కోతి తెలివి.. రాయికి పదునుపెట్టి, అద్దాలు పగలగొట్టి..

జంతువులకు వచ్చే కొన్ని ఐడియాలు.. బహుశా, మనుషులకు కూడా రావేమో! ఇదిగో ఈ కోతిని చూస్తే మీకూ ఇదే అభిప్రాయం కలగవచ్చు. చైనాలోని హెనాన్ రాష్ట్రంలో గల జెగ్జో జూలో ఓ కోతి తన తెలివి తేటలతో ఆకట్టుకుంది. జూ నుంచి తప్పించుకోడానికి ప్లాన్ చేసిన ఆ కోతి.. ఓ రాయిని తీసి బాగా పదును పెట్టింది. ఆ తర్వాత జూ ఎన్‌క్లోజర్ అద్దాన్ని పగలగొట్టింది.

Read also: ప్యాకేజీలో పాము.. గుంటూరు వ్యక్తికి వింత అనుభవం!

రాయిని రెండు చేతులతో పట్టుకుని అచ్చం మనిషిలాగానే అద్దాలను పగలగొట్టేందుకు ప్రయత్నించింది. అద్దం పెద్ద శబ్దం చేస్తూ పగలడంతో భయపడి వెనక్కి పరిగెట్టింది. సందర్శకులు ఇదంతా వీడియో తీసి సోషల్ మీడియాలో పోస్టు చేయడంతో క్షణాల్లో వైరలైంది. ఈ సందర్భంగా జూ సిబ్బంది మాట్లాడుతూ.. ‘‘ఈ కోతి చాలా భిన్నమైనది. మిగతా కోతుల కంటే తెలివైనది. ఇతర కోతులకు వాల్‌నట్స్ పెడితే.. అవి వాటిని కొరుక్కుని తినాలని మాత్రమే భావించేవి. కానీ, ఈ కోతి మాత్రం వాటిని పగలగొట్టి మరీ తినేది. అయితే, గతంలో ఎప్పుడూ ఇది ఎన్‌క్లోజర్ అద్దాలను పగలగొట్టలేదు’’ అని తెలిపారు.

అద్దాలను పగలగొడుతున్న కోతి వీడియోను ఇక్కడ చూడండి:
Read also: వామ్మో, మొసలి.. కంచె దూకి మరీ ఎస్కేప్!