2023లో యుగాంతం?.. మరో టైమ్ ట్రావెలర్.. తెరపైకి కొత్త వాదన

భవిష్యత్తు నుంచి వచ్చామంటారు... డైరెక్టుగా మాత్రం కనిపించరు. భూమిపై కరోనా వచ్చాక... టైమ్ ట్రావెలర్లు ఎక్కువైపోయారు. వీళ్లంతా టిక్‌టాక్ ఉపయోగిస్తూ... అందులో వీడియో సందేశాలు ఇస్తున్నారు. టిక్‌టాక్ ద్వారా త్వరగా లక్షల మందికి చేరువయ్యే ఛాన్స్ ఉండటంతో వీళ్లంతా దాన్నే ఉపయోగిస్తున్నారు. తాజాగా మరో టైమ్ ట్రావెలర్ అని చెప్పుకునే వ్యక్తి తయారయ్యాడు. ఇతను ఏమంటున్నాడంటే... వచ్చే సంవత్సరం (2023లో)... చందమామలో సగం సైజు ఉన్న గ్రహశకలం ఒకటి భూమివైపు వస్తుంది అన్నాడు. (asteroid will approach earth)

ఈ టైమ్ ట్రావెలర్ (Time traveller) 2269 నుంచి వచ్చానని చెబుతున్నాడు. నిజంగా అతను ఆ కాలం నుంచి వచ్చినట్లైతే... ఇప్పుడు యుగాంతం జరగనట్లే అనుకోవాలి. 2269 వరకూ భూమికి ఎలాంటి ఆపదా లేదనే అనుకోవచ్చు. ఎందుకంటే 2023లో యుగాంతమే జరిగితే... ఇక భవిష్యత్తే ఉండదు. అప్పుడు అతను భవిష్యత్తు నుంచి వచ్చే అవకాశమే ఉండదు. ఈ చిన్న లాక్ మిస్సైన అతను... జనాన్ని భయపెట్టేందుకు నాటకాలు ఆడుతున్నాడు. (asteroid will pass earth in 2023)

టిక్ టాక్‌లో 10 సెకండ్ల వీడియో క్లిప్ పెట్టిన అతను (_time_traveler_2269_)... 868.7 కిలోమీటర్ల వ్యాసార్థం ఉన్న ఓ గ్రహశకలం (Asteroid) వచ్చే సంవత్సరం భూమివైపు వస్తుందని తెలిపాడు. అది చందమామ సైజులో సగం ఉంటుంది అన్నాడు. తాను జోక్ చెయ్యట్లేదని చెప్పాడు. అయితే అది భూమిని ఢీకొంటుందని మాత్రం చెప్పలేదు. భూమికి అతి దగ్గరగా వస్తుందని చెప్పాడు.

నిజంగా అంత పెద్ద గ్రహశకలం భూమికి దగ్గరగా వస్తే... అది భూమికి చెందిన రోచ్ లిమిట్ (Roche limit) లోకి వచ్చినట్లు అవుతుంది. ఏదైనా వస్తువు భూమికి చెందిన రోచ్ లిమిట్ లోకి వస్తే అది ముక్కలైపోతుంది. ఆ ముక్కలు భూమిపై పడతాయి. ఆ లెక్కన ఈ గ్రహశకలం ముక్కలై భూమిపై పడే ఛాన్స్ ఉంటుంది. అది యుగాంతానికి దారి తియ్యగలదు. కానీ ఇదంతా కట్టుకథ కాబట్టి.. మనం నమ్మాల్ని పనిలేదని నెటిజన్లు అంటున్నారు.
viral video: శ్రద్ధాంజలి సభలో.. యువతి బెల్లీ డాన్స్.. బట్ వై?
ఈమధ్య హాలీవుడ్‌లో మూన్ ఫాల్ (Moonfall) అనే సినిమా వచ్చింది. అది చూసి ఉంటాడు. అందుకే ఈ కహానీ చెబుతున్నాడనే అభిప్రాయం వ్యక్తమవుతోంది. "మరేం పర్లేదు. నేను నా షెడ్‌లో దాక్కుంటాను" అని ఓ యూజర్ కామెంట్ ఇవ్వగా... "థాంక్స్... నేను దీన్ని పట్టించుకోకుండా ఉండేందుకు గుర్తుంచుకుంటాను" అని మరో యూజర్ సెటైర్ వేశారు.
viral video: ప్రాణాపాయ స్థితిలో యజమాని.. ప్రాణాలకు తెగించి కాపాడిన కుక్క
"నేను కూడా టైమ్ ట్రావెలర్‌నే. నేను 1963 నుంచి వచ్చాను. సారీ లేట్ అయ్యాను" అని మరో యూజర్ సెటైర్ వేశారు.
viral video: ఓయమ్మో.. ఇదేం కుర్చీలాటరో.. ఎప్పుడూ చూడలా...
నాసా ఏం చెప్పింది?
మే 15, 2022న ఎంపైర్ స్టేట్ భవనం కంటే పెద్ద గ్రహశకలం ఒకటి భూమివైపు వచ్చి వెళ్తుందని నాసా (NASA) చెప్పింది. అది రావడం, వెళ్లిపోవడం కూడా అయిపోయింది. ఈ టైమ్ ట్రావెలర్లు సెన్సేషన్ కోసం, పబ్లిసిటీ కోసం ఇలాంటి హెచ్చరికలు చేస్తున్నారనే వాదన వినిపిస్తోంది.