మనుషుల తలలున్న బాక్స్ మాయం.. ఎవరు ఎత్తుకుపోయారు? ఎందుకు?

అమెరికా... కొలరాడోలోని డెన్వర్‌లో... మనుషుల తలలను ఉంచిన కంటైనర్‌ను ఎవరో ఎత్తుకుపోయారు. ఈ విషయం తెలియగానే ఫస్ట్ మనకి వచ్చే డౌట్... బాక్సులో మనుషుల తలలు ఎందుకు ఉన్నాయి... అనేది. ఆ తలలను వైద్య పరిశోధనల కోసం ఉంచారు. ఓ వ్యక్తి ఈ చోరీ చేశాడని భావిస్తున్నారు. ట్రక్కులో ఈ బాక్సుతోపాటూ మరికొన్ని వస్తువుల్ని మెడికల్ రీసెర్చ్ కోసం తీసుకెళ్తుంటే... ఆ దొంగ... ట్రక్కులోకి చొరబడి... ఓ బాక్సును ఎత్తుకుపోయాడు. మార్చి 3న గురువారం ఉదయం వేళ ఈ ఘటన జరిగిందని పోలీసులు తెలిపారు. డెన్వర్ సిటీలోని సెంట్రల్ పార్క్ పక్కన సిరాకూస్ వీధిలో ట్రక్ ఉండగా... ఎవరో ఈ చోరీ చేశారని పోలీసులు తెలిపారు. (human heads box)

మనుషుల తలలు ఉన్న బాక్సును సైన్స్ కేర్ అనే విభాగం జాగ్రత్తగా చూసుకుంటోంది. ఇదో ప్రత్యేక కంపెనీ. ఇది ఏం చేస్తుందంటే... మనుషుల బాడీ పార్టులను డొనేట్ చేస్తుంది. విద్యాసంస్థలు, ఆస్పత్రుల్లో పరిశోధనల కోసం ఉచితంగా ఇస్తుంది. అలా ఇచ్చేందుకే బాక్సులో మనుషుల తలలను ఉంచింది.

అది కూలింగ్ ట్రక్కు కావడం వల్ల ఆ బాక్స్‌ను ట్రక్కులో ఉంచినంతసేపూ ఆ తలలు పాడవ్వవు. కానీ ఇప్పుడు ఎవరో వాటిని ఎత్తుకుపోవడం వల్ల... వాటిని ఫ్రిజ్‌లో పెట్టకపోతే పాడైపోతాయని అధికారులు అంటున్నారు. పాడైన తలలను వైద్య పరిశోధనల కోసం వాడలేమని చెబుతున్నారు. (medical research facility)

చోరీ ఎవరు చేశారో, ఎందుకు చేశారో పోలీసులకు తెలియట్లేదు. చోరీ చేసిన వాళ్లకు అందులో మనుషుల తలలు ఉన్న విషయం తెలుసా లేదా అన్నది కూడా తెలియట్లేదు. ట్రక్కును వెనక నుంచి ఎక్కితే... ముందుగా ఆ బాక్సే కనిపించి ఉంటుందనీ... అందువల్ల దాన్ని పట్టుకుపోయి ఉంటారని భావిస్తున్నారు. బాక్సులో డబ్బు ఉందనే ఉద్దేశంతోనే పట్టుకెళ్లి ఉంటారని అంచనా వేస్తున్నారు. ఆ బాక్సులో ఎన్ని తలలను ఉంచారో పోలీసులు బయటకు చెప్పట్లేదు.
సాగరకన్య మమ్మీ.. మనిషి ముఖం.. తింటే.. అమరత్వం సిద్ధిస్తుందా?
ఈ వార్త స్థానికంగా బాగా కలకలం రేపింది. చోరీ సంగతి అలా ఉంచితే... మనుషుల తలలను బాక్సులో ఉంచడమేంటి... అలాంటి బాక్సును తమ ఏరియాలోని ట్రక్కులో ఉంచడమేంటని అడుగుతున్నారు. ఇలాంటి ఘటనను తాము కలలో కూడా ఊహించలేదని అంటున్నారు.
video: కోలుకున్న కచ్చా బాదామ్ సింగర్.. త్వరలో కొత్త సాంగ్ రిలీజ్
ఇప్పుడు ఆ బాక్సును దొంగ ఎక్కడైనా పడేసి ఉంటాడేమో అని పోలీసులు వెతుకుతున్నారు. డెన్వర్‌లో నేరాలు-ఘోరాలూ తక్కువే. ఆ నగర ట్రాక్ రికార్డ్ బాగానే ఉంది. అందువల్ల స్థానికులకు నేర వార్తలు పెద్దగా వినిపించవు. అలాంటి వారికి ఈ వార్త మాత్రం ఆశ్చర్యం, ఆసక్తి కలిగిస్తోంది. ఎండ్ కార్డ్ లేకుండా చాలా సస్పెన్స్ ఉండటంతో... వారు ఈ కేసును ఆసక్తిగా చూస్తున్నారు. దొంగ ఎవరో, ఎందుకు చోరీ చేశాడో తెలుసుకోవాలనుకుంటున్నారు.