Eat candies Job : క్యాండీస్ తినే ఉద్యోగ ఆఫర్. ఏడాదికి రూ.61 లక్షల శాలరీ

Eat candies Job offer : ప్రపంచంలో కొంత మంది అరుదైన వ్యక్తులుగా మారతారు. అందుకు కారణం వారు చేసే ఉద్యోగమే. ఇటలీలో ఓ వ్యక్తి కాఫీలను టేస్ట్ చూస్తాడు. దానికే అతనికి రూ.కోట్లు చెల్లిస్తున్నారు. అతను టేస్ట్ చూసే కాఫీలు ప్రపంచంలోనే ది బెస్ట్. వాటిని సరిగ్గా టేస్ట్ చూడటం అత్యవసరం. అందువల్లే నిపుణుడైన అతనికి ఆ ఉద్యోగం ఇచ్చారు. తాజాగా అలాంటి మరో ఉద్యోగం ఊరిస్తోంది. ఇది క్యాండీలను టేస్ట్ చూసే ఉద్యోగం. కెనడాలోని క్యాండీ ఫన్ హౌస్ (Candy Funhouse) కంపెనీ ఈ ఆఫర్ ఇస్తోంది. ఈ కంపెనీ ఆన్‌లైన్ రిటైలర్ కంపెనీ. చాక్లెట్లు, క్యాండీలు, బార్లు, లైకోరైస్ వంటివి తయారుచేస్తుంది. ఇది చీఫ్ క్యాండీ ఆఫీసర్ (chief candy officer) పోస్ట్ కోసం... ట్విట్టర్ ద్వారా ప్రకటన ఇచ్చింది. శాలరీ సంవత్సరానికి రూ.61.14 లక్షలు ఇస్తామని తెలిపింది. ఇందులో బెస్ట్ థింగ్ ఏంటంటే.. ఈ ఉద్యోగం వర్క్ ఫ్రమ్ హోమ్ (work-from-home position) అన్నమాట. ఆసక్తిగా ఉంది కదూ... వివరాల లోతుకి వెళ్తాం. (Chief Candy Officer job offer)

ఈ కంపెనీ జులైలో లింక్డ్‌ఇన్‌లో ఉద్యోగ బాధ్యతలకు సంబంధించిన వివరాల్ని ఇచ్చింది. క్యాండీ బోర్డ్ మీటింగ్స్ నిర్వహించడం, క్యాండీలను తిని... టేస్ట్ ఎలా ఉందో డిసైడ్ చెయ్యడం వంటి పనులుంటాయి. ఉద్యోగం పొందిన వారు క్యాండీ టేస్టుల హెడ్ అవుతారు. వారు చెప్పిందే ఫైనల్ అవుతుంది. ఈ ఉద్యోగానికి 5 ఏళ్లకు మించిన వారు అప్లై చేసుకోవచ్చు. 18 ఏళ్లు దాటనివారు పేరెంట్స్ అనుమతితో అప్లై చేసుకోవాల్సి ఉంటుంది.

ఈ ఉద్యోగానికి సంబంధించిన ట్వీట్ ని ఇక్కడ చూడండి
Mystery Sinkhole : భూమికి పడిన పెద్ద కన్నం .. అంతకంతకూ పెరుగుతున్న హోల్
అదే పనిగా క్యాండీలు తింటే... బాడీలో షుగర్ లెవెల్స్ పెరిగిపోతాయిగా అనే డౌట్ మీకు రావచ్చు. ఈ ఉద్యోగంలో చేరిన వారు నెలకు 3,500 క్యాండీలు మాత్రమే తినాల్సి వస్తుందని కంపెనీ తెలిపింది. అంటే రోజుకు 117 క్యాండీలను టేస్ట్ చూడాల్సి ఉంటుంది. చెప్పాలంటే ఇది ఎక్కువే. బాడీలో గ్లూకోజ్ లెవెల్స్ పెరిగే ప్రమాదం ఉంటుంది. అయినప్పటికీ ఈ ఉద్యోగానికి భారీగా పిల్లలు కూడా అప్లై చేసుకుంటున్నారు.

Snake with Shivling video : శివలింగంతో పాము.. పాలు తాగుతూ దర్శనం
టొరంటోలో ఉన్న ఈ కంపెనీకి ఇన్‌స్టాగ్రామ్‌లో 3,40,000 మంది ఫాలోయర్స్ ఉన్నారు. అలాగే.. టిక్ టాక్ లో 30 లక్షల మంది ఉన్నారు. స్టార్ ఇన్‌ఫ్లూయెన్సర్ కిమ్ కర్దాషియన్ కూడా ఈ ఫాలోయర్స్ లిస్టులో ఉంది. ఈ పోస్టు కోసం డిమాండ్ భారీగానే ఉంది. ఇంతమందిలో మరి దీన్ని దక్కించుకునేది ఎవరన్నది ఆసక్తికరం. మీరు దీనికి అప్లై చేసుకోవాలి అనుకుంటే ఈ లింక్ (Link)లో పూర్తి వివరాలు పొందవచ్చు. అంతకంటే ముందు.. రోజూ 117 క్యాండీలను తింటే... ఆరోగ్యంపై ఎలాంటి ప్రభావం ఉంటుందో.. డాక్టర్ సలహా తీసుకుంటే మంచిదే.