Ennenno Janmala Bandham April 10 episode: ‘ఎన్నెన్నో జన్మల బంధం’ సీరియల్.. నేడు(2023 ఏప్రిల్ 10)న 372 ఎపిసోడ్‌కి ఎంటర్ అయ్యింది. అభికి కథకు చెక్ పెట్టాలని విన్నీ రంగంలోకి దిగాడు. ఆల్ రెడీ ఓ దెబ్బ కొట్టాడు కూడా. అయితే వేదా, యశోధర్‌ల మధ్య దూరం మరింత పెగిరిపోతుంది. ఇంకా ఇంకా అపార్థం చేసుకుంటున్నాడు యష్. ఇప్పుడు నేటి Ennenno Janmala Bandham April 10 episode హైలైట్స్ చూద్దాం.
Ennenno Janmala Bandham Today: యష్.. వేదాని దూరం పెట్టడం మొదలుపెట్టినా.. వేదకి కారణం తెలియకపోవడంతో.. ఏవో చిన్న చిన్న కోపాలు అనుకుంటుంటూ ఉంటుంది. అంతే తప్పా.. తనని విన్నీతో కలిపి అనుమానిస్తున్నాడని తెలియదు. మరోవైపు యష్‌కి ప్రెసిడెంట్ అవార్డ్ రావడంతో.. ఆ ఫంక్షన్‌కి కావాలనే వేదాని వదిలిపెట్టి యష్ వసంత్‌తో పాటు వెళ్లిపోతాడు. ఇక వేదా, చిత్ర, మాలనీ, రత్నం అంతా తర్వాత వెళ్తారు. ఇక మరునాడు ఉదయాన్నే పేపర్‌లో అభి.. యష్ ఫొటో.. అవార్డ్ వివరాలు చూసి రగిలిపోతాడు. ఆ పేపర్‌కి ముక్కులు ముక్కలు చేస్తాడు. ఇంతలో కైలాష్ పరుగున వస్తాడు.
‘ఏం అయ్యింది బ్రో’ అంటే. . ‘నాకు రావాల్సిన ప్రెసిడెంట్ అవార్డ్ ఆ యష్ గాడికి వచ్చింది’ అంటాడు. దాంతో కైలాష్ నవ్వుతూ.. ‘మన దగ్గర డబ్బులు కూడా తీసుకున్న బోర్డ్ మెంబర్స్ నిన్ను వదిలి యశోధర్‌ని సెలెక్ట్ చేయడం ఏంట్రీ బ్రో? అయినా మా బావమరిదికి రాసిపెట్టిఉంది.. వదిలెయ్ బ్రో..’ అంటాడు. దాంతో లాగిపెట్టి కొట్టిన అభి.. ‘అలా ఎలా వదిలేస్తాను.. నా జీవితంలో వాడే నా శత్రువు. వాడ్ని వదిలిపెట్టను’ అంటూ రగిలిపోతాడు. ‘ఢిల్లీలో ఆ వివిన్(విన్నీ)గాడికి ఉన్న సంబంధాలతో ఈ అవార్డ్ నాకు రాకుండా ఆ యష్‌కి వచ్చేలా చేసి ఉంటాడు.. వాడిపదే ఇది’ అంటూ రగిలిపోతాడు. ఇంతలో కాల్ వస్తుంది అభికి. ‘మీరు యశోధర్ గారి అవార్డ్ పంక్షన్‌ తప్పకుండా రావాలి’ అంటాడు అవతల వ్యక్తి. ‘తప్పుకుండా వస్తాను చటర్జీ గారు.. యశోధర్ నా బెస్ట్ ఫ్రెండ్ కదా’ అంటూ ఫోన్ పెట్టేస్తాడు అభి.
ఇక సీన్ కట్ చేస్తే.. వేదా వాళ్లు రాగానే.. ముందు విన్నీని కలుస్తుంది వేదా. అది చూసి యష్ మరింత తప్పుగా అర్థం చేసుకుంటాడు. చూడనట్లుగా వెళ్లిపోతాడు. మరోవైపు వేదా.. విన్నీ దగ్గర.. ‘ఆ అభిమన్యు వస్తాడేమో’ అని భయపడుతూ ఉండగానే.. మాళవికతో ఎంట్రీ ఇస్తాడు అభి. ‘మనం ఎందుకు అభి డార్లింగ్ ఇక్కడికి?’ అంటుంది మాళవిక. ‘మనకు యశోధర్ శత్రువు కదా.. వాడి మధ్య చిచ్చు రేపి సంబరపడదాం’ అంటాడు అభి. ఇక వేదా దగ్గర నుంచే అభిని చూసిన విన్నీ.. ‘నువ్వేం భయపడొద్దు.. అభి ఏం రచ్చా చేయకుండా నేను చూసుకుంటాను’ అంటూ మాటిస్తాడు. ఎదురుగా వెళ్లి అభికి హాయ్ చెబుతూ చేయి అందిస్తాడు విన్నీ. ‘నువ్వు వస్తావు అనుకోలేదు’ అంటాడు విన్నీ. ‘అందరూ అనుకున్నట్లు ఉంటే నేను అభిమన్యుని ఎందుకు అవుతాను?’ అంటూ నవ్వుతూ లోపలికి వెళ్తాడు మాళవికతో కలిసి అభి. దాంతో విన్నీ నవ్వుతూ.. ‘హూ తోకలు కత్తిరించడం నాకు బాగా తెలుసు..’ అనుకుంటాడు మనసులో.
ఇక మరోవైపు వేదా.. బ్రేస్ లెట్ తెస్తుంది యష్‌కి ఎలాగైనా ఇవ్వాలని. వెళ్లి యష్ చేతికి పెట్టు అని మాలనీ వాళ్లు పంపించడంతో.. యష్.. ఎవరితోనో మాట్లాడుతూ ఉంటే.. కింద నుంచి వెళ్లి.. చేయి అందుకుని బలవంతంగా ఆ బ్రేస్ లెట్‌ని యష్ చేతికి పెడుతుంది. అది చూసిన ఆ పక్కవాళ్లు.. వేదాని పెట్టిందని గమనించి.. ‘నైస్ గిఫ్ట్.. నైస్ వైఫ్.. బ్యూటిఫుల్ వైఫ్’ అంటూ పొగుడుతారు. సిగ్గుపడుతుంది వేద. ‘గిఫ్ట్ చాలా బాగుంది సార్’ అంటాడు అక్కడే ఉన్న వ్యక్తి యశోధర్ చేతికి ఉన్న బ్రేస్ లెట్ చూస్తూ. ‘ఇది గిఫ్ట్ ఏం కాదు రావుగారు.. దీనికి ఎమోషనల్ వాల్యూ ఏం లేదు.. పైకి కనిపించేది అంతా మంచిదే కావాల్సిన అవసరం లేదు కదా?’ అనేసి వెళ్లిపోతాడు. వేదా గుండె ముక్కలైపోతుంది. వెంటనే... ‘అన్నది నా భర్తే కదా.. ఫర్లేదులే’ అని సరిపెట్టుకుంటుంది. Ennenno Janmala Bandham కొనసాగుతోంది. మిగిలిన వివరాలు తరువాయి భాగంలో చూద్దాం. (photo courtesy by star మా and disney+ hotstar)
శేఖర్ కుసుమ సమయం తెలుగులో ప్రిన్సిపల్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ సినిమా, టీవీ రంగానికి సంబంధించిన తాజా వార్తలు, స్టోరీలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఎంటర్‌టైన్మెంట్ రంగాలకు సంబంధించి వార్తలు రాశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
