Ennenno Janmala Bandham ఫిబ్రవరి 15: మిస్టర్ యారిగెంట్ చిర్రుబుర్రులు.. వేదా ఆశలన్నీ మటాష్

Ennenno Janmala Bandham Today: ‘ఎన్నెన్నో జన్మల బంధం’ సీరియల్ ఆసక్తికరంగా సాగుతోంది. వేదా యష్‌తో ప్రేమ గురించి.. సెకండ్ ఛాన్స్ గురించి.. మాట్లాడుతుంది. మీ ఒపీనియన్ ఏంటీ అని కూడా అడుగుతుంది. కానీ యష్.. అప్పటికే ఏదో బిజీలో ఉండి.. అవన్నీ పిచ్చి మాటలు.. ఒక సారి ప్రేమించడమే ఎక్కువ.. అలాంటి పిచ్చి మరి రెండో సారి కూడా చేస్తారా? అనేసరికి.. వేదా అల్లాడిపోతుంది. బాధగా మౌనంగా ఉండిపోతుంది. ఇంతలో యష్.. ‘వేదా నాకు తలనొప్పిగా ఉంది.. నేను ఈ రోజు ఆఫీస్‌కి వెళ్లను..’ అంటాడు. ‘అయ్యో బామ్ రాయనా’ అంటుంది వేదా చాలా ప్రేమగా. ‘వద్దు.. ఫర్వాలేదు.. కాస్త తక్కువగానే ఉందిలే.. నువ్వు ఆఫీస్ వెళ్లిరా’ అంటాడు. సరే అని వేదా వెళ్లిపోతుంది.

వేదా ఆఫీస్‌కి వెళ్లేసరికి.. పూల బొకే వస్తుంది. అది చూసి.. మిస్టర్ యారిగెంట్ పంపించారా? అనుకుంటూ పేరు చూస్తుంది. విన్నీ అని ఉండటం చూసి.. ‘విన్నీ ఇలాంటివి చేయడంలో ముందుంటాడు’ అని మురిసిపోతుంది. ఇక ఆ బొకేని అక్కడే పెట్టి యష్ గురించి ఆలోచిస్తూ ఉంటుంది. ఇంతలో ఇంట్లో పని చేసుకుంటున్న యష్ దగ్గరకు వచ్చిన వసంత్.. ‘ఈ రోజు నేను లీవ్.. నాకు ఫోన్స్ కూడా చేయొద్దు.. నేను అందుబాటులో ఉండను.. ఈ రోజు ప్రేమికుల రోజు.. నేను చిత్ర బయటికి వెళ్తున్నాం’ అంటాడు. దాంతో యష్‌కి బుర్ర వెలుగుద్ది. అంటే వేదా నాతో ప్రేమ గురించి.. సెకండ్ ఛాన్స్ గురించి మాట్లాడింది ఇందుకేనా అనుకుంటూ వసంత్ వెళ్లగానే వేదకు కాల్ చేసి.. ప్రేమగా.. ‘మనం మధ్యాహ్నం బయటికి వెళ్దాం లంచ్‌కి.. ఎక్కడికీ అని అడగొద్దు సర్ఫ్రైజ్’ అంటాడు. దాంతో వేదా సరే అంటుంది. చాలా హ్యాపీగా ఫీల్ అవుతుంది.

ఇక కాసేపటికి ఓ కొరియర్ వస్తుంది. దాని మీద విన్నీ పేరు ఉంటుంది. వేదకి ఆ కొరియర్ అని తెలిసి.. రగిలిపోతాడు. ఓపెన్ చేయాలా వద్దు అని చాలా సేపు ఆలోచించి.. ఓపెన్ చేసి చూస్తాడు. అందులో లవ్ స్టోరీ అనే బుక్ ఉంటుంది. ‘ప్రేమికుల రోజున నా భార్యకి లవ్ స్టోరీ బుక్ పంపిస్తావా విన్నీ.. నువ్వు నా కళ్లముందు ఉంటే చంపేసేవాడ్ని’ అంటూ కోపంతో ఊగిపోతూ వేదాకి కాల్ చేస్తాడు. ‘విన్నీ నీకు లవ్ స్టోరీ బుక్ పంపిచాడు’ అంటాడు రగిలిపోతూ. అయితే వేదా.. యష్ ఫీలింగ్స్ పట్టించుకోకుండా.. విన్నీ అంతే.. నాకేం కావాలో తనకు బాగా తెలుసు.. నేను ఎప్పుడో అడిగి గుర్తు పెట్టుకుని ఇప్పుడు పంపించాడా? అంటూ తెగ పొడిగేస్తూ ఉంటుంది. మిస్టర్ యారిగెంట్‌కి కాలిపోతుంది. ‘సరే బై’ అంటాడు యష్. ‘ఏమండీ వస్తాను అన్నారు.. ఏ టైమ్‌కి వస్తారు?’ అంటుంది వేదా ఆశగా. ‘రావడం లేదు.. నాకు చాలా అర్జెంట్ అండ్ ఇంపార్టెంట్ పని ఉంది.. రాను బై’ అని ఫోన్ కట్ చేస్తాడు యష్.

ఇక వేదా.. ‘మళ్లీ ఏమైందో ఈ మిస్టర్ యారిగెంట్‌కి’ అని తిట్టుకుంటుంది. ఇంతలో విన్నీ నవ్వుతూ.. గుమ్మం దగ్గర నిలబడి.. ‘ఎవరా యారిగెంట్?’ అంటాడు. ‘నువ్వా విన్నీ రా లోపలికి...’ అంటూ పిలిచి.. కూర్చోమంటుంది. అప్పుడే వేదా.. ‘యారింగెంట్ అంటే మా శ్రీవారే.. తను నాకో నిక్ నేమ్ పెట్టారులే’ అంటూ చెబుతుంది. ‘ఏమని.. మిసెస్ న్యూసెన్స్ అనా?’ అంటాడు నవ్వుతూ. ‘అరే నీకు ఎలా తెలుసు?’ అంటుంది వేదా నవ్వుతూ. ‘చిలకజోష్యంలే..’ అంటూ నవ్వుతూ మాట్లాడుకుంటూ ఉంటారు. మరి యష్ మళ్లీ ఆలోచనలో పడతాడు.. వేదా కోసం ప్రేమికుల రోజు సర్ఫ్రైజ్ ఇవ్వడం కోసం వేదా దగ్గరకు వెళ్తాడా? అనేది తెలియాల్సి ఉంది. మరిన్ని వివరాలు తరువాయి భాగంలో చూద్దాం! Ennenno Janmala Bandham కొనసాగుతోంది. (photo courtesy by star మా and disney+ hotstar)