Ennenno Janmala Bandham ఫిబ్రవరి 22: చిత్రని ఒప్పించి కారెక్కించుకున్న అభి! విలన్‌గా మారిపోయిన విన్నీ..

Ennenno Janmala Bandham Today: ‘ఎన్నెన్నో జన్మల బంధం’ సీరియల్ ఆసక్తికరంగా సాగుతోంది. వేదా పడిపోవడం.. ఆసుపత్రిలో జాయిన్ చేయడం అంతా తెలిసిందే. అయితే డాక్టర్స్, నర్స్‌లు సరిగా స్పందించకపోయేసరికి రగిలిపోతాడు యష్. అందరి మీద అరుస్తాడు. వాళ్లందరికీ సారీ చెప్పిన విన్నీ.. వేదా పరిస్థితి గురించి అడుగుతాడు. ‘రిపోర్ట్ రావాలి.. తెయాలి’ అంటుంది డాక్టర్. ఇక మరోవైపు విషయం ఆఫీస్‌లో ఉన్న చిత్రకు తెలియడంతో.. ఇంటికి పరుగుతీస్తుంది. రాత్రి అయిపోవడంతో.. క్యాబ్ కోసం వెయిట్ చేస్తూ ఉంటుంది. ఇంతలో అభి.. మాళవికను తీసుకుని వెళ్తూ వెళ్తూ .. చిత్రని చూసి కారు ఆపుతాడు.

చిత్రా ఈ టైమ్‌లో ఇక్కడున్నావేంటీ? అంటూ కారు ఆపి మరీ అడుగుతాడు. మా అక్క వేదా కళ్లు తిరిగి పడిపోయిందట.. ఆసుపత్రి బయలుదేరాను.. అంటూ ముఖసరిగా సమాధానం ఇస్తుంది చిత్ర. ‘అయ్యో.. ఈ టైమ్‌లో క్యాబ్స్ ఉండవు.. పదా మా కారు ఎక్కు.. చెప్పు బంగారం..’ అంటాడు అభి. దాంతో మాళవిక కదా.. ‘రా చిత్రా మేము డ్రాప్ చేస్తాం’ అంటుంది. దాంతో చేసేది లేక కారు ఎక్కుతుంది చిత్ర. ఇక కారు ఆసుపత్రి ముందు ఆగుతుంది. వసంత్.. చిత్ర అభి కారులోంచి దిగడం చూసి షాక్ అవుతాడు. చిత్ర లోపలికి వెళ్తూ వెళ్తూ.. ఎదురుగా ఫోన్‌లో మాట్లాడుతున్న విన్నీని.. ‘విన్నీ అక్కకి ఎలా ఉంది?’ అంటుంది. ‘బాగానే ఉంది.. నువ్వు కంగారుపడొద్దు.. పదా లోపలికి’ అనేసి.. నా మీటింగ్స్ అన్నీ క్యాన్సిల్ చేయండి..’ ని ఫోన్ పెట్టేస్తాడు విన్నీ. అభి విన్నీని చూసి.. ‘హేయ్ వివిన్ ఇక్కడున్నావేంటీ?’ అంటాడు.

వేదా అని నా చిన్ననాటి స్నేహితురాలు.. తను పడిపోయింది కళ్లు తిరిగి.. ఆసుపత్రిలో చేర్పించాను అంటాడు విన్నీ. దాంతో అభి దొరికిందే ఛాన్స్ అని ఎక్కించాల్సిందంతా ఎక్కించేస్తాడు. ‘స్టెస్ అయ్యి ఉంటుంది తప్పదు..’ అంటాడు అభి. ‘అంటే?’ అంటాడు విన్నీ అర్థం కానట్లుగా చూస్తూ. ‘అంటే యశోధర్ వైఫ్ కదా.. టెన్షన్ లేకుండా ఎలా ఉంటుంది?’ అంటాడు అభి. ‘నో నో వేదాకి అలాంటివేం లేవు’ అంటాడు విన్ని.

