Ennenno Janmala Bandham ఏప్రిల్ 11: అల్లాడించే సీన్.. యష్ మీద అభి గెలుపు.. పాపం వేదా..

Ennenno Janmala Bandham Today: అవార్డ్ ఫంక్షన్ నడుస్తూనే ఉంటుంది. వేదా యష్‌ చేతికి బ్రెస్ లెట్ పెట్టేస్తుంది. అయితే ‘సూపర్ గిఫ్ట్.. మీ భార్య చాలా అందంగా ఉంది.. అందమైన బహుమతి ఇచ్చింది’ అని చూసినవాళ్లు అంటే.. ‘ఇందులో పెద్దగా ఎమోషనల్ ఫీలింగ్ లేదు’ అని యష్ అక్కడి వాళ్లతో అనడం నిజంగా వేదాని బాధపెడుతుంది. ‘ఏముందిలే నా భర్తేగా అన్నది’ అంటూ తనకు తాను సర్దిచెప్పుకుంటుంది వేద.

ఇక అలా అనుకుని రెండు అడుగులు ముందుకు వేసేసరికి.. ‘హలో డాక్టర్ వేదా’ అంటూ ఎంట్రీ ఇస్తుంది మాళవిక. ‘బాగానే దూరం వచ్చినట్లు ఉంది మీ మధ్య’ అంటూ కావాలనే రెచ్చగొడుతుంది. ‘మేము ఎప్పడూ ఒకటిగా కలిసే ఉంటాం’ అని వేదా సమాధానం ఇస్తుంది కానీ.. మాళవిక రెచ్చిపోతుంది. ‘శరీరాలు కలవని పెళ్లి.. ఎప్పటికైనా పెటాకులు కాక తప్పదు.. గుర్తుపెట్టుకో.. మిస్సెస్ ముసుగులో ఉన్న మిస్ వేదశ్వినీ.. పిల్లి కళ్లుమూసుకుని పాలు తాగినట్లు ఉంది మీ దొంగ సంసారం.. దొంగ పెళ్లి..’ అంటూ తప్పుగా మాట్లాడి వెళ్లిపోతుంది. దాంతో వేదా మనసు మరింతగా అల్లాడుతుంది.

ఇక ఫంక్షన్ అవార్డ్ ఇవ్వడం వంటివి స్టార్ట్ అవుతాయి. మైక్ అందుకుంటాడు యష్. ‘ప్రతి మనిషి విజయంలో ఓ ఆడమనిషి ఉంటుందంటారు.. నా జీవితంలో నా భార్య ఉంది’ అనేసరికి వేదా చాలా హ్యాపీ ఫీల్ అవుతుంది. కానీ వెంటనే యష్... ‘సారీ సారీ నా మాజీ భార్య మాళవిక ఉంది’ అనేసరికి వేదాతో పాటు.. విన్నీ.. వసంత్, మాలనీ అంతా షాక్ అవుతారు. మాళవిక మొదట సంతోషిస్తుంది. కానీ యష్ మాటలు మాళవిక ముఖంలో కూడా సంతోషాన్ని మాయం చేశాయి. అభితో పాటు అంతా నిర్ఘాంత పోయి నట్లుగా వింటూ ఉంటారు. యష్ మాటలు మనసుల్ని మెలిపెట్టేస్తాయి.

‘ఎందుకు ఇలా చెబుతున్నానంటే తను(మాళవిక) నన్ను ధ్వేషించింది.. నన్ను వెన్నుపోటు పొడిచింది. నాకు బాధని కలిగించింది.. గతాన్ని గుర్తు చేసుకుంటూ చెబుతుంటాడు యష్. ఆ సీన్ చాలా ఎమోషనల్‌గా ఉంటుంది. ‘అసలు ఏ కష్టం తెలియనప్పుడు అకస్మాత్తుగా వచ్చే దు:ఖం ఉంటుందే.. అదే మనం ముందుకు వెళ్లడానికి ధైర్యాన్ని ఇస్తుంది. బాధపడ్డాను.. ఒక్కసారి కాదు.. రెండు సార్లు.. అందరికీ తెలిసిన విషయమే.. ఆరేళ్ల క్రితం నాకు చేసింది అసలు చేయకుండా ఉండి ఉంటే.. అసలు నేను ఇక్కడిదాకా వచ్చేదాన్నే కాదు.. తను నాకు జీవితంలో పెద్ద పాఠం నేర్పించింది. శక్తినిచ్చింది. అవకాశాన్ని ఇచ్చింది.. బలాన్ని ఇచ్చింది. నన్ను నేను నిరూపించుకోవడానికి.. తనే కారణం అయ్యింది.. ఇదంతా నీ వల్లే జరిగింది మాళవికా..’ అంటాడు యష్. మాళవిక వైపు చూస్తూ.

