Ennenno Janmala Bandham సెప్టెంబర్ 16: యష్‌కి ఐ లవ్యూ చెప్పిన మాలవిక.. వేద కళ్లముందే మొదటి భార్యతో జతకట్టి..

ఓ వైపు చైత్ర, వసంత్‌ల పెళ్లి చెయ్యాలని వేదా తాపత్రయపడుతోంది. ఓ వైపు వేద కుటుంబం.. చిత్రకు వేరే సంబంధం చూశామంటూ నమ్మిస్తూనే.. వసంత్‌ని మార్చే ప్రయత్నం చేస్తున్న సంగతి తెలిసిందే. మరోవైపు మాలవిక, యష్‌లు.. దామోదర్ చెల్లెలు కీర్తీతో వసంత్ పెళ్లికి నిశ్చితార్థం చేసేస్తున్నారు. అదే ఫంక్షన్‌కి మాలవిక, అభిలు వచ్చి.. ‘అసలు చిత్ర, వసంత్‌ల కథేంటీ? ఏం జరుగుతుంది? వంటివెన్నో చూడాలని.. మనకు ఏదైనా పాయింట్ దొరికితే యష్, వేదాలను విడగొట్టొచ్చని ప్లాన్ చేసుకుంటారు ముందే.

240వ ఎపిసోడ్‌ హైలైట్స్..
ఇక వేద.. యష్ కొనిచ్చిన చీరనే ఫంక్షన్‌లో కట్టుకుని వస్తుంది. వేదాని చూసి కన్ను ఆర్పని యష్.. మాత్రం వేదా అందంగా రెడీ అయ్యిందనే మాటని వేద ముందు ఒప్పుకోడు.‘ చీర బాగుంది. చీర వల్లే నీకు అందం వచ్చింది’ అంటూ మాట మార్చేస్తాడు. మరోవైపు ఖుషీ కూడా రెడీ అయ్యి కిందకు వచ్చి.. ‘అమ్మా నాన్న కిస్ కావాలి’ అంటుంది. తీరా ఇద్దరూ కిస్ చేసే సమయానికి వెనక్కి జరిగి.. ఇద్దరూ ముద్దుపెట్టుకునేలా చేస్తుంది. యష్, వేదాల ముఖాలు చాలా దగ్గరకు వచ్చి ఆగుతాయి. ఒకరిని ఒకరు చూసుకుంటారు. ఖుషి చేసిన పనికి.. పనికి ఇద్దరూ ఖుషీని పట్టుకుని కితకితలుపెట్టి ఆటపట్టిస్తారు. ఇక ‘మమ్మీ మనం కీర్తీ పిన్నీ వాళ్ల దగ్గరకు వెళ్దాం.. మెహిందీ చూద్దాం’ అనడంతో ఇద్దరూ అక్కడికి వెళ్తారు.

అక్కడ ఖుషీ.. యష్‌ని పిలిచి.. ‘డాడీ మమ్మీకి మెహిందీ పెట్టు.. నా పరువు పోతుంది’ అంటూ పట్టుబట్టి వేదకి మెహిందీ పెట్టిస్తుంది. అప్పుడు యష్, వేదాలు కాస్త రొమాంటిక్‌గా ఫీల్ అవుతారు. మరోవైపు మాలవిక, అభిలు వచ్చేసమయానికి... యష్ ఎవరితోనూ మాట్లాడుతూ మాట్లాడుతూ తిరిగి చూస్తాడు. వెంటనే ముఖం తిప్పేసుకుంటాడు. అభి అది గమనించి.. ‘నువ్వు వచ్చావని యష్‌కి ఎలా తెలిసింది.. తిరిగి ఎలా చూశాడు’ అనడంతో.. మాలవిక పొగరుగా చూస్తూ.. ‘అదే ప్రేమ.. మొదటి ప్రేమని ఎవ్వరూ అంత ఈజీగా మరిచిపోలేరు’ అంటుంది నవ్వుతూ. అభి కొట్టిపారేస్తాడు. ‘అభి కావాలంటే నిరూపిస్తాను.. మూడు అంకెలు కౌంట్ చేసేలోపు యష్.. మళ్లీ నన్ను తిరిగి చూస్తాడు కావాలంటే ట్రై చెయ్ అంటుంది. నిజంగానే అభి మూడు కౌంట్ చేసేలోపు తిరిగి చూస్తాడు యష్. దాంతో మాలవిక పొంగిపోతుంది.

మరోవైపు.. ‘కీర్తీని చేసుకోబోయే వసంత్ అనాథ అని.. గ్రేట్ బిజినెస్ మెన్ దామోదర్ తన చెల్లెలికి ఇలాంటి అనాథను ఇచ్చి పెళ్లి చేయడం ఏంటో’ అంటూ పెళ్లికూతురు తరపు వాళ్లు మాట్లాడుకుంటూ ఉంటే.. ఆ మాటలు వేద చెవిన పడతాయి. కమింగ్ అప్‌లో.. యష్ స్టేజ్ మీద మైక్ తీసుకుని మాట్లాడుతూ ఉంటే.. ఖుషి, వేదాలు వింటూ ఉంటారు. ‘నా జీవితంలో ముఖ్యమైన వ్యక్తి..’ అని ఆగడంతో.. ‘మమ్మీ వెళ్లు’ అని ఖుషి.. వేదని పంపిస్తుంది. వేద స్టేజ్ దగ్గరకు వెళ్లేలోపు.. యష్.. ‘మాలవిక’ అని అనౌన్స్ చేస్తాడు. మాలవిక వస్తుంది. యష్‌కి వేద కళ్లముందే చేయి అందిస్తుంది. ఆ చేతిని యష్ అందుకుంటాడు. అప్పుడే మాలవిక మెలికలు తిరుగుతూ.. ‘కంగ్రాట్యులేషన్స్.. ఐ లవ్యూ’ అంటూ రొమాంటిక్‌గా యష్ భుజంపై వరుగుతుంది. ఆ సీన్ వేద గుండెల్ని ముక్కలు చేస్తుంది. అలా ఎందుకు జరిగింది? మాలవిక చేతిని యష్ ఎందుకు అందుకున్నాడు? మాలవిక పరువు తీయడానికే మొదటిగా అలా చేశాడా? తెలియాల్సి ఉంది. మరిన్ని వివరాలు తరువాయి భాగంలో చూద్దాం! Ennenno Janmala Bandham కొనసాగుతోంది.