‘వివిన్.. నీకో విషయం చెప్పాలో చెప్పకూడదు తెలియదు కానీ చెప్పక తప్పడంలేదు.. నీకో విషయం తెలుసా.. యశోధర్‌కి నాకు ఉన్న రిలేషన్ చాలా పాతది.. పైగా యశోధర్ ఎక్స్ వైఫ్ మాళవికనే నేను పెళ్లి చేసుకోబోయే అమ్మాయి. సో ఏదొక రకంగా మేమంతా ఓ ఫ్యామిలీ.. యశోధర్ గురించిన విషయాలు నా చెవిన పడుతూనే ఉంటాయి. మాళవిక ఆరేళ్ల క్రితమే యశోధర్‌ని వదిలేసి నా దగ్గరకు వచ్చేసింది. విడాకుల తర్వాత వేదాని పెళ్లి చేసుకున్నాడు యశోధర్. కానీ పరిస్థితుల్లో ఏ మార్పు లేదు. యశోధర్ ప్రవర్తనలో.. స్వభావంలో ఏ మార్పు లేదు.. కాబట్టే ఇప్పుడు వేదా ఆసుపత్రి పాలైది.. పాపం వేదా.. యశోధర్ లాంటి భర్తతో కాపురం చేయడం చాలా కష్టం. కానీ ఏ మాటకి ఆ మాట చెప్పుకోవాలి.

వేదా చాలా మంచి అమ్మాయి. తను కాబట్టే యశోధర్ లాంటి యారిగెంట్‌ని భరిస్తోంది. వెరీ బ్యాడ్ పర్సన్. ఇగో ఎక్కువ.. కోపం ఎక్కువ.. అన్ని బ్యాడ్ క్వాలటీసే. తనని కాపురం చేయడం చాలా కష్టం.. అదో నరకం.. నీకు తెలుసు కదా.. ఒక పెళ్లి విజయవంతం కావాలంటే దానికి పునాది ప్రేమ.. ప్రేమ లేకుండా పెళ్లి వేస్ట్ కదా? నీకు తెలుసో తెలియదో.. వాళ్ల పెళ్లి ఒక ఫేక్ మ్యారేజ్.. ఖుషీని మాళవిక దగ్గర నుంచి లాగేసుకోవడానికే యశోధర్ వేదాని పెళ్లి చేసుకున్నాడు. అంతే తప్పా వాళ్లిద్దరి మధ్య నో లవ్ నో ఎమోషన్స్... నో రిలేషన్ షిప్.. కోర్టులో ఖుషీ కేసు గెలవడం కోసమే వేదాని యశోధర్ ఒక పాములా ఉపయోగించుకున్నాడు.. పాపం వేదా..

అనవసరంగా ఈ పెళ్లిలో ఇరుక్కుపోయి.. యశోధర్ చేతిలో మోసపోయింది. ఇవన్నీ నీకు చెప్పానంటే దానికి కారణం యశోధర్ మీద కోపం కాదు.. వేదా మీద జాలి.. దేవుడు తనకి మంచి భర్తని ఇవ్వలేదు.. ఆ సంగతి వేదా ఎప్పుడు తెలుసుకుంటుందో ఏంటో.. నాకు నిజానికి చాలా హ్యాపీగా ఉంది. వేదాకి దేవుడు మంచి భర్తని ఇవ్వలేకపోయాడు కానీ.. నీలాంటి మంచి ఫ్రెండ్‌ని ఇచ్చాడు.. సరే వివిన్.. నేను వెళ్తాను బై’ అనేసి అభి వెళ్లిపోతాడు. విన్నీ.. ఆలోచనలో పడతాడు. వేదకి అన్యాయం జరగనివ్వను అనుకుంటాడు.

ఇక కమింగ్ అప్‌లో కూడా.. యష్‌కి వ్యతిరేకంగా డాక్టర్ ముందే మాట్లాడుతుంటాడు విన్నీ. మొత్తానికీ వేదా, యష్‌ల జీవితంలో అసలు సిసలు విలన్ విన్నీ కాబోతున్నాడని అర్థమవుతోంది. చూద్దాం ఏం జరగబోతుంది. డాక్టర్ ముందు విన్నీ ఏం మాట్లాడాడు? అనేది రేపటి ఎపిసోడ్‌లో చూద్దాం. మరిన్ని వివరాలు తరువాయి భాగంలో చూద్దాం! Ennenno Janmala Bandham కొనసాగుతోంది. (photo courtesy by star మా and disney+ hotstar)

Read Also: ‘జానకి కలగనలేదు’ ఫిబ్రవరి 22 ఎపిసోడ్: అత్తకి ప్రాణం పోస్తున్న జానకి.. ఒకే ఒక్కదారి