viral video: డైనోసార్ కోడి.. ప్రపంచంలోనే పెద్దది!.. బరువెంతో తెలుసా?

ప్రపంచంలోనే అది పెద్ద కోడిగా అనధికారికంగా చెప్పుకుంటున్న ఓ కోడికి సంబంధించిన వీడియో ఇప్పుడు సోషల్ మీడియాలో నెటిజన్లను ఆశ్చర్యపరుస్తోంది. నిజానికి ఇది పాత వీడియోనే. కానీ ఇన్‌స్టాగ్రామ్ పేజీ animals.hilarious లో దీన్ని జులై 6, 2022న పోస్ట్ చేశారు. దాంతో ఇది వైరల్ అయ్యింది. దీనికి ఇప్పటికే 7 లక్షలకు పైగా వ్యూస్ రాగా... 38వేలకు పైగా లైక్స్ వచ్చాయి. ఒక్క రోజులోనే ఇది ఇంతలా వ్యూస్ తెచ్చుకుందంటే... ఆ కోడి ఎంతలా నెటిజన్లను ఆకట్టుకుంటోందో అర్థం చేసుకోవచ్చు. (Biggest Chicken In The World)

వీడియోని గమనిస్తే... దాదాపు 3 అడుగుల ఎత్తున్న బ్రహ్మ కోడి పుంజు (Brahma chicken) తన గూట్లోంచీ బయటకు వచ్చింది. గూట్లో ఉన్నప్పుడు చిన్నగా కనిపించిన కోడి... బయటకు వస్తున్నప్పుడు పెద్ద కొండలా, డైనోసార్ లాగా కనిపిస్తోంది. అఫ్‌కోర్స్.. కోళ్లు డైనోసార్ జాతికి చెందినవే. టీ-రెక్స్ జాతికి చెందినవి. యూరప్ ఆగ్నేయాన ఉన్న కొసావోలో ఈ కోడి ఉంది. దీని బరువు 7.7 కేజీలు. ఈ జాతి కోళ్ల యావరేజ్ బరువు 5 కేజీలకు పైగా ఉంది. ఇది వాటి కంటే ఎక్కువ బరువు ఉంది. (Brahma chicken video)

కోళ్లలో బ్రహ్మ కోళ్లు... భారీ కోళ్లు. తూర్పు దేశాల నుంచి ఈ కోళ్లను అమెరికా దిగుమతి చేసుకుంది. అక్కడ వీటిని జాగ్రత్తగా పెంచి... భారీగా పెరిగేలా చేస్తోంది. తద్వారా ఈ జాతి కోళ్లు 5.5 కేజీల దాకా బరువు పెరుగుతున్నాయి.

ఆ వీడియోని ఇక్కడ చూడండి (viral video)


ఈ కోడిని చూసి నెటిజన్లలో నోరెళ్లబెడుతున్నారు. ఇంతుందేంటి అంటున్నారు. కొంతమందైతే... ఇది నిజమైన కోడి కాదనీ... గ్రాఫిక్స్ అని అంటున్నారు. మరికొందరేమో... మనిషే కోడి లాగా డ్రెస్ వేసుకున్నాడని అంటున్నారు. ఈ వీడియో ఫేక్ అంటున్నారు.
Autopsy An Alien: గ్రహాంతరవాసికి శవపరీక్ష.. అమెరికా ఆర్మీ చేయించిందా?
"బ్రహ్మ కోళ్లు పెద్దగా ఉండటమే కాదు... అందంగా కూడా ఉంటాయి" అని ఓ యూజర్ కామెంట్ ఇవ్వగా... "ఈ కోడితో యుద్ధం చేయడానికి ఎవరైనా పీటర్‌ని తీసుకురండి" అని మరో యూజర్ స్పందించారు. "ఇది కోడి కాదు డ్రాగన్" అని ఇంకో యూజర్ కామెంట్ ఇచ్చారు. "వామ్మో అది అచ్చం డైనోసార్ లాగా నడుస్తూ వచ్చింది" అని నాలుగో యూజర్ కామెంట్ ఇచ్చారు.
Intelligent Cat: వావ్.. ఈ పిల్లి చేసిన పని చూస్తే.. మెచ్చుకోకుండా ఉండలేరు
"అది నిజమైన కోడేనా... కచ్చితంగా చెబుతున్నారా" అని మరో యూజర్ అనుమానం వ్యక్తం చేశారు. "ఈ కోడిని చూడగానే సడెన్‌గా చికెన్ వింగ్స్ తినాలనే కోరిక కలిగింది. నిజమండీ" అని మరో యూజర్ కామెంట్ ఇచ్చారు.