Ennenno Janmala Bandham జనవరి 09: ఊహించని విషాదం.. వేదా తాతయ్యకి గుండె నొప్పి! కుమిలికుమిలి ఏడ్చిన రాణీ

Ennenno Janmala Bandham today: వేదా, యష్‌లు.. వేదా వాళ్ల తాతయ్య, అమ్మమ్మల ఇంటికి వచ్చిన తర్వాత నుంచి.. కథనం ఉత్కంఠగా మారింది. ఓ వైపు వేదా వాళ్లింటికి వచ్చేముందు.. ‘మా అమ్మమ్మతాతయ్యల సంతోషం కోసం మనం చాలా ప్రేమగా అన్యూన్యంగా ఉన్నామనుకునేలా మనం నటించాలి’ అని యష్ దగ్గర మాట తీసుకుంటుంది. కానీ.. రోజులు గడిచే కొద్ది.. వేదా యష్‌ని నిజంగానే ప్రేమిస్తుంది. అంటే అప్పటి దాకా ఉన్న అభిమానం ప్రేమ అని గుర్తిస్తుంది. ఆ ప్రేమని తెలియజేసి.. తన భర్తను సొంతం చేసుకోవాలని.. భార్య స్థానంలో పరిపూర్ణత సాధించాలని తపిస్తుంది. అదే మాటల్ని లేఖలో రాసి.. యష్ చదివేలా ప్రయత్నాలు చేస్తుంది. అయితే వేదా.. లేఖలో ఐలవ్యూ అని కూడా రాస్తుంది. కానీ యష్ దాన్ని పూర్తిగా చదవకుండా వేదాతో మాట్లాడతాడు.

అప్పుడే ‘మీ అమ్మమ్మా తాతయ్యల ముందు బాగా నటించాను కదా.. బాగా కవర్ చేశాను కదా..’ అంటూ వేదాకి షాకిస్తాడు. అలాగే ఆ మాటలు వేదా వాళ్ల తాతయ్య, అమ్మమ్మలు వినేస్తారు. అంటే ఇంతకాలం నాటకం ఆడారా అని తెలుసుకుంటారు. ఇక ఇప్పుడు నేటి కథనంలోని హైలైట్స్ చూద్దాం.

320 ఎపిసోడ్‌ హైలైట్స్..
వేదా చాలా ఏడుస్తుంది. ఆ లేఖని ఇక పూర్తిగా యష్ చదవకూడదని భావించిన వేదా.. దాన్ని తీసుకుని దూరంగా వెళ్లి చించేస్తుంది. ‘ఇందులో యశోధర్ తప్పేం లేదు.. నేనే ఎక్కువగా ఊహించుకున్నాను.. ఎక్కువగా ఆశపడ్డాను.. నాకు ఖుషీ ప్రేమ దక్కింది.. అది చాలు.. మిగిలినవన్నీ అత్యాశలే అవుతాయి’ అంటూ అల్లాడిపోతుంది. కళ్లు తుడుచుకుని తనకు తానే ధైర్యం చెప్పుకుంటుంది.

అయితే వేదా ప్రేమని యష్ కూడా కోరుకుంటున్నాడన్న విషయం వేదాకు తెలియదు. మరోవైపు.. రాజా, రాణీ(వేదా అమ్మమ్మాతాతయ్యలు) నిజం తెలుసుకుని తెగ బాధపడతారు. ‘అసలు ఇదేంటి. ఇంతకాలం వీళ్లు బాగానే ఉన్నారు అనుకున్నాం’ అని అనుకుంటూనే.. యశోధర్ చివరిగా అన్న మాటలు గుర్తు చేసుకుంటారు. ‘వేదా నువ్వు నటించమని అడిగినందుకే ఇదంతా చేశాను.. నీకోసం నేను ఏం చెయడానికైనా సిద్ధమే’ అన్న యష్ మాటలు గుర్తు చేసుకుంటూ.. ‘ఆ మాటల్లోనే యష్‌కి వేదా అంటే ఎంత ఇష్టమో తెలిసిపోతుంది. అదే వాళ్లని కలుపుతుంది’ అంటూ రాజా తన భార్యకు ధైర్యం చెబుతాడు.

ఇక నిద్రపోయిన వేదాకు నిద్రపట్టదు. యష్ వచ్చి ఎందుకు పడుకోలేదు అంటే ఖుషీ గుర్తొచ్చింది ఉదయాన్నే కాల్ చేస్తాను అంటుంది. సరే అని గుడ్ నైట్ చెప్పి నిద్రపోతాడు యష్. ఇక సరిగ్గా అప్పుడే ఖుషీ నిద్రలోంచి ఉలిక్కి పడి లేచి.. అమ్మ పిలిచినట్లు అనిపించింది.. అంటుంది తన నాన్నమ్మ మాలనీతో. ‘రేపు ఉదయాన్నే కాల్ చేసి మాట్లాడుదువుగానీ.. పడుకో’ అని ధైర్యం చెబుతుంది మాలనీ. ఇక మనసులో.. వేదా చాలా మంచిది.. తను ఈ ఇంటి కోడలు కావడం అందరి అదృష్టం అని అనుకుంటుంది.

మరోవైపు మరునాడు ఉదయాన్నే రాజా.. వేదా జీవితం గురించి చాలా దిగులు పడతాడు. భార్యతో వేదా జీవితం గురించి తన మనసు గురించి చెప్పి ఏడుస్తాడు. ‘వేదా బంగారు తల్లే.. అప్పట్లో ఓ అబ్బాయిని ఇష్టపడి పెళ్లి చేసుకోవాలని ఆశపడింది. ఆ సంబంధం తప్పిపోయింది. ఇప్పుడు యష్‌తో జీవితాన్ని కోరుకుంటున్న వేదాకి అది దక్కడం లేదు.. మనమే ఏదొకటి చెప్పాలి? ఏం చెయ్యాలో తెలియట్లేదు’ అంటూ కుమిలి కుమిలి ఏడుస్తూ గుండె నొప్పి తెచ్చేసుకుంటాడు. అది చూసి అమ్మా వేదా మీ తాతయ్యా అంటూ అరుస్తూ రాణీ చాలా ఏడుస్తుంది. యష్, వేదా పరుగున వస్తారు. రాజాని మంచం మీద పడుకోబెట్టి.. డాక్టర్‌కి కాల్ చేస్తారు.

కమింగ్ అప్‌లో.. దాంపత్య వ్రతం వేదా, యష్‌లతో కలిపి చేయిస్తూ ఉంటారు రాజా, రాణీలు. అంటే రాజాకిి బాగానే ఉందని అర్థమైంది. మరి గుండె నొప్పి అనేది.. నిజంగానే వచ్చిందా? వాళ్లు చెయ్యాల్సిన దాంపత్య వ్రతం వేదా, యష్‌లతో చేయించడానికి.. రాజా నాటకం ఆడాడా? అనేది తెలియాల్సి ఉంది. మరిన్ని వివరాలు తరువాయి భాగంలో చూద్దాం! Ennenno Janmala Bandham కొనసాగుతోంది. (photo courtesy by star మా and disney+ hotstar)