Ennenno Janmala Bandham మే 3: మళ్లీ గెలుపు మాళవికదే.. యష్, వేదాల మధ్య చీలిక

Ennenno Janmala Bandham May 3 episode: మాళవిక రచ్చ చెయ్యాలని.. వేదా యష్‌ల మధ్య దూరం పెంచాలని ప్లాన్ చేసుకుని.. వ్రతానికి వచ్చింది. పూజ సజావుగా సాగుతుంటే రగిలిపోతుంది. ఇక ముత్తైదువులకి.. తాంబూలం ఇచ్చి ఆశీర్వాదం తీసుకుంటుంది వేదా. చివరిగా యష్ కూడా ప్రేమగా వేదని ఆశీర్వదిస్తాడు. చాలా సంబరపడిపోతూ ఉంటారు ఇంట్లో అంతా. మాళవిక తప్ప అంతా హ్యాపీగా ఉంటారు. అప్పుడే వేదా.. ‘నాకు గిఫ్ట్ ఎక్కడా?’ అంటుంది కొంటెగా చూస్తూ. ‘ప్రేమ ఉండి ఏడిస్తే కదా.. నీకు గిప్ట్ తెచ్చేది? యష్ మనసులో ఇంకా నేనే ఉన్నాను’ అని పొగరుగా అనుకుంటుంది మాళవిక మనసులో.

అయితే యష్ లోపలికి వెళ్లి నక్లెస్ తెచ్చి వేద చేతిలో పెడతాడు ప్రేమగా. యష్ వేదా మెడలో వెయ్యాల్సిందే అంటూ ఇంట్లో అంతా పట్టుబట్టడంతో యష్ వేదాకి మెడలో ఆ నక్లెస్‌ని వేస్తాడు. వేసేటప్పుడు.. ‘నా జీవితంలో మొదటి సంతోషం వేదా మెడలో తాళి కట్టడం అయితే.. రెండవది తులాబారం రోజున వేద కళ్లల్లో నా మీదున్న ప్రేమని చూసినప్పుడు కలిగింది. ఇక మూడవది ఇదే.. అంటూ వేదా మెడలో నక్లెస్ వేస్తాడు సంబరంగా. అది చూసి మాళవిక రగిలిపోతుంది.

ఇక సీన్ కట్ చేస్తే.. ఖుషీ తన స్నేహితుల కాళ్లకు పసుపు రాసి.. ‘ఈ రోజు మంచి రోజు కాళ్లకు పసుపు రాసుకోవాలని అమ్మ చెప్పింది’ అంటూ నవ్వుతుంది. పసుపు అయిపోయింది తెస్తాను అంటూ పరుగుతీస్తుంది. ఎదురుగా మాళవిక ఫోన్ పట్టుకుని వస్తుంటే.. ఖుషీ పసుపు చేయి మాళవిక చీరకు తగిలి చీర మొత్తం పాడవుతుంది. రగిలిపోయిన మాళవిక.. కళ్లు కనిపించడం లేదా? అంటూ కొట్టబోతుంది. వెంటనే వేదా అడ్డు పడుతుంది. ‘నా కూతుర్ని కొడుతావా?’ అంటూ తిట్టేస్తుంది. ‘ఖుషీ నా కూతురు’ అంటుంది మాళవిక పొగరుగా.

‘నువ్వు ఖుషీ జీవితం మీదే కొట్టావ్.. ఖుషీ చీర పాడు చేసింది. అప్పుడు ఇద్దరిలో ఎవరిని కొట్టాలి?’ అంటూ అరుస్తాడు యష్. మొత్తానికీ మాళవికని నోరుమూయించి తిట్టి పంపేస్తారు అంతా. ఇక ఆ తర్వాత వేదా ఖుషీని దగ్గరకు తీసుకుని ధైర్యం చెబుతుంది. బయపడొద్దు అని ఓదారుస్తుంది.

కమింగ్ అప్‌లో..
యష్ వేదా కోసం రెడ్ కలర్ డ్రెస్ సెలెక్ట్ చేస్తాడు. అక్కడికి వచ్చిన మాళవిక.. ‘నా కోసం ఈ డ్రెస్ తీసుకున్నందుకు చాలా థాంక్స్..’ అంటుంది మాళవిక కొంటెగా యష్ వైపు చూస్తూ. ‘ఇది వేదా కోసం..’ అంటాడు యష్. ‘ఫ్యాషన్, స్టైల్ తెలియని నీ వేదా.. ఇది కట్టుకుంటుందా?’ అంటూ ఎగతాళి చేస్తుంది మాళవిక. ‘షెట్ అప్...’ అని అరుస్తాడు యష్. మరి మాళవిక ఏం రెచ్చగొట్టిందో? యష్ మాళవికతో ఏం చాలెంజ్ చేసి వచ్చాడో తెలియదు కానీ.. వేదాకి తను కొన్న డ్రెస్ ఇచ్చి.. ‘నువ్వు మాత్రం నాకు నచ్చిన ఈ డ్రెస్ వేసుకుని పార్టీకి రావాలి..’ అని కండీషన్ పెడతాడు. ‘నేనిప్పుడు ఈ డ్రెస్ వేసుకుని వెళ్లాలా?’ అని బిక్కముఖం వేస్తుంది వేద.

ఇక పార్టీ మొదలవుతుంది. ‘అందరూ వచ్చారు.. కానీ వదిన ఇంకా రాలేదు..’ అని యష్‌తో వసంత్ అంటుంటే.. ‘నేను తీసుకొచ్చిన డ్రెస్ వేసుకుని వేదా ఎంత బ్యూటీఫుల్‌గా వస్తుందో చూడాలి..’ అని మురిసిపోతూ మనసులో అనుకుంటాడు యష్. అప్పుడే వేదా చీర కట్టుకుని ఎంట్రీ ఇస్తుంది. యష్ షాక్ అయిపోతాడు. రగిలిపోతూ వేదా దగ్గరకు నడుస్తాడు. మాళవిక రెడ్ కలర్ స్టైలిష్ డ్రెస్ వేసుకుని అదే పార్టీకి వస్తుంది. చూడాలి మరి ఏం జరగుతుందో. Ennenno Janmala Bandham కొనసాగుతోంది. మిగిలిన వివరాలు తరువాయి భాగంలో చూద్దాం. (photo courtesy by star మా and disney+ hotstar)

Read Also: ‘నాగ పంచమి’ మే 03 ఎపిసోడ్: పంచమి అంటే ఇష్ఠం లేదని చెప్పిన మోక్ష.. నంబూద్రి చేతుల మీదుగా పెళ్లి