Ennenno Janmala Bandham ఏప్రిల్ 7: యష్‌కి వేదాతో పాటు ఖుషీ దూరం! మాళవికతో కలిసి అభి పన్నాగం

Ennenno Janmala Bandham Today: వేదా, యష్‌ల మధ్య దూరం వచ్చేసింది. దానికి కారణం అభినే. విన్నీ, వేదాలు సన్నిహితంగా ఉన్న ఫొటోస్‌ని యష్ చూసేలా చేస్తాడు. మరోవైపు వేదా.. విన్నీకి ఐ లవ్యూ చెప్పడంతో కథ అడ్డం తిరిగింది. గతంలో మాళవిక లానే. వేదా కూడా తనని మోసం చేస్తుందని నమ్మిన యష్.. వేదాని దూరం పెట్టడం మొదలుపెట్టేశాడు. ఈ క్రమంలోనే ఖుషీని తనే స్కూల్‌కి తీసుకుని వెళ్తాడు. ఖుషీకి బై చెప్పి లోపలికి పంపించిన తర్వాత.. అక్కడే ఆగి ఉన్న మాళవికని చూసి షాక్ అవుతాడు. కోపంగా మాట్లాడకుండా వెళ్లబోతుంటే.. ‘హాలో మాజీ భర్తగారు.. ఏది అద్దెకు తెచ్చుకున్న ఖుషీ అమ్మా?’ అంటూ వెటకారంగా మాట్లాడుతుంది.

‘అది నీకు అనవసరం.. అయినా నీదీ ఓ బతికేనా? అంటూ తిట్టి పోసి అక్కడి నుంచి వెళ్లిపోతాడు. ఇక మాళవిక.. అభి పలవడానికి వెళ్లినప్పుడు.. ‘ఖుషీని వేదా కాకుండా యశోధర్ స్కూల్‌కి తీసుకొచ్చాడు.. ఎందుకో అర్థం కావట్లేదు.. వాళ్లిద్దరి మధ్య ఏదైనా చెడిందేమో అని అనుమానంగా ఉంది’ అంటుంది. అయితే అభి తను చేసిన పని గురించి.. కుట్ర గురించి మాళవిక దగ్గర చెప్పడు. ‘అలా అయితే మరీ మంచిది కదా బంగారం. గతంలో వేదా తల్లిగా ఉంది కాబట్టి.. చట్టపరంగా ఖుషీని అక్కడ ఉంచాం. అదే తల్లి స్థానం నుంచి వేదా తప్పుకుంటే.. ఖుషీని మనమే తెచ్చేసుకుందాం.. నువ్వు ఆ పనిలో ఉండు’ అంటూ రెచ్చగొడతాడు. సరే అని మాళవిక వెళ్లిపోతుంది. ‘రేయ్ యశోధర్.. వేదా ఒక్కర్తే దూరం అవుతుంది అనుకున్నాను. ఇప్పుడు ఖుషీ కూడా దూరమవుతుందా? మంచిది.. త్వరలోనే పిచ్చివాడిలా రోడ్లపై తిరగడం నేను చూడాలి’ అనుకుంటాడు అభి మనసులో.

మరోవైపు యశోధర్‌కి అవార్డ్ వచ్చిందంటూ వసంత్ ఇంట్లో వాళ్లందరికీ చెబితే.. వేదా చాలా అంటే చాలా సంబరపడిపోతుంది. ‘అవార్డ్ అందుకునేది రేపే కాబట్టి.. ఆయన స్థాయికి తగ్గట్టుగా నేను కూడా అందంగా రెడీ అవ్వాలి. మనం సేమ్ కలర్ డ్రెస్ వేసుకుందామా?’ అంటుంది యష్‌తో. అప్పటి దాకా రగిలిపోతూ విన్న యష్.. ‘అవార్డ్ వచ్చింది నాకు.. నీకు సంబంధం లేదు’ అంటూ అవమానించి రూమ్‌లోకి వెళ్లిపోతాడు. వేదాని మిగిలినవాళ్లంతా ఓదారుస్తారు. అయితే లోపలికి వెళ్లిన యష్.. ‘సేమ్ డ్రెస్ వేసుకుందామా’ అని వేదా అడిగిన మాటల్ని గుర్తు చేసుకుంటూ.. గతంలోకి వెళ్లిపోతాడు.

అది గతంలో జరిగిన ఓ పార్టీ. దానిలో యష్ బ్లూ కలర్ చెక్స్ షర్ట్ వేసుకుని వెళ్తుంటే.. అభి పిలిచి.. ‘షర్ట్ బాగుంది యశోధర్’ అంటాడు. అప్పుడు అభి.. నవ్వుతూ.. ‘థాంక్సూ సార్.. మాళవిక వేసుకోమని చెప్పింది సార్.. అయినా భార్య మాటని కాదనలేం కదా? అందుకే వేసుకున్నాను.. మీ షర్ట్ కూడా సేమ్ కలర్ కదా సార్’ అంటాడు. ‘అయ్యో యశోధర్.. నీ భార్య నీకు మాత్రమే ఆర్డర్ వేస్తుంది అనుకున్నావా? నాకు కూడా కాల్ చేసి ఆర్డర్ వేసింది. అదే కలర్ కోర్డినేషన్ కోసం’ అంటాడు అభి. నిజంగా ఆ సీన్ గుర్తు రాగానే యష్‌లో కోపం కట్టలు తెంచుకుంటుంది.

‘ఈ వేదా, విన్నీ, అభి మాళవిక.. వీళ్లందరికీ నేను బుద్ధి చెప్పే తీరాలి. నా జీవితంలో ఎవరు ఉండనీ పోనీ.. నేను మాత్రం బాధపడను.. అందరికీ బుద్ధి చెబుతాను’ అంటూ రగిలిపోతాడు యష్. ఇక మరునాడు అవార్డ్ ఫంక్షన్‌కి యష్ రెడీ అయ్యి.. వసంత్‌తో పాటు ముందు వెళ్లిపోతాడు. వేదా పాపం తనని కూడా తీసుకుని వెళ్తాడు అని ఆశపడి.. సేమ్ కలర్ సారీ కూడా కట్టుకుని.. అందంగా రెడీ అయ్యి బయటికి వస్తుంది. కానీ యష్ వెళ్లిపోయాడని తెలిసి బాధపడుతుంది. Ennenno Janmala Bandham కొనసాగుతోంది. మిగిలిన వివరాలు తరువాయి భాగంలో చూద్దాం. (photo courtesy by star మా and disney+ hotstar)