Ennenno Janmala Bandham మే 22: ‘బ్రహ్మముడి’తో ఒక్కటైన చిత్ర, వసంత్! అభి ఆగడాలకు అడ్డుకట్ట.. సూపర్ సీన్

Ennenno Janmala Bandham May 22 episode: ‘ఎన్నెన్నో జన్మల బంధం’లో చిత్ర జీవితాన్ని నాశనం చేయడానికి అభిమన్యు పెద్ద స్కెచ్చే వేశాడు. చిత్ర నగ్న వీడియోలు ఫోన్‌లో పెట్టుకుని.. ‘నేను చెప్పినట్లు చేయకపోతే.. వీటిని సోషల్ మీడియాలో పెట్టేస్తా అంటూ బెదిరిస్తున్నాడు. ‘అనుకున్నట్లే మనిద్దరికి పెళ్లి కావాలి.. పూజ కాగానే నా రూమ్‌కి రావాలి.. నా రూమ్ నంబర్ గుర్తుంది కదా..? ఆరు నా రూమ్ నంబర్. నువ్వు తప్పకుండా రావాలి. రాకపోతే వీడియోలు ప్రపంచం చూస్తుంది. ఆ తర్వాత పరువుపోయి వసంత్ చచ్చిపోతాడు. వస్తున్నావ్ కదా? మనం రూమ్‌లోనే పెళ్లి చేసుకోబోతున్నాం..’ అంటూ వార్నింగ్ ఇచ్చేస్తాడు. అయితే ఈ విషయం ఎవరికి చెప్పలేక.. అభి చెప్పనట్లు చేయలేక అల్లాడిపోతూ ఉంటుంది చిత్ర.

ఇక పెళ్లికి అతిథుల్లా వచ్చిన బ్రహ్మముడి కావ్య, రాజ్‌లే వేదా, యష్‌లకు చిత్ర విషయంలో జాగ్రత్తగా ఉండమని చెప్పడంతో కథ అడ్డం తిరిగి. అసలేం జరిగిందంటే.. కావ్య ఓ గదిలో ఖుషీ కోసం వెయిట్ చేస్తున్నప్పుడు ఓ పెళ్లి కార్డు కాళ్ల దగ్గరకు ఎగురుకుంటూ వస్తుంది. అది తీసి చూసిన కావ్య షాక్ అవుతుంది. పెళ్లి కూతురు పేరు దగ్గర మాళవిక పేరు కొట్టేసి చిత్ర అని ఉండటం చూసి.. అప్పుడే వచ్చిన వేదాకు చూపిస్తుంది. ‘అభిమన్యు అసలే మంచివాడు.. చిత్రని ఏమైనా ఇబ్బంది పెడుతున్నాడా? ఏదైనా సమస్య రాబోతుందా? ఆలోచించుకోవడం గమనించుకోవడం చాలా అవసరం’ అంటూ హింట్ ఇచ్చి.. ఖుషీ రావడంతో ఖుషీతో పాటు వెళ్లిపోతుంది కావ్య. ‘అవును ఇది అభి రూమ్.. అభి రూమ్‌లో ఇలాంటి పెళ్లి కార్డ్ దొరికింది అంటే.. ఏదో తేడాగా ఉంది.. గమనించాలి’ అని ఫిక్స్ అవుతుంది వేదా.

మరోవైపు పూజలు జరుగుతూ ఉంటాయి. అంతా సంతోషంగా ఉంటారు. ఇంతలో అభి.. ఎవరితోనూ ఫోన్ మాట్లాడుతూ.. ‘అంతా ప్లాన్ చేశాను. చిత్రకు నాకు పెళ్లి జరగడం పక్కా’ అని అంటూ ఉంటాడు. అది కాస్తా బ్రహ్మముడి రాజ్ చెవిన పడుతుంది. అనుమానంగా చూడటంతో అభి ఫోన్ ఆపేసి అక్కడి నుంచి వెళ్లిపోతాడు. మరోవైపు చిత్ర ఓ గదిలో ఉంటే అభి దగ్గరకు వెళ్లి.. ‘డార్లింగ్ రేపు మనం హనీమూన్‌కి కూడా వెళ్లబోతున్నాం.. మన మధ్య ఈ దూరం ఏంటీ?’ అంటూ చేయి పట్టుకుంటాడు. అది వసంత్ చూసేస్తాడు. వెంటనే అభి.. ‘తనకు కొత్త ప్రాజెక్ట్ వచ్చింది. ప్రమోషన్ కూడా వచ్చింది. అందుకే కంగ్రాట్స్ చెబుతున్నా’ అంటూ అబద్దం చెప్పి తప్పించుకుంటాడు.

కాసేపటికి రాజ్, యష్, వసంత్, చిత్రల ముందు అభి.. ‘నేను మా ఆఫీస్‌లో పని చేసే చిత్రని ఇంకా ఇంకా ముందుకు తీసుకుని వెళ్తాను.. ప్రమోషన్స్ కూడా ఇస్తాను.. ఓ పార్టనర్‌లా వెన్నంటే ఉంటాను’ అంటూ చిత్రకు మాత్రమే అర్థమయ్యేలా.. మాట్లాడుతూ ఉంటాడు. అయితే ఆ మాటలు రాజ్‌కి కూడా అర్థమవుతాయి. వెంటనే యష్‌ని పక్కు తీసుకుని వెళ్లిన రాజ్.. ‘నాకెందుకు చిత్ర చాలా టెన్షన్ పడుతున్నట్లు అనిపిస్తోంది. అభి మాటల్లో ఏదో తేడా కనిపిస్తోంది. గమనించుకుంటే మంచిది.. నేను ఓ అతిథిగా ఇదంతా చెప్పడం కరెక్ట్ కాదు కానీ.. ఏదైనా ప్రమాదం జరగుబోతుందని నాకు అనిపిస్తోంది. అందుకే చెబుతున్నా’ అంటాడు. దాంతో యష్ ఆలోచనలో పడుతాడు.

వేదా దగ్గరకు వెళ్లి రాజ్ అన్న మాటల్ని చెబుతాడు. దాంతో వేదా.. కావ్య చూసిన పెళ్లి కార్డ్ గురించి చెబుతుంది. దాంతో యష్ కోపంగా.. ‘అభిని నిలదీస్తాను.. వాడి అంతు చూస్తాను’ అని వెళ్లబోతుంటే.. వేదా ఆపుతుంది. ‘ఇప్పుడు రచ్చ చేసుకోవడం కంటే.. తెలివిగా అభి ఆలోచన ఏంటో గమనించి దెబ్బకొట్టడమే మంచిది. మీరు ఓ కన్ను వేసి ఉండండి’ అంటుంది. దాంతో ఇద్దరూ అభి మీద ఓ కన్ను వేసి ఉంచుతారు.

కమింగ్ అప్‌లో.. చిత్ర వసంత్‌ల పెళ్లి అంగరంగవైభవంగా జరిగిపోతుంది. అంటే మొత్తానికి రాజ్, కావ్యల దెబ్బకు అభికి యష్, వేదాలు చెక్ పెట్టేసినట్లే ఉన్నారు. అభి ఏమయ్యాడు.? మాళవికని పెళ్లి చేసుకున్నాడా లేదా? అనేది తెలియాల్సి ఉంది. Ennenno Janmala Bandham కొనసాగుతోంది. మిగిలిన వివరాలు తరువాయి భాగంలో చూద్దాం. (photo courtesy by star మా and disney+ hotstar)