viral: భార్య కోసం ఆస్పత్రికి పామును తీసుకెళ్లాడు.. అదృష్టవంతురాలు అంటున్న డాక్టర్లు

అది ఉత్తరప్రదేశ్... అఫ్జల్ నగర్ ఏరియా. శుక్రవారం ఉదయం ఓ మహిళ ఇంటి ముందు పనులు చేసుకుంటోంది. ఇంటి పక్కనే చిన్న చిన్న తుప్పలుంటాయి. ఇంకా పూర్తిగా తెల్లవారలేదు. ఆ సమయంలో... ఆ తుప్పల్లోంచీ ఓ పాము వచ్చింది. అది అటుగా వెళ్తూ... ఆమెను కాటు వేసింది. సురుక్కు మనడంతో ఆమె... ఏ గండుచీమో కుట్టి ఉంటుంది అనుకొని వెనక్కి తిరిగింది. చూస్తే పెద్ద పాము కనిపించింది. దాన్ని చూడగానే... ఆమె షాక్‌లోకి వెళ్లినట్లైంది. పాము.. పాము కాటేసింది అంటూ కేకలు వెయ్యడంతో... ఇంట్లో నిద్రపోతున్న భర్త రమేంద్ర యాదవ్‌తి మెలకువ వచ్చేసింది. (Husband takes snake to hospital)

విషయం తెలుసుకొని... వెంటనే... ఆ పాము ఎక్కడ.. ఎక్కడ అని వెతకసాగాడు. అది అక్కడి ఓ గోడ చాటుగా వెళ్తుండటం చూశాడు. అంతే... గబగబా ఇంట్లో అటూ ఇటూ చూసి... ఓ పెద్ద ప్లాస్టిక్ డబ్బాను పట్టుకొని... పాము దగ్గరకు వెళ్లాడు. కొన్ని ప్రయత్నాల తర్వాత ఆ పాము డబ్బాలో దూరింది. అంతే... దాన్ని అలాగే మూత పెట్టి... పాముతో సహా భార్యను జిల్లా ఆస్పత్రికి తీసుకెళ్లాడు. డాక్టర్లను కలిసి... విషయం చెప్పాడు. (woman was bitten by a snake)
Indian Railways video: ప్రమాదకర ప్రయాణం.. రైలు నుంచి జారిపడిన టీనేజర్
"దానికి ఈ పామును ఎందుకు తెచ్చావు" అని అడిగితే... "తేకపోతే ఎలా? మీరు అడుగుతారు కదా... ఏ పాము అని? నాకు ఇది ఏ పామో తెలియదు. కాబట్టే దీన్ని కూడా తెచ్చాను" అని చెప్పాడు. దాంతో డాక్టర్లు.. భర్త లంతా నీలా అలర్టుగా ఉండాలి... అని మెచ్చుకుంటూ... ఏ పాము కాటేసినా ఏం కాదు... యాంటీ స్నేక్ వెనమ్ ఇంజెక్షన్ (Antisnake Venom Injection) వేస్తాం అని తెలిపారు. పాము అక్కర్లేదు.. సరైన సమయానికి ఆస్పత్రికి తీసుకొస్తే సరిపోతుంది అని తెలిపారు. (Snake bites wife)
viral video: నదిలో చిక్కుకున్న పిల్ల ఏనుగు.. ప్రాణాలకు తెగించి కాపాడిన తల్లి
ఇంజెక్షన్ ఇచ్చిన డాక్టర్లు... మరేం పర్లేదని తెలిపారు. ఆ పాము మరీ ఎక్కువ విషపూరితమైనది కాదని చెప్పడంతో... రమేంద్ర ఊపిరి పీల్చుకున్నాడు. డాక్టర్లు ఆమెను వెంటనే డిశ్చార్జి చేశారు. ఆమెను ఇంట్లో దింపిన రమేంద్ర ఆ పామును దగ్గర్లోని అడవికి తీసుకెళ్లి వదిలేశాడు. దీనిపై స్థానిక రిపోర్టర్లు అతన్ని ఓ ప్రశ్న అడిగారు. "బాటిల్‌లో పామును ఉంచి.. మూత పెట్టేస్తే... అది ఊపిరాడక చనిపోతుంది కదా" అని అడిగితే... "నాకు తెలీదూ.. నేను మరీ అంత అమాయకుణ్ని కాదు. అందుకే దానికి గాలి అందేలా.. బాటిల్‌కి చిన్న చిన్న కన్నాలు పెట్టాను" అని తెలిపాడు.