ఆలయంలో మేక చేసిన పనిని చూస్తే మెచ్చుకుంటారు.. వీడియో వైరల్..!

మామూలుగా మనం ఆలయాలకు వెళ్ళి పూజలు చేస్తాం. అభిషేకాల్లో పాల్గొంటాం. మన కోరికలు చెప్పుకుంటాం. మొక్కులు చెల్లించుకుంటాం. పూజా కార్యక్రమాలు అయ్యే వరకూ ఆలయంలోనే ఉండి.. తరవాత హారతి కళ్లకు అద్దుకొని.. ప్రసాదం తీసుకొని ఇంటికి వస్తాం. సహజంగా ఆలయాలకి మనుషులు మాత్రమే వెళుతూ ఉంటారు. ఇది మాత్రం అద్భుతం అని చెప్పాలి. ఒక మేక ఆలయంలోకి వచ్చి ఏదో జంతువు వచ్చినట్లు కాకుండా అచ్చం మనిషి లాగా ప్రవర్తించింది.

ఆ మేకను చూసి అందరూ అవాక్కవుతున్నారు. గుడిలోని మెట్లపై అది మోకాళ్ళ మీద నిల్చుంది. పూజారి హారతి ఇస్తున్నప్పుడు ఆ మేక మోకాళ్ళతో వంగి నమస్కారం చేసింది. దాన్ని చూస్తే ఎంతో డీప్‌గా ప్రార్థన చేస్తున్నట్లు కనిపించింది.

ఎందుకిలా?
ఈ మేకకు సంబంధించిన వీడియోని ట్విట్టర్ యూజర్ డేవిడ్ జాన్సన్.. తన అకౌంట్‌లో పోస్ట్ చేశారు. నమ్మకాన్ని చూపిస్తున్న ఈ మేకని చూడమని క్యాప్షన్ ఇచ్చారు. ఉత్తరప్రదేశ్.. కాన్పూర్‌లోని పరమత్ ఆలయంలో ఇలా జరిగింది. ఈ మేకను మీరు చూశారంటే శభాష్ అంటారు. పైగా అక్కడ ఉన్న భక్తులందరూ దీన్ని చూసి అవాక్కయ్యారు.

ఆ వీడియో (viral video)ని ఇక్కడ చూడండి

నెటిజన్ల స్పందన:
భక్తులే కాదు సోషల్ మీడియాలో ఈ వీడియోని చూసిన వారందరూ అవాక్కవుతున్నారు. అక్కడికి వచ్చిన లక్ష్మీ అనే భక్తురాలు ఉదయం నుంచి ఆ మేక ఆలయ ఆవరణలోనే ఉందని చెప్పారు. సోషల్ మీడియాలో ఈ వీడియోని పోస్ట్ చేయగా.. ఒక యూజర్ ''నమ్మలేకపోతున్నాను'' అని కామెంట్ ఇచ్చారు. మరో యూజర్ “అద్భుతం” అని కామెంట్ ఇచ్చారు. ఇలా మనుషుల లాగా మేక ఆలోచిస్తూ ఉండటం చిత్రమే. సహజంగా ఆలయాల దగ్గర మేకపోతులను బలి ఇస్తారు. అలాంటిది.. ఆలయానికి మేకే స్వయంగా వచ్చి.. భక్తిని చాటుకోవడం ఆశ్చర్యమేగా.

Read Latest Viral News and Telugu News