దెయ్యాల భవనంలోకి వెళ్లిన టీనేజర్.. అక్కడ అది చూసి మృతి!

దెయ్యాలు (Ghosts), భూతాలంటే మనకు ఒక రకమైన భయం ఉంటుంది. అసలు అవి ఉన్నాయా లేవా అన్నది పెద్ద డిబేట్. అందులోకి వెళ్లకుండా... ఈ ఘటనలో ఏం జరిగిందన్నది పరిశీలిస్తే... మలేసియాలో 16 ఏళ్ల కుర్రాడు... ఓ భవనంలో చనిపోయాడు. ఆ భవనాన్ని దెయ్యాలు వెంటాడే భవనం (Haunted House)గా స్థానికులు పిలుస్తారు. కొన్ని కారణాల వల్ల ఆ కుర్రాడి పేరును బయటపెట్టలేదు. పహంగ్ రాష్ట్రంలో... బెంటాంగ్‌లో ఆ భవనం ఉంది. అక్కడకు డిసెంబర్ 1న తన ఫ్రెండ్‌కి చెందిన ఫ్యామిలీ సభ్యులతో వెళ్లాడు. అది చాలా పెద్ద భవనం. లోపల చీకటిగా ఉంటుంది. అప్పటిదాకా ఫ్యామిలీ సభ్యులతోనే తిరిగిన కుర్రాడు... కాసేపటికి వేర్వేరు గదుల్లోకి వెళ్లడం ప్రారంభించాడు. అది చీకటి సమయం కాకపోవడంతో... ఎవరూ అతన్ని పట్టించుకోలేదు.

కాసేపటి తర్వాత ఏదో శబ్దం వచ్చింది. అది వచ్చిన గదిలోకి వెళ్లి చూస్తే... ఆ కుర్రాడు నేలపై పడిపోయి ఉన్నాడు. అతన్ని కదిపితే కదల్లేదు. దాంతో... హడావుడిగా ఆస్పత్రికి తరలించారు. డాక్టర్ అతను హార్ట్ ఎటాక్‌ (cardiac arrest)తో చనిపోయాడని చెప్పడంతో... షాక్ అవ్వడం వారి వంతైంది.

దెయ్యాలు చంపేశాయా?
అసలే అది భూత్ బంగ్లా. దానికి తోడు అతను ఒంటరిగా చనిపోయాడు. అందువల్ల స్థానికులు అతన్ని దెయ్యాలే చంపేశాయి అనడం మొదలుపెట్టారు. కానీ ఈ వాదనను డాక్టర్లలో నిపుణులైన వారు ఖండించారు. అతనికి వీక్ హార్ట్ (perforated heart) ఉందని తెలిపారు. అలాంటి వాళ్లకు ఏ చిన్న భయం కలిగినా... గుండె జబ్బు వచ్చే ప్రమాదం ఉంటుందని తెలిపారు. ఆ కోణంలో చూస్తే... అతను ఒంటరిగా భవనంలో తిరుగుతున్నప్పుడు ఏదో నీడనో, లేక బూజునో చూసి... దెయ్యం అనుకొని భయపడి ఉంటాడు. దాంతో హడలిపోయి.. హార్ట్ ఎటాక్‌తో చనిపోయి ఉండొచ్చు అని అనుకోవచ్చు.

ఆరోగ్య నిపుణులు మరింత వివరణ కూడా ఇచ్చారు. వీక్ హార్ట్ (perforated heart) ఉన్నా... ప్రతి చిన్న విషయానికీ హార్ట్ ఎటాక్ రాదనీ... ఇలా జరిగే అవకాశాలు చాలా తక్కువగానే ఉంటాయని తెలిపారు. ఏది ఏమైనా... ఇలా ఆ కుర్రాడు సడెన్‌గా చనిపోవడం... అందులోనూ ఆ హంటెడ్ హౌస్‌లో చనిపోవడంపై స్థానికంగానే కాదు... ప్రపంచవ్యాప్తంగా చర్చ జరుగుతోంది. ఆ కుర్రాణ్ని ఆ భవనం నుంచి బయటకు తీసుకొచ్చి... ఆస్పత్రికి తీసుకెళ్లిన ఫుటేజ్ మలేసియా సోషల్ మీడియాలో కనిపిస్తోంది. అది మొత్తం 3 నిమిషాల వీడియో. ఆ ఫుటేజ్‌లో అతనిలో ఉలుకూ పరలుకూ లేదు. దాన్ని బట్టీ... అతను భవనంలోనే చనిపోయినట్లు కనిపిస్తోంది.

Video: రైల్వే ఉద్యోగి హఠాన్మరణం.. షాకింగ్ వీడియో వైరల్
ఆ కుర్రాడికి వీక్ హార్ట్ ఉందని తమకు తెలియదని కుర్రాడి ఫ్రెండ్ తరపు కుటుంబ సభ్యులు చెబుతున్నారు. అలా తెలిసి ఉంటే... అతన్ని అసలు ఆ భవనంలోకే తీసుకెళ్లేవాళ్లం కాదని అంటున్నారు. అసలు తనకు వీక్ హార్ట్ ఉందని ఆ కుర్రాడికీ, అతని కుటుంబ సభ్యులకు తెలుసా అన్నది కూడా ఇంకా తేలలేదు. పోలీసులు మృతదేహాన్ని మెలాకాకు తరలించారు. చనిపోక ముందు ఆ కుర్రాడు అక్కడే ఉండేవాడు. కేసు దర్యాప్తు కొనసాగుతోంది.