‘నాకు తరచూ జరుగుతున్నదేంటంటే నేను ఎవరి మీద ఆశలు పెట్టుకుంటానో వాళ్లను నన్ను మోసం చేస్తూనే ఉంటారు.. వదిలి వెళ్లిపోతూనే ఉన్నారు.. నన్ను విడి వెళ్లిపోతున్నారు.. ఏవేవో కారణాలు వల్ల..’ అంటూ యష్ మాటలు పూర్తి కాకుండానే.. అంతా వింటున్న వేదాకి ఏడుపు తన్నుకొస్తుంది. అది గమనిస్తున్న విన్నీ మనసులో.. ‘తప్పు చేస్తున్నావ్ యశోధర్.. నీ కోసం ఎంతో చేసిన వేదాకి నువ్వు ఇచ్చే రిటర్న్ గిఫ్ట్ ఇదా? వెరీ బ్యాడ్..’ అనుకుంటూనే ఉంటాడు. వేదా ఏడుపు ఆపుకోలేక అక్కడి నుంచి, లేచి వెళ్లిపోతుంది.. విన్నీ వెనుకే పరుగుతీస్తాడు కానీ వేదా ఆగదు. అప్పుడే ఒకామె కాల్ చేసి.. మా పాపకు బాలేదు మేడమ్ అనడంతో.. ఆసుపత్రికి తీసుకుని రమ్మని చెప్పి.. కారు వేసుకుని ఆసుపత్రికి వెళ్తిపోతుంది. విన్నే వెనుకే కారు వేసుకుని వెళ్తాడు.

ఇక ఫంక్షన్ పూర్తి కాగానే... అభి కావాలనే యష్ ఒంటరిగా ఉన్నప్పుడు యష్ దగ్గరకు వచ్చి.. ‘ఆడదాన్ని అడ్డం పెట్టుకుని గెలిచిన గెలుపు ఒక గెలుపేనా?’ అంటాడు. ‘ఏం వాగుతున్నావ్?’ అంటాడు యష్ కోపంగా. ‘నేను వాగడం కాదు.. లోకమంతా అంటోంది. నీ ప్రెసిడెంట్ ఫోస్ట్ నీ కష్టం కాదు.. వివిన్(విన్నీ)తో నీ భార్యకి ఉన్న అటాచ్‌మెంట్ అని..’ అంటూ తప్పుగా వాగుతాడు. దాంతో యష్ కోపంగా అభి కాలర్ పట్టుకుని గోడకు తోస్తాడు ఆవేశంగా. ‘ఏయ్ ఏం మాట్లాడుతున్నావ్? పిచ్చి పట్టిందా? పిచ్చి పిచ్చి మాటలు మాట్లాడితే చంపేస్తాను’ అంటాడు యష్.

‘నీ జీవితం ఇంతే యశోధర్.. నువ్వు నన్ను ఈ అవార్డ్ విషయంలో గెలిచి ఉంటావ్ అంతే.. అయితే నీకంటేముందు నుంచే బిజినెస్ తెలిసిన వాడ్ని.. నాకు మించిన వాడు వివిన్.. ఢిల్లీ లెవర్‌లో నీకు రికమండ్ చేశాడట.. నీ కోసం అయితే వివిన్ అంత సాహసం చేయడు కదా? నీ భార్య కోసమే చేశాడేమో’ అంటూ యష్‌ని మానసికంగా దెబ్బతీస్తాడు అభి. పాపం యష్.. అభిమాటల్నే వింటూ నిస్సహాయంగా నిలబడిపోతాడు. Ennenno Janmala Bandham కొనసాగుతోంది. మిగిలిన వివరాలు తరువాయి భాగంలో చూద్దాం. (photo courtesy by star మా and disney+ hotstar)