Husband for Rent: భర్తను మహిళలకు అద్దెకు ఇస్తోంది.. భారీగా సంపాదిస్తోంది

ఎవరైనా సరే పని చేస్తేనే కదా డబ్బు వచ్చేది. కానీ పని ఎలా పొందాలి అనేది అసలు విషయం. రొటీన్‌గా నాకు జాబ్ ఇవ్వండి అంటే ఎవరు ఇస్తారు. ఏదైనా క్రియేటివిటీ చూపించాలి. ఆ భార్యాభర్తలు ఇక్కడే తెలివైన ప్లాన్ వేశారు. తన భర్త మల్టీ టాలెంటెడ్ అని ప్రచారం చేస్తున్న భార్య... అతన్ని అద్దెకు ఇస్తానని ప్రకటించింది. ఇదేదో కొత్తగా, సిల్లీగా ఉందే అని ఆసక్తి చూపిస్తున్న ఇతర మహిళలు... అతన్ని అద్దెకు తీసుకుంటున్నారు. ఈ ప్లాన్ పక్కాగా అమలు చేసి సక్సెస్ అయ్యారు ఆ దంపతులు. వారి కథ వైరల్ అయ్యింది. (Hire my handy hubby story)

ఆమె పేరు లారా యంగ్ (Laura Young). ముగ్గురు పిల్లల తల్లి. ఆమె ప్లాన్ ప్రకారం భర్త జేమ్స్‌కి రకరకాల ఇంటి పనులు నేర్పించింది. మహిళలు చేసుకునే ఎన్నో రకాల పనులను అతను నేర్చుకున్నాడు. అలాగే.. రకరకాల వర్కర్లు చేసే పనులన్నీ నేర్చుకున్నాడు. అలా అతను ఇళ్లలో ఎలాంటి పని చేయడానికైనా (any DIY job) రెడీ అన్నట్లు తయారయ్యాడు. ఆ తర్వాత అతన్ని అద్దెకు పెట్టింది లారా. (Husband for Rent)

నా భర్తకు అన్ని పనులూ వచ్చు అంటే ఎవరు నమ్మేస్తారు. నమ్మరు కదా.. అందుకే ప్రూఫ్ కోసం.. ముందుగా అతను తన ఇంటిని బ్రిటన్ లోని బకింగ్‌హామ్‌షైర్‌ లాగా మార్చేశాడు. సొంతంగా బెడ్స్ తయారుచేశాడు. కిచెన్‌లో ఫిట్టింగ్ వర్క్ అంతా తనే చేశాడు. వృథా కలపను వాడి స్వయంగా డైనింగ్ టేబుల్ చేశాడు. అలాగే పెయింటింగ్, డెకరేటింగ్, టైలింగ్, కార్పెట్ లేయింగ్ వంటి చాలా పనులు చేశాడు. అంతేకాదు ఇంటి చుట్టూ ఉన్న గార్డెన్‌ని కూడా చక్కగా తీర్చిదిద్దాడు. ఇవన్నీ చూశాక.. జేమ్స్ మంచి పనోడు అని లారా ఫ్రెండ్స్, బంధువులు, ఇతర మహిళలు గుర్తించారు.

భర్తను బ్రాండ్‌గా మార్చేసిన లారా... అద్దెకు తీసుకోండి.. అన్ని పనులూ చేయించుకోండి అని ఆఫర్ ఇచ్చింది. బయటి వ్యక్తులకు పనులు ఇచ్చే కంటే... తెలిసిన వ్యక్తి అయిన లారా భర్తకు పనులు ఇవ్వడం మంచిదని భావించిన ఫ్రెండ్స్, స్థానికులు అతనికి పనులు ఇవ్వడం మొదలుపెట్టారు. అలా వారి ఇళ్లకు వెళ్లి... పనులు చేసి... డబ్బు తీసుకుంటున్నాడు జేమ్స్.
నిద్రపోతూ నెలకు రూ.26 లక్షలు సంపాదిస్తున్నాడు.. చిత్రంగా లేదూ..
మరింత ఎక్కువ డబ్బు సంపాదించేందుకు లారా మరో ప్లాన్ వేసింది. రెంట్ మై హ్యాండీ హస్బెండ్ (Rent My Handy Husband) అనే వెబ్‌సైట్ ప్రారంభించింది. ఫేస్‌బుక్, నెక్ట్స్‌డోర్ యాప్‌లలో యాడ్స్ ఇచ్చింది. అలా మరింత ప్రచారం జరిగింది. జేమ్స్ మంచిగా పనిచేస్తూ... తన రేటింగ్ పెంచుకుంటున్నాడు. ప్రస్తుతం ఈ జంట రోజుకు రూ.3,500 దాకా సంపాదిస్తోంది.
Japanese Cast Away: 29 ఏళ్లు దీవిలో ఒంటరిగా గడిపాడు...
జేమ్స్ రెండేళ్ల కిందటి వరకూ ఓ గిడ్డంగిలో నైట్ షిఫ్ట్ వర్కర్‌గా పనిచేసేవాడు. ఇప్పుడు DIY పనులతో బాగానే సంపాదిస్తున్న అతను త్వరలోనే కాలేజ్‌కి వెళ్లి మోటర్ మెకానిక్స్ కోర్స్ చేస్తానంటున్నాడు. తద్వారా అతను మరింత ఎక్కువ సంపాదించే వీలు ఉంటుంది.
ఇప్పటికే అతని పేరున దాదాపు 250 గిన్నీస్ రికార్డులు.. ఇప్పుడు మరొకటి...
ప్రస్తుతం జేమ్స్‌ని ఒక ఇంటికి పంపేందుకు లారా ఒక రోజుకు రూ.3,500 తీసుకుంటోంది. తన భర్తకు చిన్న చిన్న పనులు ఇవ్వొద్దనీ... పెద్దవే ఇవ్వమని అంటోంది. మొహమాటం లేకుండా పని చేయించుకోమని చెబుతోంది. దివ్యాంగులు, సంరక్షకులు, అప్పుల్లో ఉన్నవారు, 65 ఏళ్లు దాటిన వారికి మాత్రం తక్కువ అద్దెకు భర్తను పంపుతోంది. లారా లోని ఈ మనస్తత్వం నచ్చడం వల్లే ఈ దంపతులకు మంచి పేరుంది.