(image credit - twitter - volterinator)
యుగాంత సెల్ఫీలు
ప్రపంచం అంతమైపోయే సమయంలో సెల్ఫీలు తీసుకుంటా ఇలాగే ఉంటాయి అని ఆ ఆర్టిఫిషియల్ ఇంటెలిజెంట్ ఇమేజ్ జనరేటర్ భావించింది. దాని సైంటిఫిక్ నేమ్ DALL-E 2. ఇక్కడ ముఖ్యమైన అంశం ఆర్టిఫిషియల్ ఇంటెలిజెన్స్. ఈ రోజుల్లో చాలా రోబోలు మనుషుల లాగా దాదాపు ఆలోచిస్తున్నాయి. దీన్నే ఆర్టిఫిషియల్ ఇంటెలిజెన్స్ అంటున్నారు. పిల్లలు పుట్టిన తర్వాత ఎలాగైతే భాష, ఇతర విషయాలు నేర్చుకుంటారో... అలాగే ఈ రోబోలు కూడా కంటిన్యూగా కొత్త కొత్త విషయాలు నేర్చుకుంటూనే ఉంటాయి. ఫలితంగా రోజురోజుకూ వాటి తెలివితేటలు పెరుగుతూ ఉంటాయి. అందువల్ల అవి యుగాంతం ఎలా ఉంటుందో కూడా అంచనా వెయ్యగలవు.
(image credit - twitter - volterinator)
భయపెడుతున్న ఫొటోలు
DALL-E 2 మంచి ఫొటోలను చూపిస్తుందని అనుకుంటే... ఇలాంటి భయంకరమైన వాటిని చూపించి మరింత భయపెట్టింది. ఈ ఫొటోల్లో చివరి సెల్ఫీలు తీసుకుంటున్న మనుషులు.. అసలు మనుషుల లాగానే లేరు. సెల్ఫీ తీసుకునేలోపే చనిపోయినట్లుగా కనిపిస్తున్నారు. కొన్ని ఫొటోల్లో డైరెక్టుగా శవాలే సెల్ఫీలు తీసుకున్నట్లు ఉన్నాయి. పైగా వారి వెనకాల బ్యాక్ గ్రౌండ్ చాలా దారుణంగా ఉంది. మంటలు, పొగలు, బాంబు దాడులు, ప్రళయాల దృశ్యాలున్నాయి. నగరాలు నాశనం అవుతున్నట్లు కనిపిస్తోంది. తద్వారా యుగాంతం అత్యంత భయంకరంగా ఉంటుందని ఆ రోబో అంచనా వేసింది అనుకోవచ్చు.
(image credit - twitter - volterinator)
ఆ సెల్ఫీ ఫొటోల వీడియోని ఇక్కడ చూడండి (viral video)
భయపడుతున్న నెటిజన్లు
ఈ ఫొటోలు నెటిజన్లలో తెలియని ఆందోళన కలిగిస్తున్నాయి. అసలే ప్రస్తుతం కరోనా, మంకీపాక్స్ కి తోడు ప్రపంచ దేశాల్లో పరిస్థితులు బాలేవు. నిరుద్యోగం, ద్రవ్యోల్బణం, ఆర్థిక సమస్యలు, కరవులు, అతి ఎండలు, అతి వర్షాలు ఇలా చాలా ఇబ్బందులు ఉన్నాయి. వీటి వల్ల మానసికంగా ఆందోళన చెందుతున్న మనుషుల్ని ఈ ఫొటోలు మరింత భయపెడుతున్నాయి. "సరే.. ఇక నిద్ర లేదు" అని ఓ యూజర్ కామెంట్ ఇవ్వగా... "స్కూల్స్ మాత్రం తెరిచే ఉంటాయి" అని మరో యూజర్ స్పందించారు. "కనీసం ఆ కెమెరా క్వాలిటీ అయినా బాగుంది" అని మరో యూజర్ కామెంట్ ఇచ్చారు. "కొన్ని ఫొటోల్లో బ్యాక్ గ్రౌండ్ ఒకేలా ఉంటోంది" అని మరో యూజర్ కామెంట్ ఇచ్చారు. "వీటిని బట్టీ మనం అప్పటికి మరో గ్రహంపై జీవించే మార్గాన్ని తెలుసుకుంటామేమో" అని మరో యూజర్ రిప్లై ఇచ్చారు.
(image credit - twitter - volterinator)