viral: ఒకే రైల్వేస్టేషన్.. ఉండేది రెండు రాష్ట్రాల్లో.. ఎక్కడుందో తెలుసా?

మహారాష్ట్రలోని నందర్బర్ జిల్లాలో నవపూర్ రైల్వేస్టేషన్ (Navapur Railway Station) ఉంది. అది పూర్తిగా ఒక రాష్ట్రానిదే కాదు. అందులో సగం గుజరాత్ రాష్ట్రానిది. ఎందుకంటే అది సరిగ్గా సరిహద్దుల్లో ఉంది. మహారాష్ట్ర-గుజరాత్ బోర్డర్... ఈ రైల్వేస్టేషన్‌ని రెండుగా విభజించింది. మరీ చిత్రమేంటంటే... అక్కడి ఓ కలప బెంచ్ కూడా... ఈ సరిహద్దు మధ్యలో ఉంది. అందువల్ల ఆ బెంచ్ సగభాగం మహారాష్ట్రది కాగా... మిగతా సగభాగం గుజరాత్‍‌‌ది. పశ్చిమ రైల్వేలో ఇదో ప్రత్యేకమైన స్టేషన్. అందులోని ఆ చెక్క బెంచీలో మహారాష్ట్ర వైపు కూర్చొని మద్యం తాగొచ్చు. మరోవైపు తాగకూడదు. అలాగే మహారాష్ట్ర భాగంలో కూర్చొని... పాన్, గుట్కా వంటివి తినకూడదు. (one bench in two states)

రాష్ట్రాల వారీగా మహారాష్ట్ర, గుజరాత్ వేరువేరైనా... ఈ రైల్వేస్టేషన్ మాత్రం రెండు రాష్ట్రాలనూ కలుపుతోంది అనుకోవచ్చు. ఈ రైల్వేస్టేషన్ గుజరాత్ వైపు నుంచి 800 మీటర్ల పొడవు, 500 మీడర్ల వెడల్పు ఉంది. మహారాష్ట్రవైపు 300 మీటర్ల పొడవు ఉంది. ఈ స్టేషన్‌లో నాలుగు భాషల్లో అనౌన్స్‌మెంట్ ఇస్తారు. అవి ఇంగ్లీష్, హిందీ, మరాఠీ, గుజరాత్. (one railway station in two states)

ఈ స్టేషన్‌కి వెళ్లిన ఎవరైనా సరే... మహారాష్ట్రలోని... నందర్బర్ జిల్లాలో ఉన్న భాగం వైపు వెళ్లి టికెట్ కొనుక్కోవాల్సి ఉంటుంది. అలాగే... స్టేషన్ మాస్టర్ ఆఫీస్, వెయిటింగ్ రూమ్, వాష్‌రూమ్స్... గుజరాత్‌ భాగంలో ఉన్నాయి. ఈ భాగం తాపీ జిల్లా పరిధిలోకి వస్తుంది.

చాలా మంది ఈ స్టేషన్‌కి సరదాగా వచ్చి సెల్ఫీలు తీసుకుంటారు. కొన్నిసార్లు ఒకే ఫ్యామిలీ సభ్యులు... సరిహద్దులో నిల్చొని... ఒకే ఫొటోలో రెండు రాష్ట్రాల్లో ఉన్నట్లు దిగుతారు.

ఇలాంటిదే మరో రైల్వేస్టేషన్ కూడా మన దేశంలో ఉంది. అది మధ్యప్రదేశ్-రాజస్థాన్ సరిహద్దులో ఉంది. దాని పేరు భవానీ మండి రైల్వేస్టేషన్ (Bhawani Mandi railway station). ఇది మధ్యప్రదేశ్‌లో 80 శాతం ఉండగా... మిగతా 20 శాతం రాజస్థాన్‌లో ఉంది. అందువల్ల అది నవపూర్ రైల్వేస్టేషన్ లాగా ఎక్కువ ఫేమస్ అవ్వలేదు.