Ennenno Janmala Bandham : వేదని రాత్రంతా తన దగ్గరే ఉంచుకున్న విన్నీ.. అల్లాడిన యష్..

Ennenno Janmala Bandham Today: ‘ఎన్నెన్నో జన్మల బంధం’ సీరియల్ ఆసక్తికరంగా సాగుతోంది. గుడిలో జరిగింది అంతా గుర్తు చేసుకుంటూ విన్నీ రగిలిపోతూ ఉంటే.. వేదా విన్నీ ఇంటికి వస్తుంది. ‘ఏంటి వేదూ ఇలా వచ్చావ్?’ అంటూ నవ్వుతూ పలకరిస్తాడు. ‘ఏం లేదు విన్నీ నీకు థ్యాంక్స్ చెప్పాలని వచ్చాను.. నువ్వు అమ్మా చెప్పడం వల్లే నాకు ఆయన మీద ఇంత ప్రేమ దాగి ఉందని నాకు తెలిసింది. నా ప్రేమ ఆయనకి కూడా అర్థమైంది. మీ వల్లే ఇదంతా జరిగింది విన్నీ థాంక్యూ’ అంటూ చాలా పొంగిపోతూ మాట్లాడుతుంది. విన్నీ రగిలిపోతాడు.

విన్నీ.. ఇది మా మొదటి పెళ్లి రోజు.. దీనికి నేను ఆయనకి మరిచిపోలేని బహుమతి ఇస్తాను.. ఆయన ముందు మోకాళ్లపై కూర్చుని.. అందరిముందు ఐ లవ్యూ చెప్పాలని ఉంది.. నీలాంటి సపోర్ట్ చేసే ఫ్రెండ్ దొరకడం నా అదృష్టం తెలుసా.. ఐ లైక్యూ’ అంటూ వేదా బై చెప్పి.. యష్‌కి గిఫ్ట్ కొనడానికి వెళ్తుంది. వేదా అలా వెళ్లగానే..విన్నీ రగిలిపోతాడు. ‘ఐ లవ్యూనా.. ఐ లవ్యూ చెప్పించుకుని.. అమెరికా ఎత్తుకుని పోతాను త్వరలో’అనుకుంటాడు.

ఇక రాత్రి అయ్యేసరికి.. వేదా గిఫ్ట్ సిద్ధం చేసుకుని.. అంతా సెట్ చేసుకుంటూ ఉండగా విన్నీ నుంచి కాల్ వస్తుంది. వేదూ వేదూ.. నొప్పి.. కడుపు నొప్పి.. చాలా కష్టంగా ఉంది నాకు.. నువ్వు త్వరగా రా తట్టుకోలేకపోతున్నా.. అంటూ వేదా ఫొటోస్ ముందే నిలబడి.. కావాలని మాట్లాడుతూ ఉంటాడు. నిజమే అనుకున్న వేదా కంగారుగా ఇంట్లోంచి విన్నీ ఇంటికి బయలుదేరుతుంది. ‘ఏమండీ విన్నీకి బాలేదట.. నేను వెళ్తున్నా.. ఖుషీ ఒక్కర్తే ఉంది కదా.. మీరు ఉండండి.. నేను వచ్చేస్తాను’ అని వెళ్తుంది వేదా. ఇక వేదా రావడం కోసమే చూస్తున్న విన్నీ.. కావాలనే నాటకం స్టార్ట్ చేస్తాడు. వేదూ తట్టుకోలేకపోతున్నా.. నొప్పి అంటూ మెలికలు తిరిగిపోతాడు. ఇంజెక్షన్ చేసినా తగ్గలేదని నటిస్తూనే ఉంటాడు. ‘వేదూ నువ్వు నాతో ఉండు.. ప్లీజ్ నాకు చాలా భయంగా ఉంది’ అంటాడు విన్నీ మెలికలు తిరుగుతూ.

విన్నీ కష్టాన్ని చూడలేక వేద సరే అంటుంది. కంగారు పడొద్దు అంటుంది. ఇక యష్.. ఇంట్లో వేదా గురించే ఆలోచిస్తూ.. వేదా కోసం రూమ్ అంతా అందంగా రెడీ చేసేస్తాడు. వేదా కోసం బొకే పట్టుకుని చాలా సేపు వెయిట్ చేస్తాడు. వేదా ఎంతకూ రాకపోయేసరికి.. యష్ అదే సోఫాలో బొకే పట్టుకుని నిద్రలోకి జారకుంటాడు. విన్ని మాత్రం వేదని రాత్రంతా తనతో ఉంచుకుంటున్నందుకు.. భార్యభర్తల మధ్య దూరం వస్తున్నందుకు సంబరపడిపోతాడు. తరువాయి భాగంలో మరిన్ని వివరాలు చూద్దాం! Ennenno Janmala Bandham కొనసాగుతోంది. (photo courtesy by star మా and disney+ hotstar)