Mystery Holes : అట్లాంటిక్ మహా సముద్రంలో ఏలియన్స్ ఉన్నారా .. ఆ కన్నాలేంటి

Mystery Holes : హిందూ మహా సముద్రం తర్వాత... ఎక్కువ రహస్యాలను కలిగివున్న మహా సముద్రంగా అట్లాంటిక్ నిలుస్తోంది. తరచూ ఆ ఓషన్ కి సంబంధించి చాలా వార్తలు వైరల్ అవుతున్నాయి. తాజాగా శాస్త్రవేత్తలు చెప్పిన ఓ వార్త ప్రపంచాన్ని ఆశ్చర్యపరుస్తోంది. వివరించడానికి వీలు కాని, రహస్యమైన కన్నాలను సైంటిస్టులు తాజాగా సముద్ర గర్భంలో గుర్తించారు. ఈ కాన్నాలు... తిన్నగా ఓ లైన్‌లో ఉన్నట్లు ఉన్నాయి. వీటి సంగతి తేల్చేందుకు ప్రజల సాయం కోరుతున్నారు. అమెరికా కి చెందిన నేషనల్ ఓషియానిక్ అండ్ అట్మాస్ఫియరిక్ అడ్మినిస్ట్రేషన్ (NOAA) వారు వీటిని కనిపెట్టారు. సముద్రంలో స్వయంగా వెళ్లే వెహికిల్ (ROV) ని.. సముద్ర గర్భం దగ్గరకు పంపారు. సముద్ర మట్టానికి 2.7 కిలోమీటర్ల లోతున ఇవి కనిపించాయి.

ఇప్పుడే ఎందుకు కనిపించాయి?
ఈ సైంటిస్టులు సముద్రంలో పగడపు దిబ్బలు (deep-sea coral), స్పాంజీ లాంటి మొక్కలు ఎలా ఉన్నాయో చూద్దామని ఆ వెహికిల్‌ని అజోర్స్ (Azores)కి ఉత్తరాన ఉన్న మధ్య అట్లాంటిక్ రిడ్జ్ లోకి పంపారు. ఈ కన్నాలు కచ్చితమైన లైన్‌ ("perfectly aligned")లో ఉన్నాయి. అంతేకాదు.. ఒక్కో కన్న మధ్య దూరం కూడా సమానంగా ఉంది. ప్రతీ కన్నం చుట్టూ కొద్ది మొత్తంలో అవక్షేపాలు (sediments) ఉన్నాయి. అంటే.. ఎవరో మనుషులు డ్రిల్లింగ్ చేసినట్లు ఉన్నాయి.

అమెరికాకు తెలియకుండా అక్కడ ఇలా మనుషులు డ్రిల్లింగ్ చేసే అవకాశాలు లేవు అంటున్నారు. మరైతే ఎవరు ఆ పని చేశారన్నది ప్రశ్నగా మారింది. గ్రహాంతరవాసులే అలా చేసివుంటారనే కోణం ఒకటి ఉన్నా... ఇప్పటివరకూ గ్రహాంతరవాసులు ఉన్నారు అనేందుకు ఆధారాలు లేవు కాబట్టి... ఈ కోణాన్ని సైంటిస్టులు ఒప్పుకోవట్లేదు. ఇవి ఏం రంధ్రాలో చెప్పాలని ప్రజలను సాయం కోరుతోంది NOAA. ప్రజల అంచనా ఏమిటో చెప్పమంటోంది. ఇందుకు సంబంధించి ఫేస్‌బుక్ లోని Ocean Exploration Research పేజీలో జులై 28, 2022న ఓ పోస్ట్ పెట్టారు. అందులో 4 ఫొటోలున్నాయి.
Wolf Fish : వామ్మో తోడేలు చేప .. ఎలా ఉందో .. వీడియో చూడండి
ఆ పోస్ట్‌ని ఇక్కడ చూడండి

ఈ పోస్ట్‌పై ఓ నెటిజన్ స్పందించారు. ఈ కన్నాలు బైవాల్వ్ (bivalve) పని కావచ్చు అని చెప్పారు. "భూమిలోంచి తవ్వకాలు జరిపినట్లుగా కన్నాల చుట్టూ అవక్షేపాలు ఉన్నాయి కాబట్టి... ఆ అవక్షేపాల్ని రంధ్రాల లోపలి నుంచి బయటకు తోసి పోగేసినట్లు అనుకోవచ్చు. ఇదో రకమైన బైవాల్వ్ పని కావచ్చు. అది అలా రంధ్రాలు చేసుకుంటూ ముందుకు వెళ్లి ఉంటుంది" అని సూచించారు. బైవాల్వ్ అనేది ఆల్చిప్పలో ఉండే ఓ రకమైన జీవి. ఇది దాని పనే అనేందుకు కచ్చితమైన ఆధారాలు లేవు.
Ghost Ship : మళ్లీ కనిపించిన దెయ్యం నౌక .. 5 ఏళ్ల తర్వాత ప్రత్యక్షం
"బహుశా ఏదైనా కంపెనీ ఇక్కడ సముద్ర గర్భంలోని శాంపిల్స్ సేకరించడానికి ఈ కన్నాలు పెట్టిందేమో. అందుకే అవి తిన్నగా ఉన్నాయి. పైగా కన్నాల మధ్య గ్యాప్ కూడా సమానంగా ఉంది. ఈ కన్నాలను ఎవరూ పాడుచేసినట్లు కనిపించట్లేదు. తాజాగా ఉన్నాయి" అని మరో యూజర్ స్పందించారు. "భూమి లోపల రాయి ఉంటే.. దాని లోపలికి నీరు వెళ్లేందుకు వీలు ఉంటే.. అలాంటి రాయికి కన్నాలు ఏర్పడి... నీరు లోపలికి వెళ్లగలదు" అని మరో యూజర్ చెప్పగా... "ఇది ఓ రకమైన పీత పని కావచ్చు" అని మరో యూజర్ స్పందించారు. "ఇది ఏలియన్స్ పని అని చెప్పాలనుకోవట్లేదు. కానీ ఇది ఏలియన్స్ పనే" అని మరో యూజర్ కామెంట్ ఇచ్చారు.