Ennenno Janmala Bandham మే 2: ముద్దులతో గుబులురేపుతున్న జంట.. మాళవికకు వేదా జలక్

Ennenno Janmala Bandham May 2 episode: యష్, వేదాల బాగుండాలని పూజ ఏర్పాట్లు చేయించింది మాలనీ. అయితే గత ఎపిసోడ్‌లో చిత్ర, వేదా మాట్లాడుకుంటూ ఉంటే ఎంట్రీ ఇచ్చిన మాళవిక.. ‘నేను కూడా నువ్వు చేసే వ్రతానికి రావచ్చా?’ అని అడుగుతుంది. అమ్మవారి పూజకు నేను ఆపండి దేనికి రా. అప్పుడైనా నీ బుద్ధి మంచిగా అవుతుందేమో అనేసి వెళ్లిపోతుంది వేదా. అయితే పిలవడమే తనకు అవకాశంగా భావించిన మాళవిక.. ‘యష్‌ని నిన్ను.. విడగొట్టడానికి వస్తానులే’ అనుకుంటుంది మనసులో.

ఇక నేటి కథనంలో వేదా తల ఆర్పుకుంటూ ఉంటే.. యష్ కన్ను ఆర్పకుండా చూస్తాడు. నచ్చానా అంటుంది వేదా. ఇద్దరూ రొమాంటిక్ లుక్స్ కలుస్తాయి. అప్పుడే వేదా యష్‌ని ఆటపట్టించే మాట అనడంతో.. యష్ వేదాని పట్టుకోవడానికి ట్రై చేస్తాడు. ఇద్దరూ చాలా సేపు పరుగుపెట్టి.. ఒకరికి ఒకరు దొరికేస్తారు. యష్ వేదాని వెనుక నుంచి హత్తుకుని.. కళ్లల్లోకి చూస్తాడు. అక్కడ మొదలవుతుంది అసలు సిసలు రొమాన్స్. వేదాని దగ్గరకంటూ తీసుకుని.. వెనుక మెడ మీద ముద్దు పెడతాడు చాలా ఇష్టంగా. వీక్షకుల గుండెల్లో గుబులు పుట్టించేలా ఉంది ఆ సీన్.

ఇక సీన్ కట్ చేస్తే.. పూజ ఏర్పాట్లు జరుగుతూ ఉంటాయి. మాళవిక ఎంట్రీ ఇస్తుంది. నిన్ను ఎవరు పిలిచారు అంటూ మాలనీ అడ్డు పడుతుంది. వేదా అప్పుడే బయటికి వస్తుంది. ‘మీ కోడలే పిలిచింది’ అనడంతో.. వేదా కూల్‌గా.. వదిలేయండి అత్తయ్యా అంటుంది. అతి మంచితనం మంచిది కాదు వేదా.. అని హెచ్చరించి.. వదిలిపెట్టేస్తుంది మాలనీ. మాళవిక.. వేదా దగ్గరకు వచ్చి.. ‘థాంక్స్’ అంటుంది. నేను పిలిచినా నీ స్థానంలో నేనుంటే వచ్చేదాన్ని కాదు మాళవిక అనేసి రెడీ అవ్వడానికి లోపలికి వెళ్లిపోతుంది వేదా.

ఇక పూజకు ముత్తైదువులు ఒకరి తర్వాత ఒకరు వస్తూ ఉంటారు. యష్ కూడా రెడీ అయిపోతాడు. వేదా జుట్టు.. యష్ గొలుసులో చిక్కుకుని.. తీసుకోవడానికి ఇబ్బందిపడుతూ ఉంటారు. అప్పుడే మాళవిక అటుగా వచ్చి.. వాళ్ల ప్రేమని రొమాంటిక్ సీన్‌ని చూసి రగిలిపోతుంది. వేదా, యష్‌లు మాత్రం.. మాళవిక రాకని కూడా పట్టించుకోకుండా ప్రేమలో మునిగితేలుతుంటారు. అప్పుడే మాళవిక దగ్గరకంటూ వచ్చి.. ‘మీరిద్దరినీ నేను విడగొడతాను.. ఐ మీన్ నేను విప్పుతాను అంటున్నాను’ అంటుంది నవ్వుతూ. ‘అక్కర్లేదు...’ అంటుంది వేద.

‘కంగారు పడకు వేదా.. నేను విప్పుతానుఅన్నది ఈ చిక్కు ముడిని.. మీ ఇద్దరి బ్రహ్మ ముడి కాదు..’ అంటుంది మాళవిక. ‘అది నీ తరం కాదు మాళవిక.. మా ఇద్దరిదీ మూడుముళ్లబంధం.. మనసులతో ముడిపడిన అనుబంధం.. మా ఇద్దరినీ నువ్వు విడదీయలేవు.. మాళవికా సంతోషం అంటే.. ఇంకొకరిని చూసి ఏడవకపోవడం కూడా సంతోషమే.. ఇంకొకరిని ఏడిపించాలని అనుకోకపోవడం కూడా సంతోషమే.. పదండి..’ అంటూ భర్తని తీసుకుని వెళ్లిపోతుంది వేద. ఇక పూజలో కూర్చున్న వేదా, యష్‌లు చాలా ప్రేమగా భక్తితో పూజ చేస్తారు.

కమింగ్ అప్‌లో...
ఖుషీ చూసుకోకుండా మాళవిక తెల్లచూరకు పసుపు రంగు అంటిస్తుంది. దాంతో మాళవిక కొట్టేందుకు చేయిఎత్తుతుంది. వేదా ఆ చేతిని పట్టుకుని.. నా బిడ్డమీద చేయి ఎత్తుతావా? నీకు ఎంత ధైర్యం? అంటూ వార్నింగ్ ఇస్తోంది చూడాలి మరి ఏం జరుగుతుందో. ఇక వేదా, యష్‌లు బంధం బలపడింది. ఒకరి మీద ఒకరికి ఉన్న ప్రేమ ఇద్దరికీ తెలిసిపోయింది. దాంతో ఇక రొమాంటిక్ సీన్స్‌లో డోస్ పెరిగింది. ఇక నుంచి బుల్లితెర హీటెక్కడం పక్కానే. Ennenno Janmala Bandham కొనసాగుతోంది. మిగిలిన వివరాలు తరువాయి భాగంలో చూద్దాం. (photo courtesy by star మా and disney+ hotstar)

Read Also: ‘నాగ పంచమి’ మే 02 ఎపిసోడ్: పంచమికి పెళ్లి.. సంతోషంలో ఇరు కుటుంబాలు