Ennenno Janmala Bandham ఏప్రిల్ 18: ఫలించిన వేదా కోరిక.. ఇక అభి గుండెల్లో దడదడే

Ennenno Janmala Bandham Today: ‘ఎన్నెన్నో జన్మల బంధం’ ఉత్కంఠగా మారిపోయింది. యష్ మంచానికే పరిమితం కావడంతో నేటి కథనంలో పాపం వేదా గుడుల చుట్టు తిరగడమే చూపించారు. నేటి ఎపిసోడ్ మొత్తం పాటలతోనే రోజుల్ని గడిపేశారు.

యష్ తలకు కట్టుతో.. చేతికిబ్యాడ్‌తో పడుకునే ఉంటే.. వేదా ప్రతి రోజు గుడికి వెళ్లి.. మొక్కులు మొక్కి.. ఆ కుంకుమ తెచ్చి యష్‌కి పెట్టేది. పాలు పట్టించి.. ఒళ్లు తుడిచి.. చాలా ప్రేమగా చూసుకునేది. మీకు ఏం కాదు అని ధైర్యం చెప్పడంతో పాటు.. ఏడుస్తున్న మాలనీని.. ఖుషీని ఓదార్చేది. అలా రోజులు గడిచే కొద్ది యష్ మెల్లగా కోలుకోవడం మొదలైంది. అయితే ఎంత చేస్తున్నా వేదా మీద యష్ కోపంగానే ఉంటే ఉండేవాడు.

ఒక రోజు వేదా.. యష్‌కి సేవలు చేస్తూ ఉండగా.. ఇంట్లో వాళ్లంతా ఆ గదిలోకి వెళ్తారు. మాలనీ ఏడుస్తుంది కొడుకు పరిస్థితి చూసి. ‘నాకు కాఫీ కాావాలి’ అంటాడు యష్. మీకు ఇంకా కాఫీ తాగే సమయం రాలేదు.. ప్రస్తుతం మీరు పాలే గాలి అంటుంది వేదా. ‘నాకు.. కాఫీ కావాలి’ అంటాడు యష్ కోపంగా ఆవేశంగా. దాంతో వేదా మౌనంగా బాధగా ఉంటే.. మిగిలిన వాళ్లంతా పాలు పాలు.. అని ఒకేసారి అరవడంతో యష్ ఏం చేయలేకపోతాడు. పాలే పట్టిస్తుంది వేదా. అయితే అంతా వేదా ఇబ్బందిని.. యష్ కోపాన్ని గమనిస్తారు.

ఇక రోజులు గడిచే కొద్ది.. యష్ కోపం పెరుగుతుంది తగ్గాలంటే మనమే ఏదొకటి చెయ్యాలి అని చిత్ర, వసంత్ కూడా నిర్ణయించుకుంటారు. ఈ క్రమంలోనే యష్ ఇంట్లో వీల్ చైర్‌లో ఉండగా.. ఒకరోజు వసంత్ వెళ్లి.. ‘వేదా వదిన విలువ తెలుసుకో.. ఇష్టమొచ్చినట్లు ప్రవర్తించడం మానెయ్.. తను నీ కోసం ఎంత కష్టపడుతుందో తెలుసా?’ అంటూ గుడికి తీసుకుని వెళ్తాడు.గుడిలో వేదా మోకాళ్ల మీద నడిచి మొక్కు తీర్చుకునేది.. సాష్టాంగ ప్రదక్షిణలు చేయడం అంతా చూసి షాక్ అవుతాడు యష్. అప్పుడే సోదమ్మ వచ్చి.. ‘నీ భార్యకి నీ మీద ఎంతో ప్రేమ నాయనా.. నీకోసం ఎంత కష్టపడుతుందో చూడు’ అంటుంది. దాంతో యష్ మనసు కొద్ది కొద్దిగా మారుతుంది.

వేదకి వ్యతిరేకంగా మాట్లాడటం.. వాదించడం తగ్గిస్తాడు. పెట్టింది తింటాడు. ప్రేమగా చూసుకుంటూ ఉంటే తల వంచుతాడు. ఇక కొన్ని రోజులకు యష్ పూర్తిగా కోలుకుంటాడు. వీలు చైర్ వదిలిపెట్టి.. నడుముకి కట్టుతో నడుస్తాడు. అప్పుడు కూడా భర్తని గుడికి తీసుకొచ్చి పూజలు చేస్తుంది. చేయిస్తుంది. ఇక కొన్ని రోజులకి యష్.. బినినెస్ కోసం.. డ్రెస్ వేసుకుని రెడీ అయ్యి బయటికి వస్తాడు. వేదా హారతి ఇస్తే తీసుకుంటాడు. కూతురు ఖుషీని ఎత్తుకుని ముద్దాడతాడు. ఈ క్రమంలోనే నేటి కథనం రసవత్తరంగా పాటతో రోజుల్ని గడుపుతూ చూపించారు. మధ్య మధ్యలో కొన్ని సన్నివేశాలతో.. ముందుకు సాగింది నేటి ఎపిసోడ్. ఇక యష్ పూర్తిగా కోలవడంతో అభికి దడదడే మరి. Ennenno Janmala Bandham కొనసాగుతోంది. మిగిలిన వివరాలు తరువాయి భాగంలో చూద్దాం. (photo courtesy by star మా and disney+ hotstar)