Ennenno Janmala Bandham సెప్టెంబర్ 27 ఎపిసోడ్: వేదా, యష్‌ల శపథాలు.. మాలనీ ఫ్యామిలీకి సూపర్ జలక్

చిత్ర, వసంత్‌ల పెళ్లి, ప్రేమల చుట్టే కథ నడుస్తోంది. ఈ క్రమంలోనే నిన్నటి ఎపిసోడ్‌లో.. ఖుషీ కారణంగా.. చిత్రది ఉత్తుత్తి నిశ్చితార్థం అనే విషయం.. యష్ వాళ్లకి తెలిసిపోయింది. దెబ్బకు దెబ్బ కొడదాం అంటూ.. యష్, మాలనీలు ఫిక్స్ అవుతారు. ఆ తర్వాత ఏం జరిగిందో ఇప్పుడు చూద్దాం.

246వ ఎపిసోడ్‌ హైలైట్స్..
చిత్ర ఉత్తుత్తి పెళ్లి గురించి వేదా, సులోచన, చిత్ర, వేదా అక్కా, బావ, వైభవ్.. అంతా చర్చించుకుంటూ ఉండగా ఎంట్రీ ఇస్తుంది మాలనీ. ‘అమ్మో వినేసిందా ఏంటీ?’ అనుకుంటూ ఉండగా.. ‘ఉత్తుత్తి నిశ్చితార్థం అంటే ఏంటీ వదినగారు’ అంటుంది మాలనీ వెటకారంగా. ‘అబ్బే అది అంతా ఉత్తుత్తినే.. ఊరికే అలా అనుకుంటున్నాం అంతే..’ అంటూ మాట మార్చేప్రయత్నం చేస్తుంటే.. యష్ ఎంట్రీ ఇస్తాడు. ‘అత్తయ్యగారు నిశ్చితార్థం పనులు ఎంత వరకూ వచ్చాయి’ అంటాడు.

‘అవుతున్నాయి బాబు’అంటుంది సులోచన. మరి వేద.. మండపం బుక్ చేశారా లేదా?’ అంటే.. బిత్తరముఖం వేస్తుంది వేద. ‘అది.. అక్కా.. అక్కా చేస్తా అంది..’ అంటూ కవర్ చేసే ప్రయత్నం చేస్తే.. నాకు తెలియదు.. బావగారు అని తప్పించుకుంటుంది వేద అక్క. అలా అంతా తప్పించుకుని మళ్లీ వేద మీదకే తోస్తారు. దాంతో బుక్ చేశాను.. మరిచిపోయాను అంటుంది. ‘అవునా.. అదేంటి మరి.. ఈవెంట్ మేనేజర్.. బుక్ చేయలేదు అంటున్నాడు? అనడంతో.. ‘అదా... వీఐపీ బుకింగ్ ఉంటే మాది క్యాన్సిల్ చేశారేమో’ అంటూ కవర్ చేస్తుంది. మీరేం మండపం గురించి ఆలోచించొద్దు.. ఈరోజు సాయంత్రం ఏడున్నర తర్వాత వసంత్ నిశ్చితార్థం కాబట్టి.. దాని కంటే ముందు ఐదున్నరకు మంచి ముహూర్తం ఉందట.. దానికి చిత్ర, వైభవల నిశ్చితార్థం చేసేయండి’ అంటూ సలహా ఇచ్చి ఇరికిస్తాడు.

‘హా..అ.. అది..’ అంటూ బిత్తర ముఖాలు వేస్తుంది అగ్రహారం వేదశ్వనీ బ్యాచ్. దాంతో వేదా.. కూల్‌గా పంతులు లేరు దొరకలేదు.. పెళ్లిళ్ల సీజన్ కదా అంటుంది. ‘అయ్యోదానికేముంది. మీ శాస్త్రాలన్నీ తెలిసి పంతులు బయటే ఉన్నాడు’ అంటూ పంతులుగారు అని పిలుస్తాడు. షాక్ అవుతారు వేదా అండ్ కో బ్యాచ్. అది..హా.. స..రే.. అంటూనే.. ‘ఐదున్న ముహూర్తం మంచిది కాదేమో’ అంటారు. అది దివ్యమైన ముహూర్తం.. అంటాడు పంతులు. తప్పించకోలేకపోతారు వేదా కుటుంబం. అప్పుడే పంతులు.. ముహూర్తానికి నేను మాత్రం రాలేను చాలా బిజీ అంటాడు. దాంతో యష్ అతడ్ని పక్కకు తీసుకుని వెళ్లి.. సంభావన ఎక్కువ ఇస్తానంటూ ఒప్పించేస్తాడు. ఇక పంతులు సరే మీరు రెడీగా ఉండండి అని చెప్పి వెళ్లిపోతాడు. మాలనీ.. ‘ఆగదూ ఆగదూ’ అంటూ పాట అందుకుంటుంది.

