Ennenno Janmala Bandham ఫిబ్రవరి 07: విన్నీకి అభితో స్నేహం! వేదకు ఊహించని జలక్..

Ennenno Janmala Bandham Today: ‘ఎన్నెన్నో జన్మల బంధం’ ఉత్కంఠగా మారింది. నిన్నటి కథనంలో చిత్ర(వేదా చెల్లెలు) పని చేసే కంపెనీని కొనేసిన అభి.. ఆ కంపెనీకి సీఈవోగా చిత్రకు షాకిచ్చాడు. పైగా చిత్రకు ఆ కంపెనీలో పనిచేస్తాను అని ఏడాదికి బాండ్ రాసి ఇచ్చిన పేపర్స్ చూపించి.. నువ్వు నా నుంచి తప్పించుకోలేవు అంటూ బెదిరించే ప్రయత్నం కూడా చేశాడు. చిత్ర కూడా గట్టిగానే వార్నింగ్ ఇచ్చింది కానీ.. చిత్ర అందంపై కన్ను వేసిన అభి.. ఎలాగైనా సొంతం చేసుకుని వేదా వాళ్లని ఇబ్బందుల్లో పడేయాలనే ఉద్దేశంలోనే ఉన్నాడు. ఇక ఈ క్రమంలోనే వేదకు మరో షాక్ తగిలింది. ఆ హైలైట్స్ చూద్దాం ఇప్పుడు.

నేటి కథనంలో వేదా అందంగా రెడీ అయ్యి విన్నీ పిలిచిన పార్టీకి వెళ్లేందుకు సిద్ధంగా ఉంటుంది. అప్పుడే ఇంటికి వచ్చిన యష్.. మనసులో.. ‘ఇదేంటి నేను రాను అంటే.. పిలవకుండానే బతిమలాడకుండానే రెడీ అయ్యి పోయింది. రమ్మని అడగదా?’ అనుకుంటాడు. వేదా మాత్రం కూల్‌గా.. ‘మీకు రావాలంటే రండి.. మిమ్మల్ని మాటిమాటికి రమ్మని ఇబ్బంది పెట్టలేను.. మీరు వస్తే చాలా సంతోషిస్తాను.. వెయిట్ చేస్తూ ఉంటాను.. నేను వెళ్తున్నాను.. అసలే నా బెస్ట్ ఫ్రెండ్ విన్నీ పిలిచాడు’ అంటూ వెళ్లిపోతుంది. ఇక మొదట రగిలిపోయిన యష్.. మనసులో తెగ ఆలోచిస్తాడు. కాసేపటికి.. వేదా ఒక్కర్తే అక్కడ పార్టీలో ఇబ్బందిపడుతుందేమో.. వెళ్తేనే బెటరా? అని ఆలోచిస్తూ ఉంటాడు.

ఇక విన్నీ పిలిచిన పార్టీకి వేదా వెళ్తుంది. అక్కడ విన్నీ.. వేదా అందానికి పడిపోయినట్లుగా.. కాలేజ్‌లో నన్ను పెద్దగా పట్టించుకునేదానివి కాదుగా.. అప్పుడు పట్టించుకుని ఉంటే మనం కథ వేరేలా ఉండేది వేదు..’ అంటూ ఏదేదో మాట్లాడబోతుంటాడు. ‘ఇప్పుడు నాకు పెళ్లి అయ్యింది కదా విన్నీ.. అవన్నీ ఎందుకు?’ అంటుంది వేద. మొత్తానికి విన్నీ మాటల్లో ఇంతకాలం పెళ్లి చేసుకుండా మిగిలిపోయింది వేదాని ప్రేమించడం వల్లే అని అర్థమవుతుంది ప్రేక్షకులకు.

ఇక అభి.. రెడీ అయ్యి వెళ్తుంటే.. ఎదురుగా కూర్చున్న మాళవిక.. ‘అభి డార్లింగ్.. నన్ను తీసుకుని వెళ్లకుండా వెళ్తావేంటీ? ఇంట్లో బోర్ కొడుతుంది చాలా’ అంటుంది. ‘నిన్ను తీసుకుని వెళ్లాలని నాకుండదా చెప్పు.. కానీ అక్క మన మీద కోపంగా ఉంది కదా.. అందుకే కొంత కాలం కలిసి వెళ్లడం అది వద్దు ప్లీజ్ బంగారం’ అంటూ నచ్చజెప్పి.. కాకాపట్టి.. అక్కడి నుంచి పార్టీకి బయలుదేరతాడు అభి. ఇక అభి వచ్చింది వేరే పార్టీకి కాదు.. విన్నీ వాళ్ల పార్టీకే.

