NASA video: దేవుడి చెయ్యి!.. పల్సర్ విండ్ నెబ్యులాని షేర్ చేసిన నాసా

2014 జనవరి 9న అమెరికా స్పేస్ రీసెర్చ్ ఏజెన్సీ నాసా (NASA)... ఓ అరుదైన అంతరిక్ష ఫొటోను తన వెబ్‌సైట్‌లో షేర్ చేసింది. అదో ఎక్స్-రే ఇమేజ్. చూడ్డానికి దేవుడి చెయ్యి (Hand of God) లా కనిపిస్తున్నా... ఇందులో ఉన్నది పల్సార్ విండ్ నెబ్యులా (pulsar wind nebula) అని తెలిపింది. ఓ సూపర్ నోవా నక్షత్రం పేలిపోవడంతో... మబ్బులా ఏర్పడిన పదార్థమే ఇది అని నాసా వివరించింది. నాసాకి చెందిన న్యూక్లియర్ స్పెక్ట్రోస్కోప్ టెలిస్కోప్ ఎర్రే (NuSTAR) దీన్ని ఎక్స్-రే తీసింది. ఆ ఫొటోకి సంబందించి తాజాగా నాసా అప్‌డేట్ ఇచ్చింది. తాజాగా రిలీజ్ చేసిన ఫొటో అద్భుతంగా ఉంది.

2014 నాటి ఫొటోని ఇక్కడ చూడండి


నాసా ప్రతి రోజు ఓ ప్రత్యేక ఫొటోను రిలీజ్ చేస్తుంది. దాన్ని ఇమేజ్ ఆఫ్ ది డే (Image of the day) అని పిలుస్తుంది. అలాగే అప్పుడప్పుడూ నమ్మశక్యం కాని ఫొటోలను చూపిస్తుంది. అవి సోషల్ మీడియాలో తుఫానులా చెలరేగుతాయి. ఇదివరకు పదేళ్లపాటూ సూర్యుణ్ని ఫొటోలు తీసి... వాటన్నింటినీ జతచేసి ఓ వీడియోని రిలీజ్ చేసింది నాసా. గంటపాటూ ఉన్న ఆ వీడియో సూపర్ వైరల్ (NASA Sun Video) అయ్యింది.

దేవుడి చెయ్యి తాజా ఫొటోని ఇక్కడ చూడండి

తాజా ఫొటోని నాసాకి చెందిన చంద్ర ఎక్స్-రే అబ్జర్వేటరీ తీసింది. సూపర్ నోవా నక్షత్రం పేలిపోవడంతో వచ్చిన దుమ్ము, దూళి, పదార్థాలన్నీ కలిసి... ఇలా చెయ్యి ఆకారంలోకి మారాయి. ఇందులో పసుపు రంగులో ఉన్నది పల్సర్. ఇది చాలా శక్తిమంతమైనది. దీన్ని సైంటిఫిక్‌గా PSR B1509-58 అని పిలుస్తారు. ఇది సుమారుగా 19 కిలోమీటర్ల విస్తీర్ణంలో ఉంది. భూమి నుంచి 17,000 కాంతి సంవత్సరాల అవతల ఈ దృశ్యం ఏర్పడింది.

లేటెస్ట్ ఫొటోతో నాసా ఓ విషయం చెప్పింది. ఇందులోని పల్సర్... సెకండ్‌కి 7 సార్లు తన చుట్టూ తాను తిరుగుతోంది.

Jupiter: గురుగ్రహాన్ని ఢీకొట్టిన గ్రహశకలం.. వీడియో
ఫొటోలోని దుమ్ము పదార్థాలు అయస్కాంత క్షేత్రంతో కనక్ట్ అయివుంటాయని తెలిపిన నాసా... అందువల్లే చెయ్యి లాంటి ఆకారం ఏర్పడి ఉండొచ్చని అభిప్రాయపడింది.