Ennenno Janmala Bandham ఫిబ్రవరి 14: చిత్రని లొంగదీసుకునేందుకు అభి స్కెచ్! యష్, వేదాలకు ఊహించని ముప్పు

Ennenno Janmala Bandham Today: ‘ఎన్నెన్నో జన్మల బంధం’ సీరియల్ ఆసక్తికరంగా సాగుతోంది. గత ఎపిసోడ్‌లో మాళవిక, అభిల రచ్చను కళ్లారా చూసిన యష్‌కి వేదా మీద బాగా కోపం వస్తుంది. ‘ఎవరి జీవితం వాళ్లదని వదిలిపెట్టకుండా అన్నీ తలకు చుట్టుకుంటావ్.. నా తలకి చుడతావ్.. ఇంకోసారి ఇది రిపీట్ అయితే మన మధ్య దూరం వస్తుంది గుర్తు పెట్టుకో’ అంటూ వార్నింగ్ ఇచ్చేస్తాడు. ఇక నేటి కథనంలో అలా మాట్లాడినందుకు వేదాకి సారీ చెబుతాడు యష్. ‘నువ్వు ఎంత మంచిదావివి వేదా.. మాళవిక లాంటి వాళ్ల జీవితం కూడా బాగుండాలని కోరుకుంటున్నావ్ నువ్వు’అంటూ ప్రేమగా పొగుడుతాడు. సారీ అవసరం లేదు అన్న వేదాతో యష్ ప్రేమగా.. అయితే థ్యాంక్స్ అంటూ మళ్లీ మంచి స్నేహాన్ని కొనసాగిస్తారు ఇద్దరూ.

ఇక సీన్ కట్ చేస్తే.. అభి, మాళవికలు మాట్లాడుకుంటూ ఉంటారు. ‘ఇప్పుడు ఏమైంది అక్కా.. అది అందరికీ తెలిసిందే కదా.. పార్టీలో నాకు కాస్త డ్రింక్ ఎక్కువ అయితే.. కాస్త నేను ఎక్కువ మాట్లాడేస్తాను.. దాన్ని నువ్వు ఇంత సీరియస్‌గా తీసుకోవాల్సిన పనిలేదు అక్కా..’ అంటాడు అభి. ‘నువ్వు ఏదో పిచ్చి వాగుడు వాగి ఉంటే నేను పట్టించుకునేదాన్ని కాదు అభి.. మాళవికని పెళ్లి చేసుకోవడం లేదని అందరిలో ఓపెన్‌గా స్టేట్మెంట్ ఇవ్వడం కరెక్ట్ కాదు కదా’ అంటుంది బ్రమరాంభిక. ‘నేను అందరిలో చెప్పలేదు అక్కా.. వివిన్‌(విన్నీ)కి మాత్రమే చెప్పాను.. పైగా అతడు మన మనిషి.. బిజినెస్ పార్టర్ కదా..’ అంటాడు అభి.

‘బిజినెస్ పార్టర్ కావడం వేరు.. పర్సనల్ రిలేషన్ షిప్ వేరు.. ఎవరి దగ్గర పడితే వాళ్ల దగ్గర ఏది పడితే అది వాగకూడదు.. నువ్వు ఒక తాగుబోతువని తెలిశాక నీ గురించి అతడు ఎంత తక్కువ అంచనా వేస్తాడో ఆలోచించు.. నిన్ను తప్పు బట్టడం నా ఉద్దేశం కాదు.. యశోధర్‌కి వెళ్లాల్సిన కాంట్రాక్ట్ నువ్వు సాధించావ్.. ఇలాగే ఎన్నో సాధించాలి. ఆ యశోధర్ నీ చేతిలో ఓడిపోతూ ఉండాలి..’ అంటుంది బ్రమరాంభిక. ‘నాకు తెలియదా అక్కా.. నాకన్నా ఎక్కువగా నా గురించి ఆలోచించేది నువ్వే కదా’ అంటాడు అభి ప్రేమగా.

