viral video: నమ్మకం కలగట్లేదు కదూ... మరదే దాని ప్రత్యేకత. ఆ రొయ్యకు సంబంధించిన వీడియో ఇప్పుడు సోషల్ మీడియాలో చక్కర్లు కొడుతోంది. చాలా మంది ఆ రొయ్యను చూసి... భలే ఉంది అంటున్నారు. చూడని వాళ్లు తమకూ ఆ వీడియోని షేర్ చెయ్యమని కోరుతున్నారు. ఎందుకంటే అది చాలా ఆసక్తిగా ఉంది. అది దంతాలను తోమిన విధానం చూసి నెటిజన్లు ఇదేంటి... కలియుగ వింతలా ఉందే ఉంటున్నారు. మీరు గనక ఆ వీడియో ఇంకా చూడకపోతే... ఇప్పుడు చూసేయండి.
Samayam Telugu11 Apr 2022, 9:33 am
ఈ ప్రపంచంలో చిత్రవిచిత్రమైనవి చాలా ఉన్నాయి. ఓ 20 ఏళ్ల కిందటి వరకూ ఇంటర్నెట్, సోషల్ మీడియా ఈ స్థాయిలో లేదు కాబట్టి... ఆశ్చర్యకరమైన ఘటనలు అంతగా తెరపైకి వచ్చేవి కావు. ఇప్పుడు కంప్యూటర్ యుగం కదా.. క్షణాల్లో నెట్‌లోకి వస్తున్నాయి. అంతే వేగంగా మనమూ చూస్తున్నాం. మీరు యానిమేషన్ మూవీ ఫైండింగ్ నెమో (Finding Nemo) చూసి ఉంటే... అందులో ఓ సీన్ మీకు గుర్తుంటుంది. నెమో చేపను పట్టుకొని... దంతాల డాక్టర్ ఆఫీసుకి తీసుకెళ్తారు. అక్కడ రకరకాల చేపలు స్వాగతం పలుకుతాయి. వాటిలో ఒకటి క్లీనర్ ష్రింప్ (cleaner shrimp) ఉంటుంది. అదేనండీ.. శుభ్రం చేసే రొయ్య. ఆ రొయ్య.. నెమో దంతాలను క్లీన్ చేస్తుంది.
Samayam Telugu
తాజాగా ఓ మనిషి దంతాలను క్లీనర్ రొయ్య క్లీన్ చేస్తున్న వీడియో సోషల్ మీడియాలో నెటిజన్లను ఆశ్చర్యపరుస్తోంది. రొయ్యేంటీ... క్లీన్ చెయ్యడమేంటి... చిత్రంగా ఉందే అంటున్నారు నెటిజన్లు. ఈ వీడియోని ట్విట్టర్‌లో AmazingNature00 అకౌంట్‌లో ఏప్రిల్ 8, 2022న పోస్ట్ చేశారు. దీన్ని ఇప్పటికే 99వేల మందికి పైగా చేశారు. 12 వందల మందికి పైగా లైక్ చేశారు. video: పక్షుల కార్పెట్ బాంబింగ్.. అరుదైన అందమైన వీడియో ఈ వీడియోని గమనిస్తూ స్కూబా డైవర్ (scuba diver) సమద్రంలోని ఓ పగడపు దిబ్బ (coral reef) దగ్గరకు వెళ్లాడు. అక్కడ క్లీనర్ ష్రింప్ కనిపించగానే... నోరు తెరచి... వీడియో రికార్డ్ చేయసాగాడు. ఆ రొయ్య అతని నోటి దగ్గరకు వచ్చి... తన కాళ్లతో... దంతాలను క్లీన్ చేసింది. చిగుళ్ల దగ్గర వేస్ట్ ఆహారాన్ని తీసేసింది.
ఆ వీడియోని ఇక్కడ చూడండి
నెటిజన్ల ఆశ్చర్యం: ఇలాంటి దృశ్యాన్ని ఎప్పుడూ చూడని నెటిజన్లు ఇప్పుడు చూసి వింతగా ఉందే అంటున్నారు. "ఇదేంటి.. అది ఆహారం కోసం దంతాల్లో వెతుకుతోందా... లేక ఇంకేమైనానా" అని ఓ యూజర్ కామెంట్ ఇవ్వగా... "ఈ రొయ్యలకు మిగతా సముద్ర జీవులతో సంబంధాలు ఉంటాయి. ఇతర జీవుల దంతాలపై ఉన్న వాటిని ఈ రొయ్యలు తింటాయి. ఆ క్రమంలో దంతాలను క్లీన్ చేస్తాయి" అని మరో యూజర్ కామెంట్ ఇచ్చారు. video: వెంటాడిన కిల్లర్ తిమింగలం.. చుక్కలు చూపించిందిగా... పగడపు దిబ్బలే ఆవాసం: క్లీనర్ రొయ్యలు... కోరల్ రీఫ్స్‌లో ఉంటాయి. ప్రపంచంలోని అన్ని సముద్రాల్లో ఇవి కనిపిస్తాయి. ఎక్కువగా పసిఫిక్ మహా సముద్రం (Pacific Ocean)లో ఉంటాయి. ఇవి పగడపు దిబ్బలే ఇల్లుగా చేసుకొని అక్కడ ఉంటాయి. ఇవి నోట్లో దంతాలను దెబ్బతీసే పారాసైట్ల (parasites)ను, మృత కణాలను తొలగిస్తాయి. వాటినే తింటూ జీవిస్తాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
