Ennenno Janmala Bandham ‘బేబీ.. పూజ కాగానే నా రూమ్‌కి వచ్చేయ్‌..’ చిత్రకు ప్లాన్‌ చెప్పిన అభి.. కావ్య, రాజ్‌ల ఎంట్రీ సూపర్‌.

పెళ్లి బాసికం కట్టేసుకుని ఇటు చిత్ర, వసంత్‌.. అటు అభి, మాళవిక పెళ్లికి రెడీ అయిపోయారు. ఈ క్రమంలోనే చిత్రకు అబి కాల్‌ చేస్తాడు. వేదా గదిలో ఉన్న చిత్ర.. అభి ఫోన్‌ లిఫ్ట్‌ చేయగానే.. బయటికి వచ్చి మాట్లాడు అంటాడు అభి. దాంతో చిత్రం పాపం బయటికి వెళ్లి మాట్లాడుతుంది. ‘చెప్పింది ఏం చేశావ్‌‘ అంటాడు అభి. ఏ విషయం అంటుంది చిత్ర బయపడుతూనే.

‘ నీకు తెలుసు కదా.. నీ వీడియోలన్నీ సోషల్‌ మీడియాలో పెట్టేస్తాను జాగ్రత్తగా విను.. నేను ఉండేది రూమ్‌ నంబర్‌ 6లో.. కరెక్ట్‌గా పూజ అయిపోయాక.. బట్టలు పెట్టి ఎవరి రూమ్‌లోకి వాళ్లని పంపిస్తారు.. అప్పుడు నేను నీకు ఫోన్‌ చేస్తాను.. నువ్వు వెంటనే బయలుదేరి.. రూమ్‌ నంబర్‌ 6కి వచ్చేసెయ్‌..హా అక్కడే నీ మెడలో నేను తాళి కడతాను.. పంతులు మంత్రాలు ఉండవని టెన్షన్‌ పడుతున్నావేమో.. ఫోన్లో మంత్రాలు డౌన్ లోడ్ చేశాను.. అవి పెడాను..అలా మన పెళ్లి అయిపోయాక.. మనం అందరి ముందుకు రాబోతున్నాం.. ఏంటి ఓకేనా? ఏంటి బేబీ.. నోరు పెగలడం లేదూ? వస్తున్నావా లేదా? నిన్నే.. చూస్తుంటే నీకు భయం పోయినట్లు ఉంది బంగారం.. నువ్వు రాలేదు అనుకో..’ అంటూ మాట్లాడుతూనే ఉంటాడు.

‘వద్దు వద్దు నేను వస్తాను.. నేను వస్తాను..’ అంటుంది చిత్ర ఏడుస్తూ. ‘గుడ్‌... వస్తాను అని నా దగ్గర ఎలాంటి ట్రిక్స్‌ ప్లే చేసినా ఆ వసంత్‌ గాడు వెళ్లే రైలు కింద పడతాడు.. ఇప్పుడు నువ్వు నన్ను పెళ్లి చేసుకోవడం తప్ప వేరే ఆప్షనే లేదు.. గుర్తు పెట్టుకో.. రూమ్‌ నంబర్‌ 6.. పూజ తర్వాత కలుస్తున్నాం.. బై బేబీ..’ అని పెట్టేస్తాడు. పాపం చిత్ర ఏడుస్తూనే ఉంటుంది. తన అక్క వేదా.. చిత్ర ఏడవటం చూసి.. ఏం జరిగింది అని అడిగితే.. ‘ఏం లేదు అక్కా.. మా ఫ్రెండ్‌ ప్రియ పెళ్లి రాలేకపోతున్నా అనేసరికి.. ఏడుపొచ్చింది అంటూ కవర్‌ చేసుకుంటుంది తప్ప నిజం చెప్పదు.

ఇక ఏర్పట్లు జరుగుతూ ఉంటాయి. మాళవిక గదిలోకి అభి వస్తే.. ప్రేమగా హత్తుకుని.. థాంక్యూ అభి నా ఆశని నెరవేస్తున్నావ్‌ అంటూ మురిసిపోతుంది. ‘ఇదే మన లాస్ట్‌ హగ్‌ మాళవికా’ అనేస్తాడు. షాక్‌ అయిపోతుంది మాళవిక. ఏంటి అభి అలా అంటున్నావ్‌ అంటుంది. అదే మాళవిక లవర్స్‌లా ఇదే లాస్ట్‌ హగ్‌ కదా అని కవర్‌ చేసుకుంటాడు అభి.

ఇక మరోవైపు ఆదిత్య(యష్‌ కొడుకు) మారిపోయాడు. మంచి వాడిలా మారాడు కాబట్టి.. తల్లికి హ్యాపీ మ్యారీడ్‌ లైఫ్‌ అమ్మా అని రాసి తీసుకొచ్చి ముద్దులు పెడతాడు. మరోవైపు వేదా, యష్, ఖుషీ రెడీ అయ్యి.. పెళ్లి మండపం బయట వెయిట్‌ చేస్తూ ఉంటారు,. ఒక కారు వచ్చి ఆగుతుంది. అందులోంచి కావ్య, రాజ్‌ దిగుతారు. ఇక ఎప్పటిలానే, బ్రహ్మముడిలో ఉన్నట్లే.. ఇద్దరూ ఒకరు అవును అంటే మరొకరు కాదు అని వాదులాటలతోనే కొట్టుకుంటూ ఉంటారు. వేదా, యష్‌లు వాళ్లని కూల్‌ చేస్తూ ఉంటారు. రండి లోపలికి అని పిలుచుకుని వెళ్తుంటే.. ఖుషీ.. కావ్యని, రాజ్‌ని బయటే ఆపేసి.. ఒకరి పేరు ఒకరు చెప్పుకుని వస్తేనే రండి.. లేదంటే లేదు అంటూ ఆటపట్టిస్తుంది. చూడాలి మరి ఇద్దరి మధ్య గొడవలు తగ్గడానికి వేదా, యష్‌లు ఎలాంటి ప్రయత్నాలు చేస్తారు.. కావ్య, రాజ్‌లు చిత్ర జీవితాన్ని ఎలా చక్కబెడతారు? అనేది ఆసక్తిగా మారింది. Ennenno Janmala Bandham కొనసాగుతోంది. మిగిలిన వివరాలు తరువాయి భాగంలో చూద్దాం. (photo courtesy by star మా and disney+ hotstar)