Japanese Cast Away: 29 ఏళ్లు దీవిలో ఒంటరిగా గడిపాడు...

Japanese Cast Away: మనిషి సంఘ జీవి. అందువల్ల మనుషులు ఒంటరిగా జీవించలేరు. అలా జీవించేవాళ్లు తమలో తాము మాట్లాడుకునే పరిస్థితి వస్తుంది. అతని పేరు మసఫూమి నాగసాకి (Masafumi Nagasaki). ప్రస్తుత వయసు 87 ఏళ్లు. ప్రపంచంలోని అరుదైన వ్యక్తుల్లో ఒకడిగా చరిత్రకెక్కాడు. జపాన్‌కి చెందిన అతన్ని నగ్న సన్యాసి (naked hermit) అని పిలుస్తున్నారు. ఎందుకంటే అతను ఓ ఉష్ణమండల దీవి (tropical island)లో దాదాపు మూడు దశాబ్దాలు ఒంటరిగా జీవించాడు.

1989లో నాగసాకికి 50 ఏళ్ల వయసుండొచ్చు. ఆ సమయంలో ఫొటోగ్రాఫర్‌గా పనిచేస్తున్న నాగసాకి... తన భార్య, ఇద్దరు పిల్లల్ని వదిలి సోటోబనారీ (Sotobanari) అనే కిలోమీటర్ వ్యాసార్థం ఉన్న చిన్న దీవికి వెళ్లాడు. ఈ దీవి జపాన్ దక్షిణ తీరానికి వందల కిలోమీటర్ల దూరంలో ఉంది. ఆ దీవిలో మంచి నీళ్లు లేకపోయినా అక్కడికి వెళ్లాడు.

పూర్తిగా చెట్లతో నిండివుండే ఆ దీవి అంత పాపులర్ కాదు. అక్కడికి నాగసాకి వెళ్లి నివసించడం ప్రారంభించాడు. 2000 సంవత్సరంలో వచ్చిన హాలీవుడ్ సినిమా Cast Awayలో టామ్ హ్యాంక్స్‌కి ఎలాంటి పరిస్థితులు ఎదురయ్యాయో... అవన్నీ నాగసాకికి కూడా అనుభవమయ్యాయి. కొన్ని రోజులు ఆ దీవిలో ఉండేందుకు వెళ్లిన నాగసాకికి ఎందుకో తిరిగి జపాన్ రావాలి అనిపించలేదు. ఆ దీవిని తన నివాసంగా మార్చేసుకున్నాడు. 29 ఏళ్లు అక్కడే గడిపాడు.

2018లో ఓ జాలరి.. దీవి వైపుగా వెళ్తుండగా... నాగసాకి దీవి తీరంలో స్పృహతప్పి పడివుండటం చూశాడు. వెంటనే అతన్ని బోటులో ఎక్కించుకొని జపాన్‌ దక్షిణానికి తీసుకెళ్లాడు. అక్కడి డాక్టర్లు ప్రత్యేక ట్రీట్‌మెంట్ అందించారు. అలా నాగసాకి విషయం ప్రపంచానికి తెలిసింది.

ట్రీట్‌మెంట్ తర్వాత నాగసాకి... మళ్లీ ఆ దీవికి వెళ్లాలి అనుకోలేదు. నాలుగేళ్లుగా ఇషిగాకీ నగరంలో జీవిస్తున్నాడు. ఈమధ్య.. తన పాత ఇంటిని ఓసారి చూడాలనిపిస్తుందని చెప్పాడు. జూన్ 16న వెళ్లి చూశాడు. అక్కడ తనవారు ఎవరూ లేరని తెలుసుకున్నాడు. అతని వీడియోని యూట్యూబ్‌లో Docastaway - Desert Island Experience ఛానెల్‌లో జూన్ 21, 2022న అప్‌లోడ్ చేశారు.
నిద్రపోతూ నెలకు రూ.26 లక్షలు సంపాదిస్తున్నాడు.. చిత్రంగా లేదూ..
ఆ వీడియోని ఇక్కడ చూడండి (viral video)

ఈ వీడియో చాలా మందికి ఎమోషనల్ హార్ట్ టచ్ ఇచ్చింది. నాగసాకి ఆ దీవిలో ఎలా జీవించాడో తెలుసుకునేందుకు స్పెయిన్‌కి చెందిన ఎక్స్‌ప్లోరర్ అల్వారో సెరెజో... ఆ దీవికి వెళ్లాడు. అక్కడ నాగసాకి... చిన్న గది లాంటిది ఏర్పాటు చేసుకున్నట్లు తెలుసుకున్నాడు. అక్కడ ఒంటిపై బట్టలు లేకుండా నాగసాకి.. స్వేచ్ఛగా జీవించినట్లు తెలుసుకున్నాడు.
Time Traveller From 2096: కొత్త వైరస్ రాబోతోంది.. టైమ్ ట్రావెలర్ హెచ్చరిక!
సెరెజోకి సంబంధించిన కంపెనీ డోకాస్టావే... అతని వీడియోని అప్‌లోడ్ చెయ్యడమే కాదు... నాగసాకి తిరిగి... తన పాత ఇంటికి వెళ్లేందుకు కూడా సాయం చేసింది. ఇప్పుడు 87 ఏళ్ల పెద్దాయనకు తోడు అంటూ ఎవరూ లేరు. భవిష్యత్తు ఏంటో తెలీదు. కానీ... రియల్ కాస్ట్ ఎవేగా ప్రపంచ గుర్తింపు మాత్రం ఉంది.