(image credit - twitter - TheFigen)
డాక్టర్ గా మారిన తల్లి కోతి (Monkey doing Heimlich Maneuver)
ఈ వీడియోని గమనిస్తే... ఇందులో ఓ తల్లి కోతి తన పిల్ల కోతిని పట్టుకొని గట్టిగా పైకీ కిందకూ ఊపుతున్నట్లు కనిపిస్తుంది. దీన్నే హీమ్లిచ్ యుక్తి అంటారు. ఇలా ఎందుకు చేస్తోందంటే... పిల్ల కోతి ఆహారం తిన్నప్పుడు.. ఓ గింజ దాని గొంతు లేక ఆహారనాళంలో అడ్డుపడింది. దాంతో ఊపిరి ఆడని పరిస్థితి తలెత్తింది. ఇలాంటిది మన పిల్లలకు జరిగితే మనం గబగబా ఆస్పత్రికి పరుగులుపెడతాం. అడవిలో కోతులకు ఆ ఛాన్స్ ఉండదు కదా. అందుకే తల్లి కోతి డాక్టర్ అయిపోయింది. హీమ్లిచ్ యుక్తిలో... గొంతు లేక ఆహారనాళంలో ఏదైనా అడ్డుపడినప్పుడు.. పొట్టపై ఒత్తిడి చేస్తారు. తద్వారా ఆహార నాళంలో పదార్థం గొంతు ద్వారా పైకి వస్తుంది. ఆ కోతి కూడా అదే చేసింది. తన పిల్లను రెండు కాళ్ల మధ్యలో ఉంచి.. పొట్టను బలంగా నొక్కి.. గట్టిగా ఊపింది. దాంతో గొంతులో గింజ.. నోట్లోంచీ బయటకు వచ్చేసింది. ఇలా ఆ కోతి చేసిన ట్రీట్‌మెంట్, దాని తెలివితేటలూ నెటిజన్లను ఆకర్షించాయి.
(image credit - twitter - TheFigen)
ఆ వీడియోని ఇక్కడ చూడండి (viral video)
నెటిజన్ల హాట్ డిబేట్ (Monkey Heimlich Maneuver Performance)
ఈ వీడియోలో కోతికి ఉన్న సహజమైన తెలివితేటలు నెటిజన్లను ఆశ్చర్యపరుస్తున్నాయి. కోతుల్ని చూసి మనం నేర్చుకోవాల్సింది చాలా ఉంది అని అంటున్నారు కొందరు నెటిజన్లు. ఈ వీడియోకి 800కు పైగా కామెంట్స్ వచ్చాయి. "నమ్మలేని విధంగా ఉంది" అని ఓ యూజర్ స్పందించగా... "చాలా విషయాల్లో ఇతర జంతువులు కూడా మనలాంగే ప్రవర్తిస్తాయి" అని మరో యూజర్ కామెంట్ ఇచ్చారు. "హీమ్లిచ్ యుక్తి అనేది ప్రపంచవ్యాప్తంగా గుర్తింపు పొందింది. జంతువులు కూడా దాన్ని ప్రయోగిస్తున్నాయి. మనుషులమైన మనం దాని గురించి తప్పక తెలుసుకోవాలి" అని మరో యూజర్ స్పందించారు.
(image credit - twitter - TheFigen)
నెటిజన్ల భిన్నాభిప్రాయాలు
"జంతువులు మనుషుల నుంచి నేర్చుకునేదాని కంటే... మనుషులు జంతువుల నుంచి ఎక్కువ నేర్చుకోవాలి" అని మరో యూజర్ కామెంట్ ఇవ్వగా... "ఆ పిల్ల కోతి ఈ ఘటనను తన జీవితంలో మర్చిపోలేదు" అని మరో యూజర్ కామెంట్ ఇచ్చారు. "నోట్లోంచీ వచ్చినది బయట పడినట్లు వీడియోలో స్పష్టంగా కనిపించింది. కానీ కిందపడినది కోతి కాళ్ల దగ్గర లేకపోవడం ఆశ్చర్యంగా అనిపించింది" అని మరో యూజర్ కామెంట్ ఇచ్చారు. "తెలివైన కోతి" అని మరో యూజర్ స్పందించగా... "నా ప్రశ్న ఏంటంటే... ఆ తల్లి కోతి అలా కష్టపడుతుంటే... అదంతా వీడియో రికార్డ్ చేస్తున్న వ్యక్తి... ఆ పిల్ల కోతిని కాపాడేందుకు ఏమీ చెయ్యలేదు. ఇదేనా మనుషులు చెయ్యాల్సింది?" అని మరో యూజర్ ప్రశ్నించారు.
(image credit - twitter - TheFigen)