‘అన్నింటికీ మించి ఆ మాళవిక మనకు ఒక గుదిబండలా మారింది. దాన్ని ఎంత తొందరగా వదిలించుకుంటే అంత మంచిది’ అంటుంది బ్రమరాంభిక. ‘అందుకే కదా అక్కా నేను ఆల్ రెడీ ఆల్టర్నేట్ గురించి ఆలోచిస్తున్నాను..’ అంటాడు అభి. ‘ఎవరు.. మీ ఆఫీస్‌లో కొత్తగా చేసిన ఆ అమ్మాయి?’ అంటుంది బ్రమరాంభిక. ‘చిత్రా.. వసంత్ అని ఒకడు ఉన్నాడులే.. ఆ యశోధర్‌కి తమ్ముడి కన్నా ఎక్కువ వాడు. వాడికి కాబోయే పెళ్లామే ఈ చిత్ర.. ఇద్దరికీ నిశ్చితార్థం కూడా అయ్యింది.. ఇప్పుడు వసంత్ పెళ్లి నేను చెడగొడితే ఆ ఎఫెక్ట్ యశోధర్ మీద పడినట్లే.. ఆ అవమానం యశోధర్‌కి జరిగినట్లే.. మళ్లీ వాడి మీద నేను గెలిచినట్లే’ అంటాడు అభి.

‘ఒకడి కాబోయే పెళ్లాంతో నీకెందుకు నాన్నా.. అవసరమా?’అంటుంది బ్రమరాంబిక. ‘అవసరమే.. చాలా అవసరం.. ఒక్క చిత్రని నేను లొంగతీసుకుంటే చాలు అటు యష్ ఫ్యామిలీని.. ఇటు వేదా ఫ్యామిలీని అల్లకళ్లోలం చేయగలను.. అదే నాకు కావాల్సింది.. అందుకే నేను ఓపిగ్గా ఎదురు చూసేది.. మిస్టర్ యశోధర్.. మై డియర్ ఎనీమీ.. ఆడదాని విషయంలో నీకు నా టాలెంట్ బాగా తెలిసిందే కదా.. ఆ రోజు మాళవిక.. ఈ రోజు చిత్ర.. నా నుంచి ఇంకో ఎదురు దెబ్బకు ఎదురు చూడు’ అంటూ రగిలిపోతాడు అభి. మొత్తానికీ వేదా, యష్‌ల జీవితంలో మరో ముప్పు పొంచి ఉన్నట్లే కనిపిస్తోంది.

మరోవైపు చిత్రతో వేదా.. ‘చిత్రా ఆ అభితో జాగ్రత్త.. మాళవిక జీవితాన్ని మనం కాపాడాలి.. అందుకు నీ సాయం కావాలి’ అని కోరుతుంది. ‘సరే అక్కా.. నీ కోసం నేను ఏదైనా చేస్తాను.. ఆ మాళవిక జీవితాన్ని కాపాడే ఏ అవకాశం వచ్చినా నేను వదిలిపెట్టను’ అంటూ మాటిస్తుంది. ఇక వేదాతో చిత్ర.. ‘అక్కా వేలెంటైన్స్ డే కదా.. నేను వసంత్ బయటికి ప్లాన్ చేసుకున్నాం.. మీరు ఏం ప్లాన్ చేసుకోలేదా? వీలైతే నీ మనసులో మాట బావగారితో ఈ రోజైనా చెప్పు అక్కా’ అంటుంది. దాంతో వేదా అదే ఆలోచనల్లో ఉంటుంది. విన్నీ కూడా.. ‘లైఫ్ మీ ఇద్దరికీ సెకండ్ ఛాన్స్ ఇచ్చింది కదా’ అనే మాటలు కూడా గుర్తొచ్చిన వేదా.. యష్‌ని చూస్తూనే ప్రేమ ఊహల్లో తేలుతుంది.

వేదా కావాలనే యష్‌ని.. ‘మళ్లీ ప్రేమించడం గురించి.. లైఫ్‌లో సెకండ్ చాన్స్ గురించి మీ ఒపీనియన్ ఏంటీ అని అడుగుతుంది. ‘మళ్లీ ప్రేమించడమా? దానంత పిచ్చి పని మరొకటి లేదు’ అంటాడు యష్ ఏదో పని చేసుకుంటూ. ఆ మాటలకు వేదా చాలా ఫీల్ అవుతుంది. ‘యశోధర్ గారికి ప్రేమ మీదే విరక్తి కుట్టిందా? తన జీవితంలో ప్రేమకు చోటు లేదా’ అంటూ వేదా మనసులోనే మథనపడుతుంది. మరిన్ని వివరాలు తరువాయి భాగంలో చూద్దాం! Ennenno Janmala Bandham కొనసాగుతోంది. (photo courtesy by star మా and disney+ hotstar)