విన్నీ వేదాతో.. ‘అవును వేదూ మీ వారు ఎందుకు రాలేదు?’ అంటే.. ‘ఇద్దరం కలిసే వచ్చాం విన్నీ.. ఏదో అర్జెంట్ కాల్ వస్తే మళ్లీ వస్తాను అని వెళ్లారు.. వస్తారు’ అంటుంది తప్ప నిజం చెప్పదు. మనసులో మాత్రం.. ‘మిస్టర్ యారిగెంట్ రావచ్చు కదా... నాకుండా ఎందుకు ఇంత ఇగో ఆయనకి.. వస్తారేమోలే’ అనుకుంటూ ఉంటుంది. ఇక యష్ రేడీ అవుతూ ఉంటాడు వేదా దగ్గరకు వెళ్లడానికి. అప్పుడు కూడా వేదా నవ్వుతున్న ఫొటోని చూసి.. కుళ్లుకుంటాడు. అక్కడికి వచ్చాక కూడా ఇలానే నవ్వుతావా నువ్వు? నేను అలా అయితే రాను’ అంటాడు. వస్తాను అంటాడు. అలా నాలుగైదు సార్లు తనలో తనే మాట్లాడుకున్నాక రెడీ అవుతాడు వెళ్లడానికి డిసైడ్ అయ్యి.

ఇక అభి.. ఎంట్రీని చూసి అక్కడే ఉన్న వేదా షాక్ అవుతుంది. పక్కనే ఉన్న విన్నీకి.. అభిని చూపించి.. ‘అతన్ని ఎవరు పిలిచారు? అతను నీకు ముందే తెలుసా?’ అంటుంది షాక్‌లో. ‘హో తనా మిస్టర్ అభిమన్యు.. తనని నేనే పిలిచాను.. బిజినెస్ పార్టనర్’ అంటాడు. షాక్ అవుతుంది వేదా. ‘వద్దు అతడు మంచివాడు కాదు విన్నీ.. తను చాలా చెడ్డవాడు.. తనతో స్నేహం నీకు అంత మంచిది కాదు’ అంటుంది వేదా. ‘అయ్యో వేదూ.. తను ఓ బిజినెస్ పార్టనర్.. నేను నీకు కేవలం ఫ్రెండ్‌గానే తెలుసు.. నాలో మరో యాంగిల్ కూడా ఉంది. అది బిజినెస్ మ్యాన్.. ఏం కాదు నువ్వేం కంగారు పడకు వస్తాను ఉండు’ అంటూ వేదాని వదిలి అభి దగ్గరకు వెళ్తాడు విన్నీ.

హాయ్ అభిమన్యూ అంటూ బొకే ఇచ్చి వెల్కమ్ చెబుతాడు విన్ని. ఇక దూరం నుంచి చూస్తున్న వేదా బాధగా, షాకింగ్‌గా చూస్తూనే ఉంటుంది. కమింగ్ అప్‌లో.. యష్ అందంగా రెడీ అయ్యి పార్టీకి వస్తాడు. అప్పటికే వేదా ఒక్కర్తే బాధగా దిగులుగా కూర్చుని యష్ రావడం చూసి సంబరంగా పైకి లేస్తుంది. నవ్వుతూ యష్‌ని హత్తుకుంటుంది. అది బహుశా వేదా, యష్‌ల ప్రేమ ఊహ కావచ్చు. యష్ రావడం నిజమే కానీ.. హత్తుకోవడం నిజం కాకపోవచ్చు. మరిన్ని వివరాలు తరువాయి భాగంలో చూద్దాం! Ennenno Janmala Bandham కొనసాగుతోంది. (photo courtesy by star మా and disney+ hotstar)

Read Also:‘త్రినయని’ ఫిబ్రవరి 07 ఎపిసోడ్: విశాల్‌ని చంపేందుకు సుమన.. అన్నప్రాసనలో నయని మనోనేత్రం