ఇక యష్, మాలనీలు బయలుదేరతారు. వెంటనే యష్ వెనక్కి వచ్చి.. ‘హలో మిసెస్ వేదా.. కొంచెం ఇలా వస్తారా?’ అని పిలుస్తాడు. వేదా దగ్గరకు వెళ్తుంది. వెంటనే యష్.. ‘పండితారాద్యుల వేదశ్వినీగారు.. ముందు ఐదుగంటలకు మీ చెల్లి చిత్ర నిశ్చితార్థం.. తర్వాత ఏడుగంటలకు మా తమ్ముడు వసంత్ నిశ్చితార్థం.. ఒకటి తర్వాత ఒకటి రెండూ తమరి చేతుల మీదుగానే జరిపించాలి.. జరిపిస్తారు.. ఉత్తుత్తి నిశ్చితార్థం ప్లాన్ చేసి.. మమ్మల్ని బోల్తా కొట్టిద్దాం అనుకున్నావా..? ఏవరు అనుకున్నావ్ బెస్ట్ సీఈవో ఇక్కడ..’ అంటూ వెళ్లబోతాడు. ‘అప్పుడే అయిపోలేదు శ్రీవారు.. సినిమా ఇంకా చాలా ఉంది..’ అంటుంది నమ్మకంగా వేద. ‘హో చూద్దాం అయితే మిస్సెస్ న్యూసెన్స్..’ అంటాడు యష్. చూసుకుందాం మిస్టర్ యారిగెంట్ అంటుంది వేద.

సీన్ కట్ చేస్తే నిశ్చితార్థానికి ఇటు చిత్రా వాళ్ల ఫ్యామిలీతో పాటు.. అటు వసంత్ ఫ్యామిలీ, దామోదర్ ఫ్యామిలీ వస్తారు. తీరా అంతా పంతులు కోసం వెతుకుతుంటే.. వేదా పంతుల్ని తీసుకొస్తుంది. ‘రండి పంతులు గారు.. మీకోసమే వెయిటింగ్ అంటూ దగ్గరుండి తీసుకుని రావడమే యష్‌కి అనుమానం వస్తుంది. అతడి అనుమానం నిజమే.. పంతులుకి ఏదో చెప్పి మార్చేసింది వేద.

వెంటనే పంతులు అందరితో.. ‘నా వల్ల పెద్ద పొరబాటు జరిగేది. జాతకాలు చూడకుండా.. చెప్పేశాను.. నిజానికి ముందు వసంత్ వాళ్ల నిశ్చితార్థం ఐదుగంటలకు జరిగిపోవాలి. తర్వాత ఏడుగంటలకు చిత్రగారి నిశ్చితార్థం జరగాల్సి ఉంటుంది.’ అంటాడు. బిత్తరపోతాడు యష్. అదెలా అన్నీ చూసే పెట్టారుగా అంటుంది మాలనీ. ‘అదే పొరబాటు అయ్యిందమ్మా.. జాతకాలు మారినట్లు ఉన్నాయి’అంటూ కవర్ చేస్తాడు పంతులు. కమింగ్ అప్ రిపీట్ అయ్యింది. మొత్తానికీ వేదా ప్లాన్ చేసినట్లే నిశ్చితార్థం కమింగ్ అప్‌లో నడుస్తూ ఉంటుంది. వసంత్.. పెళ్లి కూతురికి ఉంగరం తొడగకుండా పైకి లేచి.. ఇది నా వల్ల కాదు అంటాడు. యష్ షాక్ అవుతాడు. మరిన్ని వివరాలు తరువాయి భాగంలో చూద్దాం! Ennenno Janmala Bandham కొనసాగుతోంది.
latest photos: కార్తీకదీపం ‘జ్వాల’ సెగలు పుట్టిస్తోందిగా.. లేటెస్ట్ ఫొటోస్ వైరల్