viral video: సినిమాల్లో సౌండ్ ఎఫెక్ట్స్.. సీక్రెట్ రివీల్.. వీడియో వైరల్

సినిమా అనేది ఓ అద్భుతమైన రంగుల ప్రపంచం మాత్రమే కాదు. అద్భుతమైన ధ్వనుల ప్రపంచం కూడా. మనం ఏదైనా తిరునాళ్లకు వెళ్లి వీడియో రికార్డ్ చేస్తే.. అక్కడ మనకు రకరకాల ధ్వనులు రికార్డ్ అవుతాయి. పిల్లల కేరింతలు, వ్యాపారుల ధరల అరుపులు, మనుషుల మాటలు, పక్షుల కిలకిలలు, వాహనాల హారన్లు ఇలా ఎన్నో రకాల ధ్వనులను వింటాం. వీటినే ఏంబియన్స్ (ambience) అంటాం. ఈ ఏంబియన్స్ వల్లే.. వీడియోలో దృశ్యానికి రియల్ లుక్ వస్తుంది. ఐతే.. మనం మొబైల్స్‌తో తీసే వీడియోల్లో ఏంబియన్స్ కంటే.. సినిమాల్లో ఏంబియన్స్ చాలా స్పష్టంగా, వినసొంపుగా ఉంటుంది. అందుకు కారణం.. అవి కృత్రిమమైనవి కావడం వల్లే. (sound effects in movies)

ఏదైనా సహజంగా ఉంటే బాగుంటుంది. కానీ ఏంబియన్స్ విషయానికి వచ్చేసరికి... సహజమైన వాటి కంటే.. కృత్రిమమైనవే వినసొంపుగా ఉండేలా చేస్తున్నారు. రకరకాల ధ్వనులను స్టూడియోలో ప్రత్యేకంగా సృష్టించి రికార్డ్ చేస్తారు. ఇదంతా బ్యాక్ గ్రౌండ్ మ్యూజిక్‌లో ఓ పార్టుగా ఉంటుంది. టపాసులు పేలడం, జంతువుల అరుపులు, గుండె లబ్ డబ్, బాంబుపేలుళ్లు, ఉరుములు, మెరుపులు, వర్షం, జంతువులు ఆహారం తినేటప్పుడు వచ్చే శబ్దాలు, చలిమంట, గుర్రం పరుగు, విమానాల శబ్దాలు, నీటిలో చేపల చప్పుళ్లు, హోరు గాలి, దూసుకెళ్లే మంటలు ఇలా అన్ని రకాల శబ్దాలనూ కృత్రిమంగా తయారుచేస్తారు. ఇలా చేయడం వల్లే అవి అత్యంత స్పష్టంగా రికార్డవుతాయి. తద్వారా ప్రేక్షకులకు దృశ్యానికి తగిన శబ్దం కూడా వినిపిస్తూ... మనోరంజకంగా ఉంటుంది. అదే సహజమైన శబ్దాలను వాడాలనుకుంటే... వాటిలో అవసరం లేని శబ్దాలు (Noise) కూడా చేరడం వల్ల ప్రేక్షకులకు వినసొంపుగా ఉండదు. (Sound effects creation video)

ఇన్‌స్టాగ్రామ్‌లోని brightside.official పేజీలో ఈ ఏంబియన్స్ సౌండ్ ఎఫెక్ట్స్ వీడియోని జూన్ 28, 2022న పోస్ట్ చెయ్యగా.. ఇప్పటికే దాన్ని 55వేల మందికి పైగా చూశారు. 3వేల మందికి పైగా లైక్ చేశారు.

ఆ వీడియోని ఇక్కడ చూడండి (viral video)
viral video: టీచర్ తలపై పడిన కొబ్బరిబోండాం.. కాపాడిన హెల్మెట్
ఈ వీడియో ఎంతో ప్రయోజనకరంగా ఉందని నెటిజన్లు మెచ్చుకుంటున్నారు. "ఇలా కృత్రిమంగా ఎందుకు చేస్తారో నాకు ఎప్పటికీ అర్థం కాదు. సహజమైన వాటినే వాడొచ్చుగా" అని ఓ యూజర్ కామెంట్ ఇవ్వగా... "సహజమైన వాటిలో బ్యాక్‌గ్రౌండ్ నాయిస్ వస్తుంది లేదా సౌండ్ క్వాలిటీ బాగోదు" అని మరో యూజర్ రిప్లై ఇచ్చారు.
Alien like Creature: సముద్రంలో వింత జీవి.. కేజీ రూ.28 వేలు
"ఫెంటాస్టిక్" అని మరో యూజర్ స్పందించగా... "నిజంగా అద్భుతం" అని ఇంకో యూజర్ కామెంట్ ఇచ్చారు. "ఆసక్తిగా ఉంది" అని మరో యూజర్.. "బ్రిలియంట్" అని ఇంకో యూజర్ కామెంట్ ఇచ్చారు.