత్నిస్తుంది. సరిగ్గా అప్పుడే ఆ రూమ్‌లో ఉన్న రిషి.. ఆ రూమ్ తలుపు తీయడానికి లోపల నుంచి ట్రై చేస్తాడు. ఇద్దరూ ఒకేసారి.. ఒకరు లోపల నుంచి మరొకరు బయట నుంచి ట్రై చేయడంతో ఆ తలుపు రాదు. రిషి బలంగా లాగడంతో.. వసు బయట నుంచి రిషి కౌగిట్లో పడిపోతుంది. ఇద్దరూ ఒకరి కౌగిట్లో ఒకరు ఇరుక్కుని.. గిర్రన తిరిగి తిరిగి.. ఓ చోట ఆగుతారు. అప్పుడే రిషి షర్ట్ బటన్‌కి.. వసు తాళి ఇరుక్కుంటుంది. ఈ సీన్ కోసమని.. విఆర్ రింగ్(మంగళసూత్రంతో పాటు వాళ్ల ప్రేమ గుర్తుగా ఉన్న ఉంగరం) తీయించేశారు కాబోలు డైరెక్టర్. అందుకే రిషికి అప్పుడు వీఆర్ రింగ్ కనిపించదు. కామెడీ కాకపోతే.. మంగళసూత్రం బయటే ఉన్నప్పుడు కూడా ఆ రింగ్ కనిపించకపోవడం ఏంటో? అవసరానికి మాత్రమే.. సీన్ పండటానికి మాత్రమే కనిపిస్తుంది కాబోలు. ఆ తాళి వేరెవరో కట్టిన తాళి అనుకుంటున్న రిషి.. కోపంగా వసుని తోసి.. తను దూరంగా జరిగిపోతాడు.

‘ఎందుకొచ్చావ్?’ అని కోపంగా తిడతాడు. ఎప్పటిలానే వసు చెప్పేది ఏం వినిపించుకోడు. దాంతో వసు.. మహేంద్రకు.. వాయిస్ మెసేజ్ చేస్తుంది. ‘మహేంద్ర సార్.. రిషి సార్ కాలేజ్ గెస్ట్ హౌస్‌లో ఉన్నారు.. పట్టించుకునే పనిలేదా?’ అంటూ మెసేజ్ చేస్తుంది. రిషి కోప్పడతాడు. ఇక్కడి నుంచి వెళ్లిపో అని అరిచేస్తాడు. దాంతో వసు బాధగా బయటికి వెళ్లిపోతుంది. ఇంతలో చక్రపాణి కాల్ చేసి.. మేము వచ్చేస్తాం అమ్మా.. నీకు దూరంగా ఇక ఉండలేం అంటాడు. సరే నాన్న ఏర్పాట్లు చేస్తాను... మీరు వచ్చేయండి అంటుంది. ఇక మహేంద్ర కుటుంబం.. రిషి గురించే ఆలోచిస్తూ ఉంటారు. మరి వసు పంపించిన మెసేజ్ మహేంద్ర ఎప్పుడు చూస్తాడో ఏమో.? మరిన్ని వివరాలు తరువాయి భాగంలో చూద్దాం! Guppedantha Manasu కొనసాగుతోంది. (photo courtesy by star మా and disney+ hotstar)