జులైలో భూమికి ఏలియన్స్.. తర్వాత ఉల్క దాడి.. మరో టైమ్ ట్రావెలర్ ప్రకటన

టైమ్ ట్రావెల్ సాధ్యమా కాదా... అనే అంశంపై ఇప్పుడు మనం చర్చించుకోవద్దు. డైరెక్టుగా పాయింట్‌కి వెళ్లిపోదాం. టిక్‌టాక్‌లో @realtiktoktimetraveller పేరుతో ఓ ఎకౌంట్ ఉంది. అందులో ఓ వీడియో పోస్ట్ చేశారు. తాను టైమ్ ట్రావెలర్ (time traveller) అనీ.. 2236 నుంచి 2022కి వచ్చానని చెప్పాడు. "ఈ వేసవి కాలంలో మనుషులు గ్రహాంతర వాసుల్ని కలుస్తారు. ఆ తర్వాత కొన్ని నెలలకు యూరప్‌పై భారీ ఉల్క (Meteor) పడుతుంది. అని చెప్పాడు. మరికాస్త వివరంగా తెలుసుకుందాం. (aliens contact humans)

డైలీ స్టార్ రిపోర్ట్ ప్రకారం... మే 18న అతను పోస్ట్ చేసిన టిక్ టాక్ వీడియోకి ఇప్పటికే 4వేలకు పైగా లైక్స్ వచ్చాయి. "చాలా మంది ఇప్పటికీ నన్ను నమ్మట్లేదు. నేను నిజమైన టైమ్ ట్రావెలర్‌ని. 2236 నుంచి వచ్చాను. ఈ సంవత్సరం జరగబోయే అంశాలపై మిమ్మల్ని హెచ్చరించేందుకు వచ్చాను" అని చెప్పాడు. (meteor struck the earth)
(image credit - tiktok - @realtiktoktimetraveller)

"జులై 7న అర్జాక్స్ (Arzax) అనే గ్రహాంతరవాసుల్ని (Aliens) మనుషులు కలుస్తారు. అమెరికా... అలస్కాకు దక్షిణం వైపున ఇది జరుగుతుంది. ఆగస్ట్ 13న స్టాక్ (Stak) అనే హ్యాకర్...3.67 కోట్ల టిక్ టాక్ అకౌంట్లను డిలీట్ చేస్తాడు. అవన్నీ రూల్స్‌కి విరుద్ధంగా ఉన్నాయని చెబుతాడు. అక్టోబర్ 12న డ్రాక్నాయిడ్స్ (the Dracnoids) అనే ఉల్క యూరప్‌ని ఢీకొట్టడం వల్ల చాలా మంది చనిపోతారు" అని తెలిపాడు.
(image credit - tiktok - @realtiktoktimetraveller)

కొంతమంది ఈ వీడియోకి సపోర్ట్ ఇస్తున్నారు. "భూమిపై ఎలాంటి చెడూ జరగకూడదని కోరుకుందాం" అని ఓ యూజర్ కామెంట్ ఇవ్వగా... "అమెరికా ప్రభుత్వం ఏలియన్స్ విషయాల్ని దాచేస్తోంది. కాబట్టి ఇది నిజం కావచ్చు" అని మరో యూజర్ కామెంట్ ఇచ్చారు.
2023లో యుగాంతం?.. మరో టైమ్ ట్రావెలర్.. తెరపైకి కొత్త వాదన
చాలా మంది యూజర్లు అతన్ని తప్పుపట్టారు. మరో కొత్త టైమ్ ట్రావెలర్ పుట్టుకొచ్చాడని సెటైర్లు వేస్తున్నారు. కొంతమంది "ఈ వీడియోని డౌన్‌లోడ్ చేసి దాచి ఉంచుకుంటాం. నువ్వు చెప్పినట్లు జరగకపోవాలీ... అప్పుడు చెప్తాం నీ సంగతి" అని వార్నింగ్ ఇచ్చారు.
viral video: సడెన్‌గా వచ్చిన వ్యక్తి.. మరో విశ్వం నుంచి వచ్చాడా?
ఇతనికి ముందు 2269 నుంచి వచ్చినట్లు మరో టైమ్ ట్రావెలర్ టిక్‌టాక్‌లో వీడియో పెట్టాడు. ఓ భారీ గ్రహశకలం భూమికి దగ్గరగా వస్తుందని చెప్పాడు. అతని అకౌంట్ పేరు @_time_traveller_2269. చందమామలో సగం సైజు ఉండే ఆ గ్రహశకలం వచ్చే సంవత్సరం వస్తుందనీ... అది 868.7 కిలోమీటర్ల వెడల్పు ఉంటుందని తెలిపాడు. ఇలా ఈ మధ్య టైమ్ ట్రావెలర్లుగా చెప్పుకుంటున్న వాళ్లు ఎక్కువైపోతున